ഇറാന്‍-ഇസ്രയേല്‍-യുഎസ് സംഘര്‍ഷം മൂന്നാം ദിവസത്തിലേക്ക്; ആക്രമണം ശക്തമായി തുടര്‍ന്ന് രാജ്യങ്ങള്‍

ടെഹ്‌റാൻ/ടെല്‍ അവീവ്: പശ്ചിമേഷ്യയില്‍ സംഘര്‍ഷാവസ്ഥ തുടരുന്നു. ഇറാനില്‍‌ ഇസ്രയേല്‍‌ ആക്രമണം ശക്തമായി തുടരുകയാണ്. ഇസ്രയേലില്‍ ഇറാനും ഹിസ്ബുള്ളയും ആക്രമണം നടത്തുന്നുണ്ട്. ഇസ്രയേലില്‍ ഇറാന്‍ നടത്തിയ ആക്രമണത്തില്‍ ഒന്‍പത് മരണം. ഇസ്രയേലിലെ ബെയ്റ്റ് ഷെമേഷിലായിരുന്നു ആക്രമണം നടന്നത്. ആക്രമണത്തില്‍ 27 പേര്‍ക്ക് പരിക്കേറ്റു. ഗള്‍ഫ് രാജ്യങ്ങളിലെ യുഎസ് സെെനിക കേന്ദ്രങ്ങള്‍ ലക്ഷ്യമാക്കിയുള്ള ഇറാന്‍ ആക്രമണം ശക്തമായി തുടരുന്നുണ്ട്. അതിര്‍ത്തി കടന്നുള്ള നീക്കങ്ങള്‍ക്ക് മറുപടി പറയേണ്ടി വരുമെന്ന് ജിസിസി രാജ്യങ്ങള്‍ ഇറാന് മുന്നറിയിപ്പ് നല്‍കിയിട്ടുണ്ട്.വായന തുടരുക

ശബരിമല യുവതീ പ്രവേശനം; ആചാരം സംരക്ഷിക്കണമെന്ന് തിരുവിതാംകൂര്‍ ദേവസ്വം ബോര്‍ഡ്, സുപ്രീംകോടതിയെ അറിയിക്കും

തിരുവനന്തപുരം: ശബരിമലയില്‍ ആചാരം സംരക്ഷിക്കണമെന്ന് തിരുവിതാംകൂര്‍ ദേവസ്വം ബോര്‍ഡ്. സുപ്രീംകോടതിയില്‍ നിലപാട് അറിയിക്കും. ശബരിമല യുവതി പ്രവേശനത്തെ എതിര്‍ക്കാനാണ് തീരുമാനം. 2019ല്‍ യുവതീ പ്രവേശനത്തെ അനുകൂലിച്ച് തിരുവിതാംകൂര്‍ ദേവസ്വം ബോര്‍ഡ് നിലപാടെടുത്തിരുന്നു. കേസ് വീണ്ടും സുപ്രീംകോടതിയുടെ പരിഗണനയില്‍ വന്നപ്പോഴാണ് പുനഃരാലോചന നടന്നത്. ഇന്ന് നടന്ന ബോര്‍ഡ് യോഗത്തിലാണ് തീരുമാനം. വായന തുടരുക

'കോൺഗ്രസിന് അധികാരം ലഭിച്ചാൽ സാധാരണ ജനങ്ങളോട് എന്തായിരിക്കും സമീപനം എന്നതിന്റെ തികഞ്ഞ ഉദാഹരണമാണ് ഖമ്മത്തേത്'

തിരുവനന്തപുരം: തെലങ്കാനയിൽ വീടുകൾ ഒഴിപ്പിക്കാൻ ബുൾഡോസർ രാജ് പ്രയോഗിച്ചതിൽ കോൺഗ്രസിനെതിരെ രൂക്ഷവിമർശനവുമായി മുഖ്യമന്ത്രി പിണറായി വിജയൻ. അധികാരം ലഭിച്ചാൽ ജനങ്ങളോട് കോൺഗ്രസിനുള്ള സമീപനം എന്താകും എന്നതാണ് ഈ നടപടി സൂചിപ്പിക്കുന്നതെന്നും മുണ്ടക്കൈ-ചൂരൽമല ദുരന്തബാധിതർക്ക് വീട് വെച്ചുനൽകുമെന്ന വാഗ്ദാനം പാലിക്കാത്തത് ജനങ്ങളോടുള്ള കോൺഗ്രസ് സമീപനത്തിന്റെ മറ്റൊരു രൂപമാണ് എന്നും മുഖ്യമന്ത്രി വിമർശിച്ചു. കോൺഗ്രസ് എല്ലാകാലത്തും എല്ലായിടത്തും ഇതേ രീതിയാണ് തുടരുന്നത് എന്നും മുഖ്യമന്ത്രി വിമർശിച്ചു. വായന തുടരുക

l കൂവലിന് അർഹനല്ല, ദുരന്തത്തിന്റെ മെന്റൽ ട്രോമ കൂടി അനുഭവിച്ചയാളെന്ന് MLA; കൂവൽ ആഗ്രഹിച്ചിരുന്നില്ലെന്ന് വസീഫ്

കല്‍പ്പറ്റ: മുണ്ടക്കൈ-ചൂരല്‍മല ദുരിത ബാധിതര്‍ക്കായുള്ള വയനാട് ടൗണ്‍ഷിപ്പിന്റെ ആദ്യഘട്ട ഉദ്ഘാടന ചടങ്ങിനിടെ കല്‍പ്പറ്റ എംഎല്‍എ ടി സിദ്ദിഖിന് നേരെയുണ്ടായ കൂവിവിളി രാഷ്ട്രീയ ചര്‍ച്ചകള്‍ക്ക് വഴിവെച്ചിരിക്കുകയാണ്. ഉരുള്‍പ്പൊട്ടല്‍ ദുരന്തം ഉണ്ടായതുമുതല്‍ ഇന്നുവരെ ഫലപ്രദമായ ഇടപെടല്‍ നടത്തിയ, ദുരന്തബാധിതരെ ചേര്‍ത്തുപിടിച്ച എംഎല്‍എ എന്ന നിലയില്‍ സിദ്ദിഖ് കൂവിവിളി അര്‍ഹിക്കുന്നില്ലെന്നായിരുന്നു കോണ്‍ഗ്രസ് നേതാവിനെ പ്രതിരോധിച്ചുകൊണ്ടുള്ള ഒരു വിഭാഗത്തിന്‍റെ അഭിപ്രായം. സദസ്സില്‍ നിന്നും കൂവി വിളിച്ചവരെ തടഞ്ഞ് സംയോജിതമായ ഇടെപടല്‍ നടത്തിയ ഡിവൈഎഫ്‌ഐ സംസ്ഥാന പ്രസിഡന്റ് വി വസീഫിന്റെ ഇടപെടലും കയ്യടിനേടുകയാണ്. ദുരിത ബാധിതരെ ചെറിയ സമയത്തിനുള്ളിൽ മാതൃകാപരമായി പുനരധിവസിപ്പിച്ച കേരളത്തിന്റെ നടപടി ലോകത്തിന് മുന്നില്‍ കയ്യടി നേടുമ്പോഴാണ് ഇത്തരം ചില കല്ലുകടികള്‍ ചർച്ചയാവുന്നത്. യഥാർത്ഥത്തിൽ ഇന്നലെ എന്താണ് സംഭവിച്ചതെന്ന് വി വസീഫും അത് തനിക്കുണ്ടാക്കിയ മാനസിക പ്രയാസത്തെക്കുറിച്ച് ടി സിദ്ദീഖും റിപ്പോർട്ടറിനോട് പങ്കുവെയ്ക്കുകയാണ്. റിപ്പോര്‍ട്ടര്‍ ടി വി 'കോഫി വിത്ത് അരുണി'ലാണ് വസീഫും ടി സിദ്ദിഖും ഒരുമിച്ചെത്തി സംഭവത്തെക്കുറിച്ച് വിശദീകരിച്ചത്. വായന തുടരുക

ഇന്നത്തെ ബ്രേക്കിങ്ങ് ന്യൂസ് "

സ്ഥാനാര്‍ത്ഥി തര്‍ക്കം; സജി ഡി ആനന്ദ് ആര്‍എസ്പി വിട്ടു; ഷിബു ബേബി ജോണിന് രൂക്ഷവിമര്‍ശനം

കോട്ടയം: ആര്‍എസ്പി സംസ്ഥാന കമ്മിറ്റി അംഗം സജി ഡി ആനന്ദ് പാര്‍ട്ടി വിട്ടു. ഷിബു ബേബി ജോണിനെതിരെ ആഞ്ഞടിച്ചാണ് സജി ഡി ആനന്ദിന്റെ പാര്‍ട്ടി വിടല്‍. എന്‍ കെ പ്രേമചന്ദ്രന്‍ എംപിയുടെ മകന്‍ കാര്‍ത്തിക് പ്രേമചന്ദ്രന് സീറ്റ് നിഷേധിച്ചതിന് പിന്നാലെ ആര്‍എസ്പിയില്‍ കലഹം രൂക്ഷമായിരുന്നു. കാര്‍ത്തിക് ചിദംബരത്തിന് എല്ലാ കമ്മിറ്റിയിലും ഭുരിപക്ഷമുണ്ടെന്നും അത് അംഗീകരിക്കാത്ത ഷിബു ബേബി ജോണ്‍ നേതാവ് അല്ലെന്നുമാണ് സജി ഡി ആനന്ദിന്റെ വിമര്‍ശനം. വായന തുടരുക

ഓഹരി വിപണി കൂപ്പുകുത്തുമ്പോഴും കരടികൾക്ക് തൊടാനാകാതെ 'പ്രതിരോധം'

യുദ്ധം മുറുകുന്ന സാഹചര്യത്തിൽ ഓഹരി വിപണികൾ കരടിയുടെ പിടിയിലാണ്. പ്രധാനബെഞ്ച് മാർക്ക് സൂചികകളിലെല്ലാം ചുവപ്പ് പടർന്നപ്പോഴും പിടിച്ചു നിൽക്കുന്ന ഒരു മേഖലയുണ്ട്. പ്രതിരോധ ഓഹരികൾ. ഇന്നത്തെ വ്യാപാരത്തിൽ പ്രതിരോധ മേഖലയിലെ മുഴുവൻ ഓഹരികളും കുതിക്കുകയാണ്. വായന തുടരുക

വടകര: യുഡിഎഫില്‍ കെ കെ രമ ഉറിപ്പിച്ചു; ഇടതില്‍ ആര്? ആർജെഡിയില്‍ സ്ഥാനാർത്ഥിത്വത്തിനായി നിരവധിയാളുകള്‍വടകര: യുഡിഎഫില്‍ കെ കെ രമ ഉറിപ്പിച്ചു; ഇടതില്‍ ആര്? ആർജെഡിയില്‍ സ്ഥാനാർത്ഥിത്വത്തിനായി നിരവധിയാളുകള്‍

കോഴിക്കോട്: 2021 ലെ നിയമസഭ തെരഞ്ഞെടുപ്പില്‍ 99 സീറ്റുകളുമായി സംസ്ഥാനത്ത് ഭരണത്തുടർച്ച നേടിയപ്പോഴും എല്‍ഡിഎഫിനെ സംബന്ധിച്ച് വലിയ തിരിച്ചടി നല്‍കിയ മണ്ഡലമായിരുന്നു വടകര. 1960ന് ശേഷം സോഷ്യലിസ്റ്റ് പാർട്ടികള്‍ മാത്രം വിജയിക്കുന്ന മണ്ഡലം കെ കെ രമയിലൂടെ യുഡിഎഫ് പക്ഷത്തേക്ക് ചാഞ്ഞു. ആർഎംപി സ്ഥാനാർത്ഥിയായി മത്സരിച്ച കെ കെ രമയ്ക്ക് യുഡിഎഫ് പിന്തുണ നല്‍കുകയായിരുന്നു. വായന തുടരുക

ശബരിമല സ്വർണക്കൊള്ള കേസ്; കെ പി ശങ്കർദാസിന് ജാമ്യമില്ല, രണ്ട് ജാമ്യഹർജികളും കോടതി തള്ളി

കൊല്ലം: ശബരിമല സ്വര്‍ണക്കൊള്ള കേസിലെ പ്രതിയായ ദേവസ്വം ബോര്‍ഡ് മുന്‍ അംഗം കെ പി ശങ്കര്‍ദാസിന് ജാമ്യം ലഭിച്ചില്ല. സ്വര്‍ണക്കൊള്ള കേസില്‍ ശങ്കര്‍ദാസ് സമര്‍പ്പിച്ച രണ്ട് ജാമ്യഹര്‍ജികളും കൊല്ലം വിജിലന്‍സ് കോടതി തള്ളി. ആരോഗ്യപ്രശ്‌നങ്ങളുണ്ടെന്ന് ചൂണ്ടിക്കാട്ടിയായിരുന്നു ജാമ്യഹര്‍ജി സമര്‍പ്പിച്ചത്. എന്നാല്‍ ശങ്കര്‍ദാസിന്റെ മെഡിക്കല്‍ റിപ്പോര്‍ട്ടുകളടക്കം പരിശോധിച്ച കോടതി ജാമ്യം നിഷേധിക്കുകയായിരുന്നു. വായന തുടരുക

ആ പ്രതീക്ഷയും ഇല്ലാതായി; ആർജെഡിയുടെ അധിക സീറ്റ് ആവശ്യം തള്ളി സിപിഐഎം; മൂന്ന് സീറ്റുകളിൽ തന്നെ മത്സരിക്കും

തിരുവനന്തപുരം: നിയമസഭാ തെരഞ്ഞെടുപ്പിൽ അധിക സീറ്റ് എന്ന ആർജെഡിയുടെ ആവശ്യം തള്ളി സിപിഐഎം. സീറ്റ് വിഭജനം പൂർത്തിയാക്കാൻ നടത്തിയ ചർച്ചയിലാണ് ആർജെഡിയുടെ അധിക സീറ്റ് ആവശ്യം സിപിഐഎം തള്ളിയത്. വർഗീസ് ജോർജ്, നീല ലോഹിതദാസ് നാടാർ എന്നിവർ പങ്കെടുത്ത ചർച്ചയിലാണ് സിപിഐഎം അധിക സീറ്റിനോട് മുഖം തിരിച്ചത്. വായന തുടരുക

പശ്ചിമേഷ്യൻ സംഘർഷം; ഹോർമുസ് കടലിടുക്ക് കടക്കൽ വലിയ കടമ്പ; ചൈനീസ് ചെറുകപ്പൽ കൊല്ലത്തടുപ്പിച്ചു

കൊല്ലം: പശ്ചിമേഷ്യയിലെ സംഘർഷാവസ്ഥ മൂലം യാത്ര തുടരാനാകാത്തതിനാൽ ചൈനീസ് ചെറുകപ്പലിനെ കൊല്ലത്ത് അടുപ്പിച്ചു. ഹോങ് കോങ്ങിൽ നിർമിച്ച് സൗദിയിലേക്ക് പോകുകയായിരുന്ന ചെറുകപ്പലാണ് കൊല്ലം തുറമുഖത്ത് അടുപ്പിച്ചത്. ഹോർമുസ് കടലിടുക്ക് കടക്കാൻ സാധിച്ചേക്കില്ല എന്ന ആശങ്ക ഉയർന്നതോടെയാണ് ചെറുകപ്പൽ കൊല്ലത്ത് അടുപ്പിച്ചത്. വായന തുടരുക

കമ്മ്യൂണിസ്റ്റുകാരുടേത് വർഗീയതയ്‌ക്കെതിരായ നിലപാട്,പക്ഷെ ഇന്ത്യയുടെ ഭരണാധികാരിയെ തട്ടിക്കൊണ്ടുപോയാൽ അതും തടയും

കൊച്ചി: ഇറാന്‍ കമ്മ്യൂണിസ്റ്റുകാര്‍ക്കെതിരല്ലെ എന്ന വങ്കത്തരം ചോദിക്കുന്നവരുടെ കൂട്ടത്തില്‍ മുസ്ലിം ലീഗും കോണ്‍ഗ്രസുമുണ്ടെന്ന് സിപിഐഎം നേതാവ് എം സ്വരാജ്. ഇത്തരം ചോദ്യങ്ങള്‍ ഉന്നയിക്കുന്നവര്‍ക്ക് മറുപടിയില്ലെന്നും ഏതെങ്കിലും ഭരണാധികാരിക്ക് വേണ്ടിയല്ല കമ്മ്യൂണിസ്റ്റുകാരുടെ പോരാട്ടമെന്നും എം സ്വരാജ് പറഞ്ഞു. ഇറാന് നേരെ ഇസ്രായേലും യുഎസും നടത്തുന്ന അക്രമണത്തിന് എതിരെ സിപിഐഎം എറണാകുളം ജില്ലാ കമ്മിറ്റി നടത്തുന്ന പ്രതിഷേധ മാര്‍ച്ചിലും പൊതുയോഗത്തിലും പ്രസംഗിക്കുകയായിരുന്നു സ്വരാജ്. വായന തുടരുക

ഇറാൻ-ഇസ്രയേൽ,യുഎസ് സംഘർഷത്തിൽ വെട്ടിലായി ഇന്ത്യൻ അരി വ്യാപാരികൾ;ബസ്മതി അരിയുടെ കയറ്റുമതി ത്രിശങ്കുവിലാകുമോ?

ന്യൂഡൽഹി: ഇറാന് മേൽ ഇസ്രയേലും യുഎസും ആക്രമണം കടുപ്പിച്ചതിന് പിന്നാലെ ഇന്ത്യൻ ബസ്മതി അരി വ്യാപാരികൾ ആശങ്കയിൽ. നിലവിലെ ഓർഡറുകൾ റദ്ദാക്കപ്പെടുമോ, ഷിപ്പിങ് പ്രശ്നങ്ങൾ ഉണ്ടായേക്കുമോ എന്നെല്ലാമാണ് ആശങ്കയ്ക്ക് കാരണം. ഹോർമുസ് കടലിടുക്ക് അടച്ചാൽ അരി കയറ്റുമതി പ്രതിസന്ധിയിലാകും. വായന തുടരുക

ഇറാനിൽ മരണസംഖ്യ ഉയരുന്നു, 131 നഗരങ്ങൾക്ക് നേരെ ആക്രമണം; മരണസംഖ്യ 500 കവിഞ്ഞതായി റെഡ് ക്രസന്റ്

ഇസ്രയേല്‍-യുഎസ് ആക്രമണത്തില്‍ ഇറാനിൽ മരണസംഖ്യ ഉയരുന്നു. ഇറാനിൽ മരണസംഖ്യ 500 കവിഞ്ഞതായി റെഡ് ക്രസന്റ് അറിയിച്ചു. അമേരിക്ക-ഇസ്രായേൽ സംയുക്ത ആക്രമണങ്ങളിൽ ഇറാനിൽ 555 പേർ കൊല്ലപ്പെട്ടതായി ഇറാനിയൻ റെഡ് ക്രസന്റ് സൊസൈറ്റി പറഞ്ഞു. ഇറാനിലെ ഫാർസ് പ്രവിശ്യയിൽ ഇന്ന് 35 പേർ കൊല്ലപ്പെട്ടു. ഇറാനിലെ 131 നഗരങ്ങൾക്കു നേരെ അമേരിക്കൻ-ഇസ്രായേൽ ആക്രമണം നടന്നു. വായന തുടരുക

ആണവ കേന്ദ്രത്തിൽ യുഎസ്-ഇസ്രായേൽ ആക്രമണം നടത്തിയതായി ഇറാൻ

അമേരിക്കയും ഇസ്രായേലും ഇറാനിയൻ ആണവ കേന്ദ്രങ്ങൾ ആക്രമിച്ചതായി അന്താരാഷ്ട്ര ആണവോർജ്ജ ഏജൻസിയിലെ (ഐ‌എ‌ഇ‌എ) ഇറാൻ അംബാസഡർ. എന്നാൽ റിപ്പോർട്ട് ചെയ്യപ്പെട്ട ആക്രമണങ്ങളിൽ ഏതെങ്കിലും ആണവ കേന്ദ്രങ്ങൾക്ക് കേടുപാടുകൾ സംഭവിച്ചതിന് തെളിവുകളില്ലെന്ന് യുഎൻ ആണവ നിരീക്ഷണ സമിതിയുടെ തലവൻ പറഞ്ഞു.വായന തുടരുക

ഇസ്രായേലും അമേരിക്കയുമായുള്ള യുദ്ധത്തിൽ ഇറാൻ ഗൾഫ് രാജ്യങ്ങളെ ലക്ഷ്യം വയ്ക്കുന്നത് എന്തുകൊണ്ട്?

അമേരിക്കയും ഇസ്രായേലും ചേർന്ന് ഫെബ്രുവരി 28-ന് നടത്തിയ ആക്രമണങ്ങൾക്ക് പിന്നാലെ ഇറാൻ തങ്ങളുടെ പ്രത്യാക്രമണം ഗൾഫ് രാജ്യങ്ങളിലേക്ക് വ്യാപിപ്പിച്ചത് പശ്ചിമേഷ്യൻ യുദ്ധത്തിൽ അപകടകരമായ മാറ്റമുണ്ടാക്കിയിരിക്കുന്നു. വായന തുടരുക

ഇറാൻ-യുഎസ് യുദ്ധം; അമേരിക്കയുടെ ഒന്നിലധികം യുദ്ധവിമാനങ്ങൾ തകർന്നു വീണു; പൈലറ്റുമാർ സുരക്ഷിതരെന്ന് കുവൈറ്റ് പ്രതിരോധ മന്ത്രാലയം

ഇറാൻ-അമേരിക്ക യുദ്ധം രൂക്ഷമായി തുടരുന്നതിനിടെ കുവൈറ്റിൽ അമേരിക്കയുടെ ഒന്നിലധികം യുദ്ധവിമാനങ്ങൾ തകർന്നു വീണതായി ഔദ്യോഗിക സ്ഥിരീകരണം. തിങ്കളാഴ്ച രാവിലെ ഒരു എഫ്-15 യുദ്ധവിമാനം ആകാശത്ത് നിന്ന് കത്തിയമർന്ന് താഴേക്ക് പതിക്കുന്നതിന്റെ ദൃശ്യങ്ങൾ പുറത്തുവന്നിരുന്നു. ഇതിന് പിന്നാലെയാണ് ഒന്നല്ല, 'നിരവധി' (Several) യുഎസ് വിമാനങ്ങൾ തകർന്നു വീണതായി കുവൈറ്റ് പ്രതിരോധ മന്ത്രാലയം വ്യക്തമാക്കിയത്. എത്ര വിമാനങ്ങൾ ആകെ തകർന്നു എന്ന കാര്യത്തിൽ കൃത്യമായ കണക്കുകൾ ഇതുവരെ പുറത്തുവിട്ടിട്ടില്ല. വായന തുടരുക

ആയത്തുള്ള അലി ഖമേനിയുടെ വധം: ഡൽഹിയിൽ കണ്ണീരോടെ പ്രാർത്ഥനയുമായി നൂറുകണക്കിന് സ്ത്രീകൾ; കർബലയിൽ വൈകാരികമായ ഒത്തുചേരൽ

ഇറാന്റെ പരമോന്നത നേതാവ് ആയത്തുള്ള അലി ഖമേനി കൊല്ലപ്പെട്ട വാർത്ത പശ്ചിമേഷ്യയിൽ മാത്രമല്ല, ഇന്ത്യയുടെ തലസ്ഥാനമായ ഡൽഹിയിലും വലിയ ആഘാതമാണ് സൃഷ്ടിച്ചിരിക്കുന്നത്. ഞായറാഴ്ച വൈകുന്നേരം ഡൽഹിയിലെ ജോർ ബാഗിലുള്ള ഷാ-ഇ-മർദാൻ കർബലയിൽ നൂറുകണക്കിന് സ്ത്രീകളാണ് ഖമേനിക്ക് ആദരാഞ്ജലികൾ അർപ്പിക്കാനും പ്രതിഷേധിക്കാനുമായി ഒത്തുചേർന്നത്. വായന തുടരുക

കറാച്ചിയിൽ കുടുങ്ങിയ മലയാളികൾ നാളെ കൊച്ചിയിലെത്തും

മിഡിൽ ഈസ്റ്റിലെ സംഘർഷത്തെത്തുടർന്ന് വിമാനം വഴിതിരിച്ചുവിട്ടതോടെ പാകിസ്ഥാനിലെ കറാച്ചി വിമാനത്താവളത്തിൽ കുടുങ്ങിയ മൂന്ന് മലയാളികൾ നാളെ കൊച്ചിയിലെത്തും. ഇവരടങ്ങുന്ന എട്ടംഗ ഇന്ത്യൻ സംഘം തിങ്കളാഴ്ച ഉച്ചയോടെ പാകിസ്ഥാനില്‍ നിന്നും വിമാനമാര്‍ഗ്ഗം ശ്രീലങ്കയിലെ കൊളംബോയിലെത്തി. വായന തുടരുക

ട്ഇറാനെതിരായ ആക്രമണം അന്താരാഷ്ട്ര നിയമത്തിന് വിരുദ്ധം: യുദ്ധം അവസാനിപ്പിക്കാൻ എല്ലാവരോടും അഭ്യർത്ഥിച്ച് ചൈന

ഇറാനും അമേരിക്കയും ഇസ്രായേലും തമ്മിലുള്ള സംഘർഷത്തിൽ ആദ്യ ഔദ്യോഗിക പ്രതികരണം പുറപ്പെടുവിച്ച് ചൈന. ഇറാനിൽ അമേരിക്കയും ഇസ്രായേലും നടത്തുന്ന ആക്രമണങ്ങൾ അന്താരാഷ്ട്ര നിയമം ലംഘിക്കുന്നതാണെന്നും വിശാലമായ മേഖലയെ അസ്ഥിരപ്പെടുത്താൻ സാധ്യതയുണ്ടെന്നും റോയിട്ടേഴ്‌സ് വാർത്താ ഏജൻസി റിപ്പോർട്ട് ചെയ്തു.വായന തുടരുക

ചൂട് ക്രമാതീതമായി ഉയരാൻ സാധ്യത! മധ്യകേരളത്തിൽ മഴ, ജാഗ്രതാ നിർദ്ദേശം

സംസ്ഥാനത്ത് താപനില ഉയരുന്നു. നിലവിൽ ചൂടിന് ആശ്വാസമായി വ്യാപകമായ മഴയ്ക്ക് സാധ്യതയില്ല. ഇന്ന് പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിൽ മാത്രമാണ് നേരിയ മഴയ്ക്ക് എങ്കിലും സാധ്യതയുള്ളത്. കേരള - കർണാടക - ലക്ഷദ്വീപ് തീരങ്ങളിൽ ഇന്ന് (02/03/2026) മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. വായന തുടരുക

ഇന്നത്തെ പ്രത്യേകത
🪔 Cultural & Religious Observances in India (especially South)

• Masi Magam Festiva - a significant Hindu festival especially in Tamil Nadu, with holy dips and temple rituals.
• Phalguna Purnima / Holika Dahan Eve - the day before Holi, celebrated with bonfires in many parts of India.

Matthew Prince
Co-founder and CEO, Cloudflare

Matthew Prince had to be converted to the belief that AI is eating the web. It was 18 months ago that he started getting calls from media executives, who complained to him about AI companies copying articles to train their models without compensation. Prince’s first reaction, he says, was to roll his eyes. “Media companies are always complaining about whatever the new technology is,” he tells TIME. വായന തുടരുക . ....

ഒമാൻ എണ്ണ ടാങ്കറിന് നേരെ ഇറാൻ ആക്രമണം; ഒരു ഇന്ത്യക്കാരൻ കൊല്ലപ്പെട്ടു

ഒമാൻ തീരത്ത് എണ്ണ ടാങ്കറിനു നേരെ ഇറാൻ ആക്രമണം.ഒരു ക്രൂ അംഗം മരിച്ചു. ഒരു ഇന്ത്യക്കാരനാണ് മരിച്ചത്. സ്ഫോടകവസ്തുക്കൾ നിറച്ച ബോട്ട് ഉപയോ​​ഗിച്ചായിരുന്നു ആക്രമണം. മസ്‌കറ്റ് തീരത്ത് നിന്ന് 52 ​​നോട്ടിക്കൽ മൈൽ അകലെയാണ് സംഭവം. 21 ജീവനക്കാരെ രക്ഷിച്ചു. ഇറാൻ, അമേരിക്ക, ഇസ്രായേൽ എന്നിവ ഉൾപ്പെടുന്ന സംഘർഷഭരിതമായ സാഹചര്യം നിലനിൽക്കെയാണ് ആക്രമണം. വായന തുടരുക

വർക്കലയിലെ ട്രെയിൻ ആക്രമണം; ചികിത്സയിലായിരുന്നു ശ്രീക്കുട്ടി ആശുപത്രി വിട്ടു

തിരുവനന്തപുരം വർക്കലയിൽ ട്രെയിനിൽ നിന്ന് മദ്യപൻ തള്ളിയിട്ട് ചികിത്സയിലായിരുന്നു ശ്രീക്കുട്ടി വീട്ടിലേക്ക് മടങ്ങുന്നു. കൊച്ചി അമൃത ആശുപത്രിയിലായിരുന്നു ശ്രീക്കുട്ടി. രണ്ട് മാസത്തിലേറെയായി അമൃത ആശുപത്രിയില്‍ ശ്രീക്കുട്ടി ചികിത്സയിലായിരുന്നു. 2025 നവംബര്‍ രണ്ടിനായിരുന്നു പാലോട് സ്വദേശിയായ ശ്രീക്കുട്ടി ട്രെയിനില്‍ വെച്ച് മദ്യപന്റെ ആക്രമണത്തിന് ഇരയായത്. ട്രെയിനിന്റെ വാതിലിന് സമീപത്ത് നില്‍ക്കുന്ന സമയത്ത് ശ്രീക്കുട്ടിയെ തള്ളി താഴെയിടുകയായിരുന്നു. വായന തുടരുക

ഇറാന്റെ ഡ്രോൺ ആക്രമണം; സൗദി അരാംകോ എണ്ണ റിഫൈനറി താത്ക്കാലികമായി അടച്ചുപൂട്ടി

സൗദി അറേബ്യയിലെ അരാംകോ റാസ് താനൂറ എണ്ണ ശുദ്ധീകരണശാല ലക്ഷ്യമാക്കി ഇറാനിയൻ ഡ്രോൺ ആക്രമണം നടന്നുവെന്ന് സ്ഥിരീകരിച്ച് സൗദി. ആക്രമണം നടത്തിയ രണ്ട് ഡ്രോണുകളെ സൗദി പ്രതിരോധ സേന ആകാശത്തുവെച്ച് തന്നെ തകർത്തു. ഡ്രോണുകൾ തകർത്തതിനെത്തുടർന്ന് അവയുടെ അവശിഷ്ടങ്ങൾ ജനവാസ മേഖലകൾക്ക് സമീപമാണ് പതിച്ചത്. ചെറിയ രീതിയിൽ തീപിടുത്തം ഉണ്ടായെങ്കിലും ഈ സംഭവത്തിൽ ആർക്കും പരുക്കേൽക്കുകയോ ജീവഹാനി സംഭവിക്കുകയോ ചെയ്തിട്ടില്ലെന്ന് പ്രതിരോധസേന വ്യക്തമാക്കി.ഡ്രോൺ ആക്രമണത്തെത്തുടർന്ന് റാസ് തനുര റിഫൈനറി താത്ക്കാലികമായി അടച്ചുപൂട്ടിയതായി സൗദി ഊർജ്ജ മന്ത്രാലയം വ്യക്തമാക്കി. വായന തുടരുക

നെതന്യാഹുവിന്റെ ഓഫീസ് ആക്രമിച്ചു? അവകാശവാദവുമായി ഇറാൻ

ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ഓഫീസ് ആക്രമിച്ചെന്ന് ഇറാൻ. ടെൽ അവീവിലെ നെതന്യാഹുവിന്റെ ഓഫീസും ഇസ്രയേൽ സൈന്യത്തിന്റെ കേന്ദ്രങ്ങളും ലക്ഷ്യമിട്ട് ആക്രമണം നടത്തിയെന്ന് ഐആർജിസി അവകാശപ്പെട്ടു. “സയണിസ്റ്റ് ഭരണകൂടത്തിലെ ക്രിമിനൽ പ്രധാനമന്ത്രിയുടെ ഓഫീസും ഭരണകൂടത്തിന്റെ വ്യോമസേനാ കമാൻഡറുടെ ആസ്ഥാനവും ലക്ഷ്യമിട്ടു,” ഐആർജിസി വാർത്ത ഏജൻസിയോട് പ്രതികരിച്ചു. വായന തുടരുക

ഇറാൻ ഡ്രോൺ ആക്രമണം; ഗൾഫിൽ 2 ബംഗ്ലാദേശ് പൗരന്മാർ മരിച്ചു, 7 പേർക്ക് പരുക്ക്

ഇറാൻ ആക്രമണത്തിൽ ഗൾഫിൽ രണ്ട് ബംഗ്ലാദേശ് പൗരന്മാർ മരിച്ചതായി ബംഗ്ലാദേശ് സർക്കാർ സ്ഥിരീകരിച്ചു. ഏഴോളം ബംഗ്ലാദേശ് പൗരന്മാർക്ക് മിസൈൽ ഡ്രോൺ ആക്രമണങ്ങളിൽ പരുക്കേറ്റു. വിമാന സർവീസുകൾ പുനരാരംഭിച്ചാൽ മൃതദേഹങ്ങൾ നാട്ടിലേക്ക് കൊണ്ട് വരുമെന്നും യുഎഇയിലെ ബംഗ്ലാദേശ് എംബസി വ്യക്തമാക്കി. വായന തുടരുക

ഇറാൻ ആക്രമണം തുടരുന്നു; ബഹ്റൈനില്‍ തറാവീഹ് നമസ്‌കാരം 25 മിനിറ്റായി ചുരുക്കി

രാജ്യത്തെ നിലവിലെ സഹചര്യങ്ങൾ കണക്കിലെടുത്ത് പള്ളികളിലെ നമസ്‍കാര സമയങ്ങളിൽ ക്രമീകരണം ഏർപ്പെടുത്തിയതായി സുന്നി എന്‍ഡോവ്മെന്റ് ഡയറക്ടറേറ്റ്. ബഹ്റൈനിലെ സുന്നി എന്‍ഡോവ്മെന്റ് ഡയറക്ടറേറ്റിന് കീഴിലുള്ള പള്ളികളില്‍ തറാവീഹ് നമസ്‌കാരത്തിനും ഇശാ നമസ്‌കാരത്തിനും പുതിയ സമയക്രമം ഏർപ്പെടുത്തി. വായന തുടരുക

നതാൻസ് ആണവ കേന്ദ്രം ആക്രമിക്കപ്പെട്ടെന്ന് ഇറാൻ; ആണവവികിരണത്തിന് സാധ്യത?

അമേരിക്ക-ഇസ്രയേൽ സംയുക്ത ആക്രമണങ്ങളിൽ നതാൻസ് ആണവ കേന്ദ്രം ആക്രമിക്കപ്പെട്ടതായി ഇറാൻ. ഐക്യരാഷ്ട്രസഭയുടെ ആണവ നിരീക്ഷണ സംഘത്തിലെ ഇറാന്റെ അംബാസഡർ റെസ നജാഫിയാണ് ഇക്കാര്യം സ്ഥിരീകരിച്ചത്. അമേരിക്കൻ ആക്രമണത്തിൽ അഞ്ച് ഇറാൻ സൈനികർ കൊല്ലപ്പെട്ടു. മധ്യ പടിഞ്ഞാറൻ ഇറാനിലെ ഖോറമാബാദ് നഗരത്തിലാണ് അഞ്ച് ഇറാനിയൻ സൈനികർ കൊല്ലപ്പെട്ടത്. വായന തുടരുക

‘ശബരിമല ആചാരം സംരക്ഷിക്കണം, യുവതി പ്രവേശനത്തെ എതിർക്കും’; നിലപാട് മാറ്റി ദേവസ്വം ബോർഡ്

ശബരിമലയിലെ യുവതി പ്രവേശനത്തില്‍ നിലപാടിൽ മലക്കംമറിഞ്ഞ് തിരുവിതാംകൂർ ദേവസ്വം ബോർഡ്. യുവതി പ്രവേശനത്തെ അനുകൂലിച്ച നിലപാട് ദേവസ്വം ബോർഡ് തിരുത്തി. 2019 ലെ ദേവസ്വം ബോർഡിന്‍റെ സത്യവാങ്മൂലം സുപ്രീംകോടതിയിൽ തിരുത്തും. ശബരിമലയിൽ ആചാരം സംരക്ഷിക്കണമെന്ന് ദേവസ്വം ബോർഡിന്‍റെ പുതിയ നിലപാട്. ഇന്നത്തെ ദേവസ്വം ബോർഡ് യോഗത്തിലാണ് തീരുമാനം. വായന തുടരുക

‘ഇന്ത്യ നിലകൊള്ളുന്നത് ലോക സമാധാനത്തിന്’; പശ്ചിമേഷ്യയിൽ സമാധാനത്തിന് ആഹ്വാനം ചെയ്‌ത്‌ പ്രധാനമന്ത്രി

പശ്ചിമേഷ്യൻ രാജ്യങ്ങളിലെ സംഘർഷം ആശങ്ക ഉണ്ടാക്കുന്നതെന്ന് പ്രധാനമന്ത്രി നരേന്ദ്രമോദി. ലോകസമാധാനത്തിനും ഐക്യത്തിനു വേണ്ടിയാണ് ഇന്ത്യ നിലകൊള്ളുന്നത്. പശ്ചിമേഷ്യയിൽ പ്രധാനമന്ത്രി നരേന്ദ്രമോദി സമാധാനത്തിന് ആഹ്വാനം ചെയ്‌തു. ഇന്ത്യക്കാരുടെ സുരക്ഷ ഉറപ്പാക്കും. ചർച്ചകളിലൂടെ പ്രശ്നം പരിഹരിക്കണം. വായന തുടരുക

ടെഹ്‌റാനിൽ വ്യാപക മിസൈൽ ആക്രമണം; ലക്ഷ്യം ഇറാൻ സർക്കാരിലെ പ്രമുഖരെെന്ന് ഇസ്രയേൽ സൈന്യം

ടെഹ്‌റാനിൽ വ്യാപക മിസൈൽ ആക്രമണം. ന​ഗ​രത്തിൽ വിവിധ ഇടങ്ങളിൽ സ്‌ഫോടന ശബ്ദങ്ങൾ കേട്ടതായി ഇറാൻ സ്റ്റേറ്റ് മീഡിയ റിപ്പോർട്ട് ചെയ്തു. മധ്യ ടെഹ്‌റാനിൽ വ്യാപക ആക്രമണം ആരംഭിച്ചതായി ഇസ്രയേലിന്റെ പ്രഖ്യാപനം. ഇറാൻ സർക്കാരിലെ പ്രമുഖരെ ലക്ഷ്യമിട്ടാണ് ആക്രമണമെന്നും ഇസ്രയേൽ സൈന്യം. ടെഹ്റാനിലെ പല ഭാഗങ്ങളിലും വലിയ സ്ഫോടന ശബ്ദങ്ങൾ. വായന തുടരുക

ഗൾഫിലെ SSLC , പ്ലസ് ടു പരീക്ഷകൾ മാറ്റിവെച്ചു

പശ്ചിമേഷ്യയിലെ സംഘർഷം കണക്കിലെടുത്ത് ഗൾഫ് മേഖലയിൽ പരീക്ഷ എസ്എസ്എൽസി,പ്ലസ് ടു പരീക്ഷകൾ മാറ്റിവെച്ചു. പുതുക്കിയ തീയതി പിന്നീട് അറിയിക്കുമെന്ന് മന്ത്രി വി ശിവൻകുട്ടി വ്യക്തമാക്കി. പ്ലസ് ടുവിലെ 5,6,7 തിയതികളിലെ പരീക്ഷകൾക്കാണ് മാറ്റം. വായന തുടരുക

രമേഷ് പിഷാരടി പാലക്കാട്ടെ യുഡിഎഫ് സ്ഥാനാര്‍ഥി? മത്സരിക്കാന്‍ താരം സന്നദ്ധത അറിയിച്ചു

നടനും സംവിധായകനും സ്റ്റാന്‍ഡ് അപ്പ് കൊമേഡിയനും ടെലിവിഷന്‍ താരവുമായ രമേഷ് പിഷാരടി പാലക്കാട് യുഡിഎഫ് സ്ഥാനാര്‍ഥിയായി മത്സരിച്ചേക്കും. പാലക്കാട് മത്സരിക്കാന്‍ പിഷാരടി സന്നദ്ധത അറിയിച്ചതോടെ താരത്തിന്റെ പേര് സ്‌ക്രീനിംഗ് കമ്മിറ്റിക്ക് കൈമാറി. കെ. മുരളീധരന്‍ ഉള്‍പ്പെടെയുള്ള നേതാക്കളുടെ പേര് പരിഗണിച്ചിരുന്നെങ്കിലും അന്തിമ പട്ടികയില്‍ പിഷാരടിയുടെ പേരാണ് ഇടംപിടിച്ചിരിക്കുന്നത്. സിനിമാ, ടെലിവിഷന്‍ താരമെന്ന നിലയ്ക്കുള്ള രമേഷ് പിഷാരടിയുടെ പ്രശസ്തിയും സ്വീകാര്യതയും വോട്ടായി മാറുമെന്നും അദ്ദേഹത്തിന് ജയസാധ്യത ഏറെയെന്നുമാണ് കോണ്‍ഗ്രസ് നേതൃത്വത്തിന്റെ വിലയിരുത്തല്‍. വായന തുടരുക

‘ഇറാന്റെ ഭീകര ഭരണകൂടത്തിനെതിരെ ആക്രമണം തുടരും’; ബെഞ്ചമിന്‍ നെതന്യാഹു

ഇറാന്റെ ഭീകര ഭരണകൂടത്തിനെതിരെ ആക്രമണം തുടരുമെന്ന് ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു. വരും ദിവസങ്ങളില്‍ ആയിരക്കണക്കിന് ലക്ഷ്യസ്ഥാനങ്ങളെ ആക്രമിക്കുമെന്ന മുന്നറിയിപ്പും നെതന്യാഹു നല്‍കുന്നു. വായന തുടരുക

പാകിസ്താനിലെ യു എസ് കോൺസുലേറ്റിന് നേരെ ആക്രമണം; പൊലീസ് വെടിവെപ്പിൽ 8 മരണം

ഇറാൻ പരമോന്നത നേതാവ് ആയത്തുള്ള അലി ഖമനയി കൊല്ലപ്പെട്ടതിൽ പ്രതിഷേധിച്ച് പാകിസ്താനിലെ യു എസ് കോൺസുലേറ്റിന് നേരെ പ്രതിഷേധക്കാരുടെ ആക്രമണം. കറാച്ചിയിലുള്ള അമേരിക്കയുടെ കോൺസുലേറ്റിന് നേരെയാണ് ആക്രമണം ഉണ്ടായത്. കോൺസുലേറ്റ് പ്രതിഷേധക്കാർ അടിച്ചുതകർത്തു. കോൺസുലേറ്റിലേക്ക് നിരവധി പേർ അതിക്രമിച്ചു കയറിയതിനെ തുടർന്ന് സുരക്ഷാ സേനയുമായുള്ള ഏറ്റുമുട്ടലിൽ 8 പേർ കൊല്ലപ്പെട്ടു. 20 ഓളം ആളുകൾക്ക് പരുക്കേറ്റിട്ടുണ്ട്. വായന തുടരുക

‘കൂടുതൽ അമേരിക്കൻ യുദ്ധവിമാനങ്ങൾ തകർന്നുവീണു, കുവൈറ്റിൽ എല്ലാ അമേരിക്കൻ പൈലറ്റുമാരും രക്ഷപ്പെട്ടു’; കുവൈറ്റ് പ്രതിരോധ മന്ത്രാലയം

തീവ്രവാദ ഗ്രൂപ്പുകൾ അമേരിക്കൻ പൗരന്മാർക്കെതിരെ ആക്രമണം നടത്താൻ പദ്ധതിയിടുന്നതായി ബഹ്റൈനിലെ അമേരിക്കൻ എംബസി. മനാമയിലെ ഹോട്ടലുകൾ ഉടൻ ഒഴിയണമെന്ന് പൗരന്മാർക്ക് നിർദേശം നൽകി എംബസി. പൗരന്മാർ ആക്രമിക്കപ്പെടാൻ ഇടയുണ്ടെന്ന് അമേരിക്ക മുന്നറിയിപ്പ് നൽകി. തീവ്രവാദി ആക്രമണം നടന്നേക്കാമെന്നും മുന്നറിയിപ്പ്. കുവൈറ്റിൽ കൂടുതൽ അമേരിക്കൻ യുദ്ധവിമാനങ്ങൾ തകർന്നുവീണതായി കുവൈറ്റ് പ്രതിരോധ മന്ത്രാലയം അറിയിച്ചു. വായന തുടരുക

മലമ്പുഴയില്‍ വിഎ അരുണ്‍കുമാര്‍ വരുമോ? പാര്‍ട്ടി പറയുന്നതാണ് എന്നും പ്രധാനമെന്ന് വിഎസിന്റെ മകന്‍

മലമ്പുഴയില്‍ യുഡിഎഫ് സ്ഥാനാര്‍ഥിയായി വി എസ് അച്യുതാനന്ദന്റെമനസാക്ഷി സൂക്ഷിപ്പുകാരനും, പിഎയും ആയിരുന്ന എ സുരേഷ് എത്തുമെന്ന് ഉറപ്പായതോടെ വിഎസിന്റെ മകനെ കളത്തിലിറക്കാന്‍ സിപിഐഎം കരുനീക്കം. വിഎസിന്റെ മകനെ ഇത്തവണ മത്സരരംഗത്തേക്ക് കൊണ്ടുവരുന്നത് രാഷ്ട്രീയമായി ഗുണം ചെയ്യുമെന്നാണ് സിപിഐഎം സംസ്ഥാന നേതൃത്വം നേരത്തെ വിലയിരുത്തിയത്. മലമ്പുഴയിലോ, കായംകുളത്തോ അരുണ്‍കുമാറിനെ പരിഗണിക്കുമെന്നായിരുന്നു വിവരം. എന്നാല്‍ വിഎസുമായി ആത്മബന്ധം സൂക്ഷിക്കുന്ന മലമ്പുഴയില്‍ വിഎ അരുണ്‍കുമാര്‍ മത്സരിക്കുന്നത് ഗുണം ചെയ്യുമെന്നാണ് പാര്‍ട്ടി നേതൃത്വം കരുതുന്നത്. വായന തുടരുക

ശബരിമലയില്‍ സി പി ഐ എമ്മിന്റെ നിലപാട് മാറുമോ ? പുന്നലയ്ക്ക് വിയോജിപ്പ്

തിരഞ്ഞെടുപ്പ് പടിവാതില്‍ക്കല്‍ എത്തിനില്‍ക്കെ ശബരിമലയിലെ യുവതി പ്രവേശന വിഷയത്തില്‍ സംസ്ഥാന സര്‍ക്കാര്‍ എന്ത് നിലപാട് സ്വീകരിക്കുമെന്നാണ് ഏവരും ഉറ്റു നോക്കുന്നത്. യുവതി പ്രവേശന വിഷയത്തില്‍ സുപ്രിംകോടതിയില്‍ മുന്‍ നിലപാട് തിരുത്തുമെന്നാണ് പുറത്തുവരുന്ന വിവരം. ഒരിക്കല്‍ സി പി ഐ എമ്മിന് കൈപൊള്ളിയ വിഷയമായിരുന്നതിനാല്‍ ഏറെ ശ്രദ്ധയോടെ വേണം ശബരിമല വിഷയം കൈകാര്യം ചെയ്യാനെന്ന നിലപാടിലാണ് സി പി ഐ എം നേതൃത്വം. അടുത്ത മാസം 15 ന് സംസ്ഥാന സര്‍ക്കാര്‍ നിലപാട് വ്യക്തമാക്കണമെന്നാണ് സുപ്രിംകോടതി അറിയിച്ചിരിക്കുന്നത്. നിലപാടില്‍ വെള്ളം ചേര്‍ക്കാനുള്ള സാധ്യതയാണ് നിലവിലുള്ളത്. വായന തുടരുക

‘ആവശ്യമെങ്കിൽ ഇറാനെതിരെ ഗൾഫ് രാജ്യങ്ങളെ പ്രതിരോധിക്കാൻ ഫ്രാൻസ് സജ്ജം’; ഫ്രാൻസ് വിദേശകാര്യ മന്ത്രി

ഇറാനെതിരെ ഗൾഫ് രാജ്യങ്ങളെ പ്രതിരോധിക്കാൻ ഫ്രാൻസ് സജ്ജമെന്ന് ഫ്രാൻസ് വിദേശകാര്യ മന്ത്രി. ആവശ്യമെങ്കിൽ ഇറാനെതിരെ ഗൾഫ് രാജ്യങ്ങളെയും ജോർദാനെയും പ്രതിരോധിക്കാൻ ഫ്രാൻസ് തയ്യാറാണെന്ന് വിദേശകാര്യ മന്ത്രി ജീൻ-നോയൽ ബാരറ്റ്. സൗദി അറേബ്യ, യുണൈറ്റഡ് അറബ് എമിറേറ്റ്സ്, ഖത്തർ, ഇറാഖ്, ബഹ്‌റൈൻ, കുവൈറ്റ്, ഒമാൻ, ജോർദാൻ എന്നിവയ്ക്ക് ഫ്രാൻസ് പൂർണ്ണ പിന്തുണയും ഐക്യദാർഢ്യവും അറിയിക്കുന്നുവെന്നും ജീൻ-നോയൽ ബാരറ്റ് വ്യക്തമാക്കി. വായന തുടരുക

പശ്ചിമേഷ്യൻ സംഘർഷം; സർവീസുകൾ റദ്ദാക്കിയ നടപടി തുടരുമെന്ന് ഇൻഡിഗോ

പശ്ചിമേഷ്യൻ സംഘർഷത്തിൽ സർവീസുകൾ റദ്ദാക്കിയ നടപടി തുടരുമെന്ന് ഇൻഡിഗോ.നാളെത്തെ സർവീസുകൾ എയർ ആകാസയും റദ്ദാക്കി. മാർച്ച് ഏഴുവരെയുള്ള ബുക്കിങ്ങുകളിൽ ഇളവ് പ്രഖ്യാപിച്ചിട്ടുണ്ട്. കഴിഞ്ഞ രണ്ടുദിവസം 760 സർവീസുകളാണ് ഇന്ത്യൻ വിമാന കമ്പനികൾ റദ്ദാക്കിയത്. വായന തുടരുക

Local News

കാട്ടൂർ എസ്എൻഡിപി ക്ഷേത്രത്തിലെ കാവടി ആഘോഷത്തിനിടെ രണ്ട് യുവാക്കൾക്ക് കുത്തേറ്റ കേസിൽ രണ്ടു പ്രതികൾ അറസ്റ്റിൽ...
കാട്ടാനയുടെ ആക്രമണത്തിൽ വനംവകുപ്പ് വാച്ചർ കൊല്ലപ്പെട്ടു...
സ്വര്‍ണവില കുത്തനെ കുറഞ്ഞു...
തൃശൂർ ജില്ലാ കളക്ടറായി ശിഖ സുരേന്ദ്രൻ ചുമതലയേറ്റു... കാട്ടാന ആക്രമണം തുടര്‍ക്കഥയായി അതിരപ്പിള്ളി...
കല്ലൂരിൽ മരം മുറിക്കുന്നതിനിടെ മരത്തിൽ നിന്ന് വീണ് യുവാവ് മരിച്ചു.... -
പുതുക്കാട് വടക്കെതൊറവ് ഗുരുവിജയ സി.ജി.ജനാർദനൻ റോഡ്‌ തുറന്നു....
സമരം ചെയ്ത നേതാക്കളെ ജയിലിടച്ചുവെന്നാരോപിച്ച് കെഎസ്‌യുവിന്റെ പ്രതിഷേധ സദസ്സ്
പകല്‍ ഇതുവരെ സംഭവിച്ച പ്രധാന വാര്‍ത്തകള്‍ കോര്‍ത്തിണക്കിയ ന്യൂസ് ബുള്ളറ്റിന്‍
മണലിയില്‍ ദേശീയപാതയോരത്ത് പുല്ലിന് തീ പിടിച്ചു