1 KARINTIANZ 13

Chransliet frahn di Baibl, King Jiems Verjan
by Larans Chang, 1990

  1. Aal di piik mi piik iina tong a man ar ienjel ahn naab no lub, mi dis a pengeleng ahn tingiling.
  2. Ahn aal ef mi ha di gif a prafesi ahn aandastan aal mischri ahn aal nalij; ahn duo mi ha aal fiet weh kiahn muuv mountn, ahn no gat no lub, mi a no notn.
  3. Ahn duo mi gi weh aal mi ting dem fi fiid di puo, ahn gi op mi badi fi bon ahn no gat no lub, it no prafit mi notn.
  4. Lob lang-sofarin ahn kain, lob no henvi; lob no shub op ar pof op.
  5. I no biev hansiimli, no luk out fi iself, kiaahn provuok hiizi, no tink no hiivl.
  6. No rijais iina hiniquiti, bot rijais iina chruut;
  7. Bier eniting, biliib ebriting, huop fi hebriting ahn tan ebriting.
  8. Lob neba fiel: bot efa prafesi, i a go fiel; ef a tong i a go tap; ef a nalij, i a go vanish.
  9. Far wi nuo likl bit ahn wi prafisai likl bit.
  10. Bot wen daa weh perfek com, den di likl-likl don weh wid.
  11. Wen mi a pikni, mi chat laik pikni, mi aandastan laik pikni, mi tink laik pikni: bot wen mi ton man, mi dash we pikni sinting.
  12. Far now wi si chruu lukin-glas, bot afta wi wi si fies tu fies; now mi nuo likl bit, bot den mi wi nuo dis az ou mi binuons.
  13. Fiet huop ahn lob dehn chree ya lef; bot di grietes wan a lob.

� 1990 [email protected]