(1887-1968)
Khatm shab-e-qissa-e-mukhtasir na hui
shama gul ho gai sahar na hui
roi shabanam jala jo ghar mera
phul ke kam hansi magar na hui
hashr mein bhi wo kya milenge mujhe
jab mulaqat umr bhar na hui
aaina dekh kar ye kijiye shukr
aap ko aap ke nazar na hui
sab the mahafil mein un ke mahv-e-jamal
ek ko ek ke khabar na hui
sainkadon raat ke kiye wade
un ke raat aj tak “Qamar” na hui
Kahate hain mujhase ishq ka afasana chahiye
rusavai ho gai tumhen sharmana chahiye
khuddar itni fitarat-e-rindan na chahiye
saqi ye khud kahe tujhe paimana chahiye
aashiq bagair husn-o-javani fizul hai
jab shamma jal rahi hai to paravana chahiye
aankhon mein dam ruka hai kis ke liye zarur
warna marize hijr ko mar jana chahiye
wada tha unake raat ke aane ka ae “Qamar”
ab chand chup gaya unhen aa jana chahiye
Is mein koi fareb to ae aasman nahi
bijli vahan giri hai jahan aashiyan nahi
sayyad main asir kahun kis se hal-e-dil
sirf ek tu hai wo bhi mera ham-zuban nahi
tum ne diya hamari vafaon ka kya javab
ye hum vahan batayengetum ko yahan nahi
sajde jo but-kade mein kiye meri kya khata
tum ne kabhi kaha ye mera aastan nahi
gum-karada rah ke matti na ho kharab
gard us taraf udi hai jidhar karavan nahi
q shama-e-intazar bujhate ho ae “Qamar”
nale hain ye kisi ke sahar ke azan nahi
chaman roye hanse shabanam biyaban par nikhar aaye
ek aisa bhi naya mausam mere paravar-digar aaye
wo sar khole hamari lash par divanavar aaye
isi ko maut kahate hain to ya rab bar bar aaye
sar-e-gor-e-gariban aao lekin ye guzarish hai
vahan munh pher kar rona jahan mera mazar aaye
baha ae chashm-e-tar aisa bhi ek aansu nadamat ka
jise daman pe lene rahamat-e-paravar-digar aaye
qafas ke ho liye hum to magar ae ahal-e-gulashan tum
hamen bhi yad kar lena chaman mai jab bahar aaye
na jane kya samajh kar chup hun ae sayyad main varna
wo qaidi hun agar chahun qafas mai bhi bahar aaye
“Qamar” dil kya hai main to un ke khatir jan bhi de dun
meri qismat agar un ko na phir bhi aitabar aaye
Mareez_e mohabbat unhi ka fasana
sunata raha dam nikaltey nikaltey
magar zik'r_e shaam_e alam jab bhi aaya
chiraagh_e sahar bujh gaya jaltey jaltey
Irada tha tark_e mohabbat ka lekin
faraib_e tabassum main phir aa gai hum
abhi kha k thokar sambhalney na paay
k phir khaai thokar sambhaltey sambhaltey
unhain khat main likha tha dill muztarib hay
jawaab un ka aaya mohabbat na kartey
tumhain dill laganey ko kis nay kaha tha
behal jaay ga dill beheltey beheltey
wo mehmaa.n rahey bhi tu kab tak humarey
hoi shama gull aur dobey sitarey
Qamar is qadar un ko jaldi thi ghar ki
wo ghar chal deye chandni dhaltey dhaltey
kabhi kaha na kisi sey terey fasaney ko
na janey kesey khabar ho gayi zamaney ko
chaman maiN barQ nahi chorhti kisi soorat
tarah tarah se banata hooN aashyaney ko
suna he ghair ki mehfiil maiN tum na jao gey
kaho to aaj saja looN ghareeb khaney ko
dua bahaar ki maangi to atney phool khiley
kahiiN jagah na mili merey aashyaney ko
chaman maiN jana to sayyaad dekh kar jana
akela chorh ker aaya hooN aashyaaney ko
meri lehed pe patangooN ka khoon hota he
huzoor shama na laya kareeN jalaney ko
daba ke chal diye sub qabr maiN duaa na salaam
zara si dair maiN dekho kia ho gaya zamaney ko
ab aagey is maiN tumhara bhi naam aaye ga
jo hukm ho to yahiiN chorh dooN fasaney ko
QAMAR zara bhi nahi tujh ko khoof-e-ruswaii
chaley ho chandni shab maiN unhaiN mananey ko
Bakhabar tha ik nazarme do jahan le jaega
Meri jaan ban kar wo ik din meri jaan le jaega
Aakhri hichki se pahle chaaragar se poochloon
Jo nazar aata nahi rishta kahan le jaega
Maikada daer-o-haram yaan koyi diwanoki bazm
Tujhse yeh bichhada hua lamha kahan le jaega
Voh jo pichhle saal sab kheton ko sona de gaya
Ab ke wo toofan kis kis ka makaan le jaega
Wo chala jaega mujhse karke iqraar-e-wafa
Tod jaega safina baadbaan le jaega
Ishq me isne to jalana hi nahi seekha Kabhi
Aag de jaega mujhko khud dhuan le jaega
Sunaa thaa ki vo aayenge anjuman men
sunaa thaa ki un se mulaaqaat hogii
hamen kyaa pataa thaa hamen kyaa Khabar thii
na ye baat hogii na vo baat hogii
main kahataa huun is dil ko dil men basaa lo
vo kahate hain ham se nigaahen milaa lo
nigaahon ko maaluum kyaa dill kii haalat
nigaahon nigaahon men kyaa baat hogii
hamen khiinch kar ishq laayaa hai teraa
tere dar pe ham ne lagaayaa hai Deraa
hamen hogaa jab tak na diidaar teraa
yahiin subah hogii yahiin raat hogii
muhabbat kaa jab hamane chhedaa fasaanaa
to gore se mukhade pe aayaa pasiinaa
jo nikale the ghar se to kyaa jaanate the
ki yuun dhuup men aaj barasaat hogii
Ik haseen lajawaab dekha hai
Raat ko Aaftaab dekha hai
Gora mukhda yeh surkh gaal tere
Chandni me gulaab dekha hai
Nargisi aankh zulf shabrangi
Baadlon ka jawab dekha hai
Jhoomte jaamsa chhalakta badan
Ek jaam-e-sharaab dekha hai
Hum to milkar na mil sake tumko
Tumko dekha ke khwab dekha hai
Aa gaya dil kisi py aana tha
Aapka husn ik bahana tha
Iptada-e-shabab bhi kya thi
Chand taaron me aashiyana tha
Tinke tinke se mil ke roye hum
Jaisa har tinka aashiyana tha
Ab to hai kunj kafas se barhtar
Aap rahte to aashiyana tha
Barq ka shukriya ada kar loon
Kitna be-noor aashiyana tha
Maine ghutkar kafas me dam toraa
Saamne mera aashiyana tha
Barq ko aasmaan se aana para
Ek chota sa aashiyana tha
Chand ghariyaan kuch aisi bhi guzreen
Na kafas tha na aashiyana tha