Coiro galego / Etnografía / Xocas

Excruímos os peneireiros de antre os carpinteiros poque, anque tamén empregan madeira, non a preparan iles e usan, a máis, outras materias que non teñen relación algunha coas artes da carpintería.
A obra dos peneireiros é pouco variada poilos seus produtos son case idénticos uns ós outros.
A ferramenta é pouca: martelo, tanazas, tesoiras, subelas e ferros de fural-os coiros.
Fanse do mesmo xeito as peneiras, os cribos, os zarandos, etc. Coménzase por faguel-o aro, cortando a madeira do tamaño axeitado e cravando os estremos despóis de a pór en forma circular. Por baixo ponse o coiro, o aramio ou a tea, asegún a caste de útil que se queira faguer.
O coiro pode ser de castrón, carneiro, becerro ou can; os buratos, máis ou menos grandes, asegún se queira, fanse cos ferros, que actúan coma sacabocados.
Como a técnica é a mesma, tamén os peneireiros fan pandeiretas e pandeiros redondos, as primeiras con ferriñas de lata e os segundos sen elas. Nalgunhas comarcastamén fan o pandeiro propiamente dito, cadrado, con dúas cordas tirantesa carón do coiro, polo interior, e que se toca apoiándoo sobor do peito. Tamén hai pandeiros diste tipo con dous coiros, un en cada cara.
Pra rematar, engadiremos á lista das obras dos peneireiros, os tambores, as caixas e os bombos.
A terra propia dos peneireiros é Esgos, na provincia de Ourense.

Ferros de fural-os coiros os peneireiros