Ilo jet ien ko remotlok iaar jibañ
likao ro kalek imon jukuul eo an ajiri ro nejid im rauroktata ipped.
Jelalokijen ej juon ian issue ko iman tata ilo kotobar ko aõ, bwe en
emon lok jelalokijen eo an ajiri ro nejid jej aikuj in jerbal im jipan don ilo jabrewot wewen ko rekkar nan emon lok eo an ajiri in Mejit.
L-R (Frank, Kejmelon, Barry, im Laet) Mejit Island 1999
Iar jipañ jukjuk im bed eo ilo Mejit Island lororjake jerbal in jelalokijen ilo elõñ yiõ ko.
Grace, Frank & Rekky (Mejit Island 2000)
Ilo
jet iiõ ko remotlok iaar jipañ lok project ko an korã etan (AKIM)
ak Ainikien Kõrã In Mejit ñan kõkamanman lok jerbal in Hotel eo aer im jerbal
ko jet. Juõn iaan kõtõbar ko aõ:
ej jerbal ippen don ñan ejake ak kajutake juõn an armij in Mejit Market eo im enaaj bed ion Majuro ak Ebeye ñan bõk e im wia kake aolep men in jeramon ko walok jen ene im lojet eo ilo aeloñ eo im bareinwot bõk jen aolep ru-Mejit ro jet ipelakin Majõl.
Hotel eo koba Air Marshall Islands Terminal eo(Mejit Is '99)
Ilo jet ien ko iar ion im bwebwenato
im eroñ ennan ippen jet ian rutto ro ad ikijen jekjek in mour eo aer rainin. Eñin ej jet ian men in kotobar ko aõ,
ej bukot jet wewen ko rekkar im remman tata ñan jipañ lok rutto ro ilo Mejit im rauroktata ipped
Witha Alee, Crace Tube im Terina Keju (Mejit Is. 2001)
Emen iiõ ko remotlok, iaar ion im bwebwenato ippen Mr. Aneo Keju kin jet ian jibadbad
im kõtõbar ko aõ ñan Mejit. Eaar lap amro kennan kin jet ian naaj
wonmanlok ak development ko remman ñan aolep armij in Mejit.
Mr. Aneo Keju (Mejit Island '99)
Bwebwenato
ippen jiroñ im likao ro kin jibarbar im kõtõbar in aõ ñan jea eo an Mejit
Island ñan Nitijela eo. Jet ian jipadpad kein aõ ej ñan kõkamanman jekjek in mour eo an armij ion aeloñ eo bwe en emon lok jen eo rainin.
L-R (Kine Clanton, im Lappo) Mejit Island '01
Lo
lok jet ian family ko kajojo ion Mejit en. Bwebwenato ippen Alina kin jekjek in ejmour eo ion Mejit. Juõn ian kõtõbar ko aõ rainin ej:
--Ejmour eo an armij in Mejit. Armij in Mejit rej aikuj jerbal ippen don ñan ejake ak kajutak juõn imon ri-nañinmej ion Majuro, eo im enaaj jikin an ri-nañinmej ro jen aelõñ eo jokwe ilo ien aer itok im takto ilo Majuro.
Alina Polin (Mejit Island '01)
Jutak
iaar in Kãtilmaak ej juõn ian weto ko an lellap eo jinõ ilo Mejit
Island.
Ewor jet kajitok ko raar itok ñan ña, ikijen erri wot weto ko aõ ion Mejit? Uaak eo: 1. Ketilmaak weto 2. Lo naakan weto 3. Likinkare weto 4.Jerakto weto im 5.Lojaar weto.
Frank Andrike Horiuchi (Kãtilmaak weto, Mejit Is '99)
Iaar bwebwenato
ippen likao in Mejit ro kin jibarbar im kõtõbar in aõ enañin jilu yiõ ko
remotlok. Eñin ej juon ian kotobar ko:
--Ej kajutak e juon an armij in Mejit Coop ion Mejit Island, eo im enaj bõk im waiki jabrewot jerbal in pa, waini, ak men ko jet walok jen lojet im ene eo im wataki rej jet men in wia kake ko ñan market ko ilo Majuro ak Kwajalen ak ijoko jet ilikin Majõl in.
L-R (Edison Gideon, Robert Rilang, im Joji )Mejit Island '02
Cleason Keju, Sam Keju, Korean Keju im Heron Lokeijak(Mejit Is. '02
Mejit Public Elementary School (Eight classrooms structure/under construction) ...1999
Frank, Helly Sam, im Barry Jerilong (Mejit Island)
Picnic eo an Mr. Mayor Tommy Keju im jodikdik in Mejit ro im captain coach eo aer Mr. Lenna Lang
Ilo kar 2002 eo, Mr. Mayor Tommy Keju im jodikdik ro jen Mejit raar kommane juõn ien aer wõj mõnõnõ ippen don elkin aer kar bõk konaer ilo May Day eo an Majõl Island ilo etan aeloñ eo aer. Kin men in, rar bar pepe ippen don ñan aer invite i tok juõn ian likao ro mottaer im ledrik eo ippen bwe ren bar koba tok ilo picnic in. Likao in ej Mr. Frank Andrike Horiuchi im ledrik eo ippen ej Mrs. Pearl Horiuchi ej jet ro elap aer bõk konair ilo aolep makitkit ko an jiroñ im likao rein jen Mejit Island.
Jutak
iaar in Jerakto im kõkododo. Ej weto eo an jema makmake ion Mejit Island.
Ilo kejemelok e naan jidrik kein aõ ilo pija kein kajojo, ikõnan bõk wõt jidik ien ñan aõ kamolo iok kin am kar julok ien ko am rauroktata im lo tok website in adwõj im lali jejjo pija in kar jet ian trip ko aõ lok ñan ippen armij ro jet mottar ilo aeloñ eo. Eliktata ikõnan lewoj aõ naan in kejeramon im kamolol iok kin lemnak eo am emontata ñan kejro. Jouij im tilmake website in ñan ruMejit ro jet mottar kwejela kake ir.
Frank (Jerakto weto ilo Mejit Island)'02