<BGSOUND SRC="conmuaha.mid" LOOP=INFINITE>
to my love's page
kuv ntsaw ib txoj kev hlub zoo li koj.  hauv kuv tus npau suav pom koj txhua hmo.  koj hais lus luag ntxi rau  kuv tiamsi ua cas sau neej no koj twb muaj koj ib tug nyob ntawm koj ib sab lawm.  kuv tseem ntsaw koj npaum li cas los kuv ua tsis tau li cas.  vim li cas koj tsis yog kuv tus tiag es lub ntuj  tseem tso txoj kev npau suav no los rau kuv ua lub chaw tshua txog koj.  hauv kuv tus npau suav kuv yog tus uas  koj hlub tshaj hos koj yog tus uas kuv hlub tshaj thiab.  wb muaj kev kaj siab kev zoo siab thiab nyob nrog rau lub suab luag ntxis xwb.  thaum kuv mus pw kuv yeej tsis xav tsim rov los li vim hais tias tsim los txog lawm ces koj yog luag tug lawm xwb.  kuv xav kom kuv nrog tau tus npau suav ntawv mus ntse kuv yuav pw kom tsis txhob txawj tsim rov los. 
tiamsi ua cas koj thiaj yog tus uas nyob hauv kuv txoj kev npau suav xwb.  thiaj tsis yog tus uas tiag tiag nrog kuv ua lub neej mus ib txhis. 
thaum kuv tsim los kuv pom koj nrog rau tus uas koj hlub koj hais lus luag ntxi rau nws zoo kiag li uas thaum koj hais lus luag ntxi li ntawv rau kuv hauv kuv txoj kev npau suav.  kuv xav qhia koj los tsis zoo qhia li kuv khaws kuv txoj kev xav twj ywm cia rau hauv nruab siab.  kuv xav nug koj hais tias hauv koj tus npau suav puas pom kuv thiab tiamsi yuav ua cas thiaj yuav nug tau nws tsis zoo nug kiag li.  zoo li thaum kuv tsim los kuv tsuas saib koj ua neej hlub luag lwm tus xwb.  thaum kuv tsaug zog lawm wb thiaj yuav los sib cuag xwb.  kuv xav paub heev li vim li cas ho zoo li no rau kuv.  kuv puas yog tus neeg hauv koj tus npau.  hauv tus npau suav koj txawj kiss heev.  thaum koj maj mam kiss ua rau kuv mloog zoo li kuv kaj siab lug xwb.  kuv xav kawg koj txhua hmo xwb tiamsi ua cas ho yog npau suav xwb. 

nkaujhnub

HOME

NEXT
Hosted by www.Geocities.ws

1