karo jo baat karni hai

- Amjad Islam 'Amjad'

karo jo baat karni hai
agar is aas par baithe
ke duniya bas tumhen sunne ki khaatir
gosh-bar-aawaaz ho kar baithee rahegee
to aisaa ho naheen saktaa

zamaanaa ek logon se bharaa futpaath hai jis par
kisee ko ek lamhe ke liye ruknaa naheen miltaa
bithaao laakh tum pehrey
tamaashaagaah-e-'aalam se
guzartee jaayegi khalqat binaa dekhey, binaa thehrey
jisey tum waqt kehtey ho
dhundalkaa sa koi jaisey
zameen se aasmaan tak ho
ye koi khwaab hai jaisey
naheen ma'aloom kuchh is khwaab ki muddat kahaan tak hai?
karo jo baat karnee hai