DÚAS SUXERENCIAS DA GASTRONOMÍA GREGA
TZATZIKI
O Tzatziki é un aperitivo típico grego que
tamén pode servir para acompañar carnes asadas ou churrasco.
Ingredientes :
-
iogurtes
gregos de Danone
-
1 ou 2
pepinos
-
1 ou 2 allos
-
1 cullerada
de aceite de oliva extra virxe
-
un chisco de
sal
-
eneldo.
Preparación : Pelamos o pepino e relámolo
prescindindo da parte interna con pebidas. É fundamental escurrilo moi ben.
Relamos tamén o allo. Mesturamos o allo, o pepino e o iogurt grego . Engadimos
o sal e o aceite . Removemos ben e
condimentamos con eneldo . Adornamos a mestura cunhas olivas negras . Podemos
variar a cantidade de allo e pepino segundo o noso gusto.
MUSAKÁ
O Musaká é
unha especie de lasaña de carne e berenxenas.
Ingredientes :
-
- 1/2 kilo de carne picada de xato e de porco
( ou de cordeiro)
-
- 3 ou 4 tomates pelados e cortados
-
- 2 ou 3 berenxenas grandes
-
- cebola, allo, ourego, sal, pementa e viño
branco
-
- bechamel e queixo relado.
Preparación : Cortamos as berenxenas en
toradas , enfariñámolas e fritímolas ata que estean ben douradas.
Escorrémolas sobre papel de cociña ben
absorbente e reservámolas para despois. Nunha cazola quentamos aceite de oliva e refogamos a cebola picada e o allo. Douramos a carne,
regámola con viño branco, engadimos o
tomate e sazonamos con ourego e pementa.¡ E non esquezamos o sal! A cocción será duns 30 minutos ata que vaia
consumindo o líquido. Facemos unha salsa bechamel consistente e esparexémoslle
o queixo..
Nunha fonte de forno dispoñemos en capas
sucesivas berenxenas e carne para rematar cubrindo o conxunto coa bechamel. No
forno prequentado a 180 º C deixamos facer o Musaká durante uns 45 minutos ata
que a superficie quede dourada . Sérvese cortado en grandes dados.