Demanda de melloras no plano de estudos
As persoas que asinamos este documento, pretendemos facer
unha serie de demandas, que consideramos deber ser tidas en conta para
a realización do novo plano de estudos da Lincienciatura de
Ciencias Políticas e da Administración na USC.
● Cremos necesaria a introducción non plano de estudos como
parte obrigatoria a realización de prácticas en
institucións e empresas, a través de acordos entre estas
e a Universidade.
● Estimamos imprescindibel un aumento do número de asignaturas
optativas que se ofertan neste centro, xa que actualmente é moi
limitado, e así mesmo unha ampliación dos horarios nos
que ditas asignaturas se ofertan, xa que por mor disto son
incompatibeis cos horarios das asignaturas troncais.
● No novo plano deberá recollerse a existencia dunha asignatura
optativa sobre o funcionamento do programa informático SPSS, por
ser unha ferramenta fundamental para o estudo social.
● Tamén debe recollerse nun novo plano a presenza de asignaturas
optativas de idiomas técnicos, fundamentais para certas ramas da
carreira. Ademáis considerase que as taxas da escola de linguas
modernas son abusivas, polo que pedimos á Xunta de Facultade que
avoguen pola reducción destes prezos.
● Consideramos que dende o centro deberiase pular por unha
modificación da libre elección, para que realmente cumpla
a súa función de complemento á
formación das/os estudantes.
● Esiximos que as autoridades universitarias medien co goberno na
elaboración da nova Lei Orgánica de Universidades, para
que se teña en conta no título as distintas
especialidades que as/os alumnas/os podan cursar.
● É necesaria a creación de taboas de
convalidación para alumnas/os procedentes doutras carreiras, que
sexan estabeis e permitan deste xeito facilitar o acceso á
Licenciatura de Ciencias Políticas e da Administración.