|
05 ജൂലായ് 2024 വെള്ളിയാഴ്ച്ച 1199 മിഥുനം 21 |
|
ലക്കം 1 വാല്യം 30 |
|
പേജുകള് : 3 |
|
നിഷ്പക്ഷം, വാസ്തവം, സുതാര്യം, കൃത്യത |
|
All birds find shelter during rain. But Eagle avoid rain by flying above clouds. Problems are common but attitude makes the difference.
Abdul Kalam |
|
(1) |
|
ലോക 20-20 ക്രിക്കറ്റ് കീരിടം നേടി ഇന്ത്യന് ടീമിന്റെ ബോംബൈയില് നടന്ന റോഡ് ഷോ. വീഡിയോ കാണാന് ഇവിടെ ക്ലിക്ക് ചെയ്യുക. ടീം ഇന്ത്യയ്ക്ക് വീരോചിത വരവേല്പ്പ്; മഴയേയും വകവയ്ക്കാത്ത ജനസാഗരം; 125 കോടിയുടെ ചെക്ക് കൈമാറി ബിസിസിഐ. വിശ്വവിജയം നേടി തിരിച്ചെത്തിയ ഇന്ത്യന് ടീമിന് വൈകാരിക വരവേല്പ്പ്. മഴയെ പോലും അവഗണിച്ച് ജനസഹസ്രങ്ങളാണ് വിക്ടറി പരേഡില് പങ്കെടുത്ത്. പിന്നാലെ വാങ്കഡെ സ്റ്റഡിയത്തില് നടന്ന ചടങ്ങില് ടീമിന് പ്രഖ്യാപിച്ച 125 കോടി രൂപ പാരിതോഷികം ബിസിസിഐ കൈമാറി.
|
|
ബ്രിട്ടിഷ് പാര്ലമെന്റിൽ ആദ്യ മലയാളി സാന്നിധ്യം; ലേബര് പാര്ട്ടിയുടെ സോജന് ജോസഫ് വിജയിച്ചു ബ്രിട്ടനിലെ പൊതുതെരഞ്ഞെടുപ്പില് മലയാളിക്ക് വിജയം. ലേബര് പാര്ട്ടി സ്ഥാനാര്ത്ഥിയായി ആഷ്ഫോര്ഡ് മണ്ഡലത്തില് മത്സരിച്ച കോട്ടയം സ്വദേശി സോജന് ജോസഫ് വിജയിച്ചു. ബ്രിട്ടീഷ് മുന് ഉപപ്രധാനമന്ത്രിയും കണ്സര്വേറ്റീവ് പാര്ട്ടി സ്ഥാനാര്ത്ഥിയുമായ ഡാമിയന് ഗ്രീനിനെയാണ് സോജന് ജോസഫ് പരാജയപ്പെടുത്തിയത്. കെ.എസ്.ആർ.ടി.സി ബസിൻ്റെ ഡോർ തുറന്ന് പുറത്തേക്ക് തെറിച്ച് വീണു; വിദ്യാർത്ഥിക്ക് ഗുരുതര പരുക്ക് ഓടിക്കൊണ്ടിരുന്ന കെ.എസ്.ആർ.ടിസി ബസിൻ്റെ ഡോർ തുറന്ന് പ്ലസ് ടു വിദ്യാർത്ഥി പുറത്തേക്ക് തെറിച്ച് വീണു. തിരുമല എഎംഎച്ച്എസിലെ പ്ലസ് ടു വിദ്യാർത്ഥി സന്ദീപിന് ഗുരുതര പരുക്കേറ്റു. സന്ദീപ് തെറിച്ച് വീണിട്ടും ബസ് നിർത്താതെ പോയെന്ന് പരാതി. നാട്ടുകാരും മറ്റു വാഹന യാത്രക്കാരും ചേർന്ന് ബസ് സമീപത്ത് തടഞ്ഞിട്ടു. സന്ദീപിന്റെ പിതാവ് സതീഷ് കുമാർ മലയിൻകീഴ് പോലീസിൽ പരാതി നൽകി. |
|
ബ്രിട്ടനിൽ ലേബർ പാർട്ടി അധികാരത്തിൽ; കെയ്ർ സ്റ്റാർമർ പ്രധാനമന്ത്രിയാകും, അടിപതറി ഋഷി സുനക് ബ്രിട്ടൺ പൊതു തെരഞ്ഞെടുപ്പിൽ 14 വർഷത്തെ കൺസർവേറ്റിവ് പാർട്ടി ഭരണത്തെ താഴെയിറക്കി ലേബർ പാർട്ടി അധികാരത്തിൽ. 650 സീറ്റുകളിൽ ലേബർ പാർട്ടി 370 സീറ്റുകളിൽ ലേബർ പാർട്ടി വിജയിച്ചു. 181 സീറ്റുകളാണ് ലേബർ പാർട്ടി അധികമായി നേടിയത്. ഋഷി സുനകിന്റെ കൺസർവേറ്റിവ് പാർട്ടിക്ക് 90 സീറ്റുകളിൽ ഒതുങ്ങി. ലിബറൽ ഡെമോക്രാറ്റുകൾ 51 സീറ്റുകളിലും സ്കോട്ടിഷ് നാഷണൽ പാർട്ടി 6 സീറ്റുകളിലും സിൻ ഫെയിൻ 6 സീറ്റുകളിലും മറ്റുള്ളവർ 21 സീറ്റുകളിലും വിജയിച്ചു. ഭരണ കാലാവധി പൂർത്തിയാകും മുമ്പ് നടത്തിയ തെരഞ്ഞെടുപ്പിൽ ഇന്ത്യൻ വംശജനും പ്രധാനമന്ത്രിയുമായ ഋഷി സുനക് കനത്ത തിരിച്ചടി നേരിട്ടു. സർക്കാരിന് 2025 ജനുവരി വരെ കാലാവധിയുണ്ടായിരുന്നെങ്കിലും സുനക് അപ്രതീക്ഷിതമായി ഇടക്കാല തെരഞ്ഞെടുപ്പ് പ്രഖ്യാപിക്കുകയായിരുന്നു. |
|
കാകദൃഷ്ടി നിങ്ങളുടെ മൊബൈലില് ലഭിക്കുവാന് |