(餐廳，文入，見B)

文：

你係阿B？ 你好…

B：

你好…

文：

今日你搵我有咩事呀？

B：

一陣你就知架喇…

(武入，見文，想走)

B：

阿武，阿武你唔好走啦！ 你倆兄弟甘落去都唔係辦法架… 坐低啦…

(兩人坐，文武二人沉默)

B：

阿文，阿武，你兩個到底想逃避到幾時呀？ 你地咁樣唔係辦法架，就算點都好都要比個答案阿恩架。你地而家咁樣避開佢，又唔聽佢電話，知唔知佢好辛苦架？

文：

對唔住呀，我知架。不過我真係好需要時間冷靜自己。你幫我同恩講，我諗通左就會搵佢架喇。

B：

我都唔明你d男人架… 咩叫諗得通呀？一日到黑得個諗字。如果你諗唔通咁點呀，一直避落去呀？ 阿文，如果當初你唔係咁懦弱，一早同你阿哥攪清楚你地三個人既關係，就唔會攪到而家咁！你而家重想逃避？ 你係咪男人黎架？ 你當阿恩係咩呀？！ 你又有冇理過你阿哥呀？

文：

我知架… 但係我真係開唔到口呀！ 我有好多次都想過同阿哥講架！ 但係我每次我對住阿哥，我真係開唔到口呀！

B：

(轉向武) 武，我明白點解你咁嬲，但係你又明唔明你自己既問題係邊先？

武：

我有問題？！而家係佢兩個對我唔住呀！

B： 

你唔好咁激動啦，你聽埋我講先… 冇錯，阿文同阿恩係唔岩… 但你自己呢？ 最初你同阿恩一齊既時候你俾到d咩佢呀？

武：

我俾到d咩佢？ 我已經咩都俾晒佢啦！ 我唔知我重可以俾咩佢… 咁我重可以俾咩佢呀？ 佢到底想要咩呀？ 佢到底重想要咩呀？

B： 

係安全感呀… 女人最需要既係安全感呀… 其實女人好簡單架，只要鍾意既人關心佢，俾到安全感佢，咁就算係一支水，一份三文治，都已經可以令佢滿足… 冇錯，你係俾到好多物質上既野佢… 但係你自問了解阿恩嘛？

武：

你講咩呀？

B：

你知唔知阿恩最鍾意食咩？ 佢最鍾意咩顏色呢？ 我諗你就連佢幾時生日都唔記得呀…

武：

…因為呢d野，佢地就可以咁對我喇咩？

B： 

冇錯，阿文同阿恩係唔岩，但係你有冇關心過阿恩真正的感受呀？ 你有問過佢嗎？ 你有時間陪過佢嗎？ 佢想同你講都講唔到啦。

(文 & 武沉默)

B：

你兩個知唔知呀？ 阿恩因為你兩個，佢去左自殺呀！

(文 & 武驚訝)

B：

你地放心啦，佢冇事。

(講到一半文走了，武則呆坐)

B：

你睇下… 呢個就係你同阿文既分別喇… 武… 冇錯阿恩佢對你唔住，佢傷害左你… 但係阿恩佢一直都背負住一個好大既包袱架… 佢一直都好自責… 點解你唔可以嘗試去體諒佢呢？

(Light off)

(恩家light on)

文：

 (拍門) 恩！你開門啦… 對唔住呀！ 你開門啦！ 我知錯喇，我唔會再咁懦弱架喇… 我唔會再逃避架喇… 我知道你一直以黎都好辛苦，而我又唔識去開解你同幫你分擔… 以後有咩，我地都一切面對啦… 當阿B話俾我聽你試過去自殺既時候，我真係好擔心呀… 我好驚… 我好驚以後都見你唔到呀！ 我真係唔知會攪成咁架… 你開門la…

(文坐下痛哭，恩回家)

恩：

 文?

文： 

 恩！

(恩家Light off)       

(武’s light on)

B的聲音： 

  “最初你同阿恩一齊既時候你俾到d咩佢呀？” “其實女人好簡單架，只要鍾意既人關心佢，俾到安全感佢，咁就算係一支水，一份三文治，都已經可以令佢滿足…” “冇錯阿恩佢對你唔住，佢傷害左你… 但係阿恩佢一直都背負住一個好大既包袱架… 佢一直都好自責… 點解你唔可以嘗試去體諒佢呢？”

(武打電話)

武:  

阿恩?

(Light off)

恩：

你今天約我們出來，是要把一切講清楚嗎？

(武點頭)

文：

 阿哥，我瞞左你咁耐，對唔住呀…

恩：

 武，我其實早就應該告訴你的… 你可以原諒我和文嗎？

武：

呢幾日黎我諗左好多野… 我問我自己，點解會攪成咁… 阿恩點解會有咁既決定… 我到底重有幾多我自己都唔知既缺點… 最後我發現原來我咁激動，唔係因為我真係咁鍾意，而係因為我自尊心受傷… 我一直都以為你地對我唔住… 點知我而家先發覺，我都好對你地唔住… 因為我自私，所以將呢件事拖左咁耐… 對唔住… 我諗我都要一段時間俾自己好好反省… 如果唔係，我實會重滔復徹…

文：

哥…

武：

 … 阿恩就交俾你喇，對佢好d呀！ 唔好學似我咁呀。 恩，如果佢蝦你，記住同我講！ 我同你好好教訓佢！ 好啦… 你兩個慢慢啦… 我想一個人遊下車河…

恩：

武，其實有個人一直在等你的！

(武訝異)

恩：

這個人只需要你給她一支水，一份三文治，就已經可以令她滿足了。

(武會心微笑)

全劇完