|
Thaum lub caij ntuj sov uas los so tsis muaj school lawm. Hmo ntawv yog ib hmo uas zoo li tsaus ntuj heev rau Nila. Nws thiaj los taws lub computer thiab chat nrog nws cov friends ua si ua cas tseem los ntsib nrog Tub Ntxawg chat ua ke. Nkawv chat ua ke muaj kev lom zem heev nyob rau hmo ntawv, tseem tias tsis pom thiab tsis hnov lub suab los yeej txaus siab lawm. Nkauv tau pib muaj txoj kev hlub online thaum ntawv los.
.
Nila yog ib tug ntxhais kawm ntawv hos Tub Ntxawg yog ib tug tub uas nws twb ua hauj lwm lawm. Txhua hmo Nila yeej tos Tub Ntxawg ua hauj lwm lawb los es nkawv tham lus txog 2-3 moos thaum yuav kaj ntug mam li pw. Nila tau pw li 3 hours xwb los nws yeej txaus siab yuav tos Tub Ntxawg. Nkawv tau muaj txoj kev hlub loj. Txoj kev sib nco, ib tug tseg tsis taus ib tug li lawm. Ib tug xav hnov ib tug lub suab txhua txhua hmo lawm xwb.
.
Nila yeej xav hais tias nws yuav ua zoo rau Tub Ntxawg ib leeg lawm xwb hos Tub Ntxawg los yeej xav li ntawd thiab xwb. Nkawv twb npaj yuav sib yuav rau thaum Nila kawm ntawv tas, tiamsi nkawv yeej tsis tau sib pom li. Vim tias Tub Ntxawg nws nyob deb ntawv Nila heev li thiaj tsis tau sib ntsib sib pom. Txawm tias zoo li ntawd los nkawv yeej muaj txoj kev sib ntseeg siab sib hlub.
.
Ib hnub dlau mus ib hmo dhau tas, nkawv sib nco heev li. Hmo ntawv yog ib hmo uas zoo li sij hawm sai heev rau Nila. Nws tos Tub Ntxawg work los txog. Tub Ntxawg hais rau Nila tias, "Koj paub nab hnub no mas kuv nco koj heev li os thiab kuv zoo siab heev li tiag."
.
Nila teb hais tias, "Oh lod, kuv los yeej zoo siab ib yam thiab tiag. Ntshe yog happy day pob yom?"
.
Tub Ntxawg teb tias, "Tej zaum os. Koj paub nab, hnub no muaj ib tug girl nws nyuam qhuav tuaj ua hauj lwm tshiab es kuv tus nais kom kuv mus qhia nws ua hauj lwm. Kuv tau nug nws lub npe nas ua cas nws lub npe tseem hu kiag li koj lub thiab tiag. Ua rau kuv zoo siab twj ywm cia xwb os. Kuv tau nrog nws tham zoo kiag li kuv tau nrog koj tham li lawm nas. Ua rau kuv zoo siab heev li thiab nco koj heev li tiag."
.
"Oh lod, zoo mas," Nila teb rau Tub Ntxawg.
.
Tub Ntxawg tau hais rau Nila tias tiam neej no yuav hlub Nila ib leeg xwb. Nila ntseeg Tub Ntxawg tag nrog nws lub heart. Nila yeej xav hais tias hauv lub ntiaj teb no ces tsuas muaj Tub Ntxawg ib leeg thiaj li yuav zoo lawm xwb. Nila qhia txoj kev hlub uas nws muaj rau Tub Ntxawg tag nrog.
.
Sij hawm dhau mus ua cas Tub Ntxawg tseem tsis tshua los online lub sij hawm nws los work los txog lawm. Nws tseem hais rau Nila tias kom nkawv txhob nyob lig lig lawm. Muaj ib hmo Tub Ntxawg tseem hais rau Nila tias ua tsaug uas Tub Ntxawg los paub txoj kev hlub los ntawm Nila los. Nila zoo li ib tug shadow ntawm txoj kev hlub rau Tub Ntxawg, ua rau Tub Ntxawg pom kev txhua yam.
.
Nila hais rau Tub Ntxawg tias, "Yog ua cas ho hais li kom mas? Tsis txhob ua tsaug li os��"
.
Tub Ntxawg teb tias, "Ua los mas. Vim tias kuv twb yuav poj niam lawm kuv tus poj niam hu li koj kiag thiab. Koj puas nco tus es kuv hais rau koj tias nws nrog kuv ua hauj lwm ua kev nas."
.
Nila tau ua kua muag poob twj ywm thiab mob lub siab hais tsis tau ib los li, tsis paub tias yuav hais lo twg tuaj li lawm. Mob Nila lub siab tsis zoo mloog li. Ua zaj twg los tsis zoo ua li. Nws ntsiag ib pliag thiaj mam rov nug, "Koj hias tiag tiag li lod?"
.
Tub Ntxawg, "Tiag los mas. Koj mloog nov okay."
.
Ua cas yog nws tus poj niam lub suab hais lus.
Nws tus poj niam tau hais rau Nila tias, "Tub Ntxawg mas tham txog koj tas li xwb tiag thiab nws tias koj yog ib tug neeg siab zoo heev li qhia nws ntau yam txog kev hlub."
.
Nila hais tias, "Lod, txhob ua tsaug os. Kuv zoo li ib tug shadow xwb. Thov kom neb sib hlub nawb. Hais rau Tub Ntxawg tias txij li hnub no mus nws yuav tsis hnov tus shadow ntawv lub voice ntxim lawm."
.
Nila tau muab computer thiab muab teeb tua tag. Nws nyob tsaus ntuj ib hmo tsis tsaug zog. Maj mam mloog qhov mob hlub hauv nws lub heart tuaj.
.
Txij thaum ntawd los Tub ntxawg tsis pom Nila online li lawm nws tos ib hmo dhau hmo los ploj mus lawm tiag tiag. Tub ntxawg mam li nco txog shadow Nila ces twb ploj mus lawm. Thaum lub sij hawm kawg, Tub ntxawg thiaj paub tias npe zoo ib yam los lub siab tsis coj zoo ib yam. Kev hais lus zoo sib txawv.
.
By nkauj hnub xyooj
|
|
