ravish-ravish par bhatakne waale, ye jazb-e-dil ka m'aamla hai
ho jazb-e-kaamil to dil ko har ik qadam pe duniyaa nai milegi

ye falsafaa kya khaak falsafaa hai ke har khushee men alam nihaan hai
nigaah pehloo zaraa jo badle to har alam men khushee milegi

sukoon milaa hai kabhi nazar ko to dil ki duniyaa tarap uthee hai
dil-o-nazar ka ho jab ye aalam to khaak aasoodgi milegi

koo-ba-koo phail gai baat shanaasaai ki
usne khushboo ki tarah meri pazeerai ki

kaise keh doon ke mujhe chhor diya hai usne
baat to sach hai magar baat hai rusvaai ki