(主目錄)(Taylor家，Taylor和Steve正在做功課)
S：
Taylor，而家幾多點呀？
T：
都差唔多八點喇，你係咪要走喇？
S：
係呀，我媽咪八點三度會黎接我。
T：
你重未學喳車咩？
S：
未呀，我爹地媽咪話咁細個喳車危險喎，所以佢地要我讀完大學先學。
T：
嘩，你都成十八歲架喇喎，重細呀？
S：
咁
佢地都係關心我者。咦，Taylor你爹地媽咪呢？咁耐都未返既，佢地唔駛返黎煮飯架咩？
T：
我爹地唔係加拿大架，佢要留係香港做生意。我媽咪又返中班，返三點收十二點，所以我不嬲都係自己煮飯食既。
S：
嘩，成日得你自己一個係屋企，佢地唔會擔心架？
T：
都咁大個人咯，重有乜好擔心喎。況且我自從grade
9開始都已經係咁架啦，所以我都慣lu。
S：
但係成日得你自己一個喎，靜英英咁，你間屋又咁大，你唔驚架？
T：
咁
我間屋又唔係好大。不過初時都有D驚既，話哂有D咩特發事件我都唔知點算。但係呢幾年我都冇乜野丫，所以都冇乜野好驚。我咁大個人，應該乜野都自己搞掂哂架啦。
S：
俾我就唔得喇
T：
講真丫，我都好似好耐未見過我爹地媽咪咁喇
爹地就話係香港者，但係媽咪同我住埋同一間屋，我地都好少見既。我返學個陣佢又睏緊覺，返到黎佢又返左工。有時想叫聲佢都冇機會
S：
唔好咁愁啦，咁你有冇試下寫下紙仔咁呀？
見唔到面傾唔到計者，咪寫紙仔聯絡感情lor。
T：
我有試過架，不過寫紙仔同面對面差好遠家嘛
好似上年我生日，本來以為媽咪會請日假陪我慶祝下，但係點知佢個日照常返工，剩係寫張卡仔然後夾住D錢，叫我自己去買D我鍾意既生日禮物。至於我爹地就send左個email黎祝我生日快樂。唉
其實我最想要既只不過係一家人坐埋食餐飯咁者
S：
聽你咁講，都幾慘喎
T：
冇法啦，搵食丫嘛
其實我都有問過佢地可唔可以轉工，等一家人團聚下架。講真，我唔介意住間細D既屋，食D簡單D既野lor
但係佢地兩個都好鍾意而家份工，唔想轉行，所以
S：
咁你有冇同佢地講過你既感受丫？
T：
梗係有啦！
不過佢地話我都咁大個人，唔好重好似個細路仔咁要成日痴住爹地媽咪，要獨立D喎。咁我又真係幾獨立既
我識煮飯，又會自己去買送。屋企D電費呀水費呀，有時都係我交既。佢地重俾我好大自由添呀，每個月剩係俾我足夠既生活費，但係我去邊、同邊個出街、去到幾多點返個D，佢地就從來都唔會過問既。佢地重話遲D會出多部車俾我，等我出入可以方便D喎。
S：
嘩，咁你都真係好自由喎。好多人恨都恨唔到呀！
T：
唉
有時我真係唔想咁自由呀，而家我好似完全同呢個屋企冇乜關係咁既。有時我真係覺得
呢度似宿舍多過似屋企lor
係喎，我講左咁多我既野，咁你呢？你屋企點架？你係男仔，一定都好自由啦。
S：
haha~ 梗係唔係啦。我屋企同你好唔同架。我爹地媽咪－
(電話響) 喂～
你係出面喇？好丫，我而家出黎丫。Bye
bye。
T：
你媽咪黎左喇？
S：
係呀，我要走喇。你今晚做完個powerpoint就send俾我啦。
T：
好丫。
(Taylor送Steve出去)
T：
聽日見啦。
(Light off)
(Steve家，Steve爹地正在讀報，Steve和Steve媽咪入)
媽： 仔呀，你快D羅個飯盒出黎俾我洗喇喎。我要去煮飯架喇。(走入廚房)
S： 哦，我因間拎俾你丫。(放下書包)
爹地。
爹： 唔
(放下報紙) 點呀，
今日做功課做成點呀？做到咁夜既？
S：
(坐下) 幾好丫，我同同學聽日要做一個presentation，所以今日咪要去佢屋企傾囉。不過我地都做得七七八八架喇，我今晚剩係要整埋個powerpoint。
爹： 哦，咁你唔好做到咁夜呀，小心身體。
S：
得喇。
(媽著住圍裙出)
媽： 仔呀，你拎左個飯盒出黎未呀？
S：
你等陣下。(從書包拿出飯盒)
拿。
媽： 你知唔知呀，我今日整左你最鍾意食既羊腩煲呀~
我重煲左魚頭湯添，聽講話會補腦架。
S：
唔該。
媽： 乖仔~
(媽進廚房)
爹： 係喎，頭先你媽咪已經幫你洗哂摺哂D衫，放左係床上面，因間你自己擺好佢啦。
S：
哦，知道。
爹： 係呢，頭先聽你媽咪講話你有D衫好似已經穿哂窿唔岩著，你要唔要我同你媽咪再去買D新既俾你呀？
S： 唔駛喇，D衫我都重著得既，唔駛咁哂錢喇
爹： 唉，咁有D錢係唔慳得既
到你真係唔夠衫個陣再話俾我地聽啦。
S：
我知架喇。
(爹地繼續讀報，Steve從書包中拿出一本書想讀，卻突然想起一件事)
S：
爹地呀
爹： (放下報紙)
有咩事呀？
S：
今個星期六呢，我同D朋友一齊去唱K喎
爹： 唱K？個D地方好雜架喎
你個D咩朋友黎架？
叫埋你去D咁既地方既。
S：
個D係我學校D同學黎架。
爹： 唔
不如咁啦，你叫你D同學黎我地屋企玩啦，又安全，又唔駛錢。
S：
但係－
爹： Steve，我唔係話想約束你。但係個D地方真係好雜架，到時群到D壞人就唔好啦
況且我同你媽咪都想識下你D朋友。
S：
(依舊想說服爹地)
我地屋企有咩玩喎
爹： 咁
最多我個日早D起身，我地一家人加埋你D朋友，一齊去附近個政府公園玩喇。
S：
公園？
爹： 係呀，公園又可以踢波，又可以放風箏，又可以野餐，幾多野玩呀。重好過去D卡啦OK度俾錢人地俾自己唱歌啦。
S：
我地咁大個，重去公園?!
爹： 唉～
你地D年青人，梗係要出去外面吸下D新鮮空氣，做下運動咁架啦。點可以成日都困住自己係室內架。
S：
不過
爹： 唔好不過喇，一於咁話啦。你去問下你D朋友，睇下佢地點先啦。
S：
(欲語還休)
算啦
(拿起書包走回自己房間)
爹：
Steve，你係咪嬲爹地咁專制呀？
S：
(沮喪地) 冇野呀
爹： 爹地其實都係關心你，唔想你學壞咋
況且，我個日特登一早起身車你地喎，你唔係唔知爹地每逢禮拜五都係特別晏收工架。我係真係想你開心架。
(Steve轉頭離去)
(Light off)
SCENE 3
(Taylor拿著錄音機來回踱步)
T: (對著錄音機)
媽咪呀，自從你搵到而家呢份工之後，一直以黎我地都係靠寫紙仔黎維繫感情既，我同你真係好似好耐冇見過大家，冇講過野咁
我覺得我地之間好生疏呀。所以我特登搵左呢個錄音機出黎，錄低我想同你講既野，你返黎個陣又可以錄低你想講既野，咁樣至少我都可以聽到你把聲丫
唔知幾時我地可以再好似以前咁，得閑一家人坐低傾下計呢？
(Pause) 不過我都明白，你同爹地要做野搵錢，而且你地都好鍾意而家份工，所以我都唔會再好似以前咁，成日都想你地轉工架喇
(Pause) 係呀，我今日整左個小型冬瓜盅呀，係我第一次整架咋~
你因間試下好唔好食丫。個冬瓜盅我擺左係個真空煲裏面，你就咁不出黎就食得架喇
係呢，我記得爹地鍾意食冬瓜盅架呵？佢下次黎個陣我一定要整俾佢食先得！
(Pause) 呀係呀，我差D唔記得左添。頭先爹地打電話黎呀，佢話佢今個Christmas過黎既計劃要postpone喎，因為公司突然接到一個好重要既生意。等我重以為爹地會照約定過黎多倫多陪我食聖誕大餐添
唉
（Pause) 不過媽咪你放心喎，我咁大個人，唔會扭計架喇。今次我講住咁多先啦，你陣間都要記住錄音喎。
(按停錄音機) (Pause) 唉
(看著錄音機)
(主目錄)
天枰貓身世 有感而發 天枰貓貓樣 貓貓狂想曲