Revista Nós, nº 55:
<<
Dificilmente se pode estabrecer unha diferencia formal entre cada unha destas
individuas. Mailas bruxas teñen certo poder participado do demo pra facer
dano; asina, a ollada dunha bruxa pode produci-la estenuación nos nenos
e nas persoas maiores, no gando e aínda nos eidos facendo que non dean
froito. As meigas curan doenzas mediante certas cerimonias raras. As sabias
adiviñan o porvir e os feitos xa pasados e segredos mediante certas cerimonias
e con axuda do demo. As feiticeiras son certa sorte de bruxas que dan bebedizos,
amuletos, escritos, etc. pra que un poida adquirir o que desexa valéndose
diles.
As bruxas saen da casa ás noites e van voando polos aires, montadas no
rabo dunha basoira pra se sustraeren á acción da gravedade compre
untarse co "cacho", que consiste nunha pomada feita con grasa de porco, polvos
de rabo de lagartixa e ósos de difuntos e unto de sapo; despois de misturar
estas cousas, din unhas palabras sobre elas e bótanlle beinzóns
e con esto o cacoh fica preparado pra ser utilizado.
O cerimonial consiste na chamada media misa que é unha representazón
grotesca do sacrifizo da misa.
Cando morre unha bruxa que foi xefe de grupo e polo tanto depositaria do cacho,
non vai ó inferno (que pra ela non o é, posto que é amiga
do diaño), namentras non atopa a quén darlle o cacho.
As meigas non voan. Curan doenzas e afuxentan os malefizos. Algunhas sabias
adiviñan os segredos e as cousas futuras queimando pelo, unllas ou algunha
parte do corpo da persoa interesada (...)>>
Revista
Nós, nº 2:
AS BRUXAS
1.- Si o crego deixa o misal aberto do lado dereito as bruxas que entraran na
eirexa non poderan saír namentres non o cerre.
2.- Si cando corren as estrelas, se recollen areas do chan, e despois se botan
na pía da auga bendita, quedarán tantas bruxas sen poderen saír
da eirexa, como areas haxa na pía.
3.- As moscas que hai son traguidas polas bruxas no día de San Xoán.
Revista
Nós, nº5
Sobor do libro aberto na eirexa: <<Contan dun cura de San Cristobo (en
Caldelas) que fixo eso e quedaron na eirexa unhas cantas mulleres, as que lle
fixeron pagar o feito, saíndolle unha vez ó camiño e pegándolle
unha tunda.>>