Coiro galego / Etnografía / Xocas

.....O cabrito ou castrón, se nono hai na casa, mércaselle a un veciño e chámase ao matachín que veña matar a casa; o matachín degola ó animal cunha navalla grande e ben afiada e, despóis de morto, cólgao por unha pata de atrás ou polas dúas dunha trabe ou dun gancho calquera para que se desangre; logo sácalle o pelico, ábrelle o abdomen e tira os intestinos e as miudanzas. Ó rematar, entrega todo ós da casa e marcha levando o pelico pra sí.
.....Istes pelicos vainos gardando pra llos vender na feira ós tratantes, coma dixemos que se facía cos do gando vacuno.
.....Algúns matan iles mesmos a res e entón aproveitan o pelico ou véndeno.
.....Os pelicos póñense ó sol estendidos cuns paos e fretándoos de vez en cando con cinza, despóis dos limpar ben cunha navalla. Cando están secos, pódense usar pra faguel-as mulidas pró xugo ou pra pór no chan, a carón do leito.

Boto e vexiga pró leite. Empréganos os pigureiros das terras de Viana (Ourense)