"കാത്തിരിപ്പ് വിഫലം; വിനോദയാത്രയ്ക്കിടെ കാണാതായ ശ്രീനന്ദയുടെ മൃതദേഹം കണ്ടെത്തി"

ബെംഗളൂരു ∙ വിനോദ യാത്രയ്ക്കിടെ ചിക്കമഗളൂരു മാണിക്കധാര വെള്ളച്ചാട്ടത്തിന്റെ വ്യൂ പോയിന്റിനു സമീപം കാണാതായ പാലക്കാട് കടമ്പഴിപ്പുറം സ്വദേശി ശ്രീനന്ദയുടെ (15) മൃതദേഹം കണ്ടെത്തി. തിരച്ചിൽ ആരംഭിച്ച് മൂന്നാം ദിവസം പിന്നിടുമ്പോഴാണ് മൃതദേഹം കണ്ടെത്തിയത്. പൊലീസും വനംവകുപ്പും ദുരന്തനിവാരണ സേനയും ചേർന്നാണ് തിരച്ചിൽ നടത്തിയത്. ഡ്രോൺ ക്യാമറകളും വിന്യസിച്ചിരുന്നു. 1500 അടി താഴ്ച്ചയിൽ, ബാബ ബുധാൻഗിരിക്ക് താഴെ ഹർഷന ഗുപ്പയിലാണ് തിരച്ചിലിനിടെ മൃതദേഹം കണ്ടെത്തിയത്. വായന തുടരുക

"'സുധാകരൻ കമ്യൂണിസ്റ്റ് വിരുദ്ധൻ; പാർട്ടിയെ ചതിച്ചു, എംഎൽഎ പെൻഷൻ വാങ്ങുന്നത് പാർട്ടി ആനുകൂല്യമല്ലേ?'"

ആലപ്പുഴ∙ സിപിഎം വിട്ട് അമ്പലപ്പുഴയിൽ യുഡിഎഫ് സ്വതന്ത്രസ്ഥാനാർഥിയായ മത്സരിച്ച ജി.സുധാകരനെതിരെ രൂക്ഷ വിമർശനവുമായി മന്ത്രി സജി ചെറിയാൻ. പ്രസ്ഥാനം വിട്ടു പോയ പ്രമുഖരുടെ ഉള്ളിൽ കമ്യൂണിസം ഉണ്ടായിരുന്നെന്നും എന്നാൽ സുധാകരൻ അങ്ങനെയല്ലെന്നും സജി ചെറിയാൻ പറഞ്ഞു. സുധാകരൻ കമ്യൂണിസ്റ്റ് വിരുദ്ധനാണ്. പാർട്ടിയെ തിരഞ്ഞെടുപ്പ് കാലത്ത് ചതിച്ചു. ഒന്നര വർഷം മുമ്പ് കെ.സി. വേണുഗോപാലുമായി കരാർ ഉണ്ടാക്കി. സീറ്റില്ലെന്ന് അറിഞ്ഞപ്പോൾ 24 മണിക്കൂർ കൊണ്ട് സുധാകരൻ വലതുപക്ഷമായെന്നും സജി ചെറിയാൻ കുറ്റപ്പെടുത്തി. സുധാകരൻ എംഎൽഎ പെൻഷൻ വാങ്ങുന്നത് പാർട്ടിയിൽ നിന്ന് നേടിയെടുത്ത ആനുകൂല്യമല്ലേയെന്നും സജി ചെറിയാൻ ചോദിച്ചു. വായന തുടരുക

"ലൈംഗികാതിക്രമക്കേസ്: സംവിധായകൻ രഞ്ജിത്തിനു ജാമ്യം"

കൊച്ചി∙ ലൈംഗികാതിക്രമക്കേസിൽ സംവിധായകൻ രഞ്ജിത്തിനു ജാമ്യം. എറണാകുളം ഫസ്റ്റ് ക്ലാസ് ജുഡീഷ്യൽ മജിസ്ട്രേട്ട് കോടതിയാണു ജാമ്യം അനുവദിച്ചത്. യുവനടി നേരിട്ട് കൊച്ചി സിറ്റി പൊലീസ് കമ്മിഷണർ കാളിരാജ് മഹേഷ് കുമാറിന് നൽകിയ പരാതിയിലാണ് രഞ്ജിത്തിനെ മാർച്ച് 31ന് അറസ്റ്റു ചെയ്തത്. എറണാകുളം വനിതാ സ്റ്റേഷനിൽ കേസ് റജിസ്റ്റർ ചെയ്തശേഷം മജിസ്ട്രേറ്റിന്റെ വസതിയിൽ ഹാജരാക്കി റിമാൻഡ് ചെയ്യുകയായിരുന്നു. വായന തുടരുക

റോഡിലൂടെ പോയവർ കണ്ടത് കെഎസ്ആർടിസി ബസിൽ നിന്ന് പുക ഉയരുന്നത്; ഒഴിവായത് വൻ ദുരന്തം

കോഴിക്കോട് ∙ താമരശ്ശേരി കൂടത്തായി അമ്പലമുക്കിൽ ഓടിക്കൊണ്ടിരുന്ന കെഎസ്ആർടിസി ബസിന് തീപിടിച്ചു. എൻജിനിൽ നിന്ന് പുക ഉയരുന്നത് ശ്രദ്ധയിൽപ്പെട്ട ഉടൻ ബസ് നിർത്തി ഡ്രൈവറും കണ്ടക്ടറും യാത്രക്കാരും സമീപവാസികളും ചേർന്ന് തീയണച്ചതിനാൽ വലിയ അപകടം ഒഴിവായി. വെള്ളിയാഴ്ച രാവിലെ കൂരോട്ടുപാറയിൽ നിന്ന് കോഴിക്കോട്ടേക്ക് പോയ താമരശ്ശേരി ഡിപ്പോയിലെ ബസ്സിനാണ് തീപിടിച്ചത്. റോഡിന്റെ അരികിലൂടെ പോയവരാണ് ബസിന്റെ അടിയിൽ നിന്നും പുക ഉയരുന്നത് കണ്ട് ബഹളം വച്ചത്. ഇതോടെ ഡ്രൈവർ ബസ് നിർത്തുകയായിരുന്നു. തുടർന്ന് സമീപവാസികളും ഡ്രൈവറും കണ്ടക്ടറും ചേർന്ന് സമീപത്തെ വീട്ടിൽ നിന്നു പാത്രങ്ങളിൽ വെള്ളം എത്തിച്ചാണ് തീ അണച്ചത്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. മുക്കം ഫയർ ഫോഴ്സ് സംഘവും സംഭവസ്ഥലത്ത് എത്തി തുടർനടപടികൾ സ്വീകരിച്ചു. വായന തുടരുക

ഇന്നത്തെ ബ്രേക്കിംഗ് ന്യൂസ്.
വായന തുടരുക

"വിവാഹവസ്ത്രം മാറാതെ, വരണമാല്യം അഴിക്കാതെ പോളിങ് ബൂത്തിൽ എത്തിയവർ; ആ കാഴ്ചകളിലൂടെ..."

പെട്ടെന്നുറപ്പിച്ച തിരഞ്ഞെടുപ്പിന്റെയും നേരത്തേ ഉറപ്പിച്ച കല്യാണങ്ങളുടെയും തീയതി ക്ലാഷായപ്പോഴും വോട്ടൊഴിവാക്കാനൊന്നും ഈ വധൂവരൻമാർ തയാറായില്ല. കെട്ടിനു മുൻപും വിരുന്നിനു ശേഷവുമായൊക്കെ അവർ പോളിങ് ബൂത്തിലേക്ക് കുതിച്ചു. വിവാഹവസ്ത്രം മാറാതെയും വരണമാല്യം അഴിക്കാതെയുമൊക്കെയായിരുന്നു ആ ഓട്ടം. ആ കാഴ്ചകളിലൂടെ.... വായന തുടരുക

>ഹല്ലാ, ഹൽവ എവിടെ? ഹൽവ നൽകിയത് 3 ബൂത്തുകളിൽ; തിരഞ്ഞെടുപ്പ് കമ്മിഷന് പരാതി നൽകി

കാവുംമന്ദം∙ ഹൽവ കിട്ടിയില്ലെന്ന പരാതിയുമായി തിരഞ്ഞെടുപ്പ് കമ്മിഷനെ സമീപിച്ചു കന്നി വോട്ടർ. കാവുംമന്ദം 142ാം ബൂത്തിൽ വോട്ട് ചെയ്ത കന്നി വോട്ടറാണ് ഹൽവ ലഭിക്കാത്തതിൽ പരാതിയുമായി തിരഞ്ഞെടുപ്പ് കമ്മിഷനെ സമീപിച്ചത്. വോട്ട് ചെയ്തു കഴിഞ്ഞ ഉടനെ ബൂത്തിലെ ഉദ്യോഗസ്ഥരോട് യുവാവ് ഹൽവ ആവശ്യപ്പെട്ടു. എന്നാൽ ഇവിടെ ഇല്ലെന്ന മറുപടി യുവാവിനെ ചൊടിപ്പിച്ചു. തുടർന്ന് വെബ്സൈറ്റിൽ കയറി തിരഞ്ഞെടുപ്പ് കമ്മിഷന്റെ തിരുവനന്തപുരം ഓഫിസ് നമ്പർ എടുത്ത് പരാതി ഫോണിൽ വിളിച്ചു പറയുകയായിരുന്നു. തിരഞ്ഞെ‍ടുത്ത ബൂത്തുകളിൽ മാത്രമാണ് മധുരം നൽകുന്നത് എന്ന മറുപടി ലഭിച്ചെങ്കിലും തൃപ്തനായില്ല. വായന തുടരുക

ശബരിമല: ഭക്തലക്ഷങ്ങൾ കാത്തിരിക്കുന്ന വിഷുക്കണി ദർശനം 15ന് പുലർച്ചെ 4 മുതൽ 7 വരെ

ശബരിമല ∙ വിഷു പൂജകൾക്കായി ശബരിമല ക്ഷേത്രനട ഇന്ന് (10) വൈകിട്ട് 5ന് തുറക്കും. 18 വരെ പൂജകളും ദർശനത്തിനുള്ള സൗകര്യവും ഉണ്ട്. 18ന് രാത്രി 10ന് നട അടയ്ക്കും. ഇന്ന് (10) വൈകിട്ട് 5ന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി ഇ.ഡി.പ്രസാദ് നമ്പൂതിരിയാണ് നട തുറക്കുക. ഭക്തലക്ഷങ്ങൾ കാത്തിരിക്കുന്ന വിഷുക്കണി ദർശനം 15ന് പുലർച്ചെ 4 മുതൽ 7 വരെയാണ്. തീർഥാടകർക്ക് തന്ത്രിയും മേൽശാന്തിയും വിഷുക്കൈനീട്ടവും നൽ‍കും. വായന തുടരുക

കർണാടകയിലെ ചിക്കമഗളൂരുവിൽ മരിച്ച പാലക്കാട് സ്വദേശി ശ്രീനന്ദയുടെ മരണത്തിൽ ദുരൂഹത ആരോപിച്ച് കുടുംബം

ബെംഗളൂരു ∙ വിനോദസഞ്ചാരത്തിനിടെ കർണാടകയിലെ ചിക്കമഗളൂരുവിൽ കാണാതായ പാലക്കാട് സ്വദേശി ശ്രീനന്ദയുടെ മരണത്തിൽ ദുരൂഹത ആരോപിച്ച് കുടുംബം. ശ്രീനന്ദയെ കാണാതായ സമയത്തു തന്നെ മൃതദേഹം കണ്ടെത്തിയ സ്ഥലം പൊലീസടക്കം പരിശോധിച്ചിരുന്നുവെന്നു വല്യച്ഛൻ ശശിധരൻ പറഞ്ഞു. വായന തുടരുക

"പോളിങ്ങിന് ഉത്തേജകമരുന്നായത് എസ്ഐആർ മാത്രമല്ല; ‘അധിക ഡോസ്’ ആരെ തുണയ്ക്കും?"

തിരുവനന്തപുരം ∙ നിയമസഭാ തിരഞ്ഞെടുപ്പിൽ വോട്ടർമാരുടെ പോളിങ് ശതമാനത്തിലെ കുതിപ്പിനുള്ള ഉത്തേജകമരുന്നായത് സമഗ്ര വോട്ടർപ്പട്ടിക പരിഷ്കരണം (എസ്ഐആർ) വഴി ലക്ഷണക്കിനു വോട്ടർമാർ പുറത്തായതു മാത്രമല്ലെന്നു വ്യക്തം. എസ്ഐആറിലൂടെ വോട്ടർമാർ പുറത്തായതോടെ, ആകെയുള്ള വോട്ടർമാരിൽ ഭൂരിഭാഗം പേരും വോട്ടു ചെയ്യാനെത്തിയെന്നും അതു പോളിങ് ശതമാനം ഉയർത്തിയെന്നുമുള്ള വിലയിരുത്തലാണ് തിരഞ്ഞെടുപ്പ് കമ്മിഷനുള്ളത്. വോട്ടെടുപ്പു ദിനത്തിൽ കേരളത്തിലെ മുഖ്യ തിരഞ്ഞെടുപ്പ് ഓഫിസർ ഡോ. രത്തൻ യു.കേൽക്കർ നടത്തിയ പ്രതികരണവും എസ്ഐആർ നടപടികളിലെ ശുദ്ധീകരണം മൂലം പോളിങ് ശതമാനം ഉയർന്നെന്ന തരത്തിലായിരുന്നു. വായന തുടരുക

"പാലാ രൂപതാ മുൻ ബിഷപ് മാർ ജോസഫ് പള്ളിക്കാപ്പറമ്പിലിന് 100 വയസ്സ്; ദൈവകൃപയുടെ 100 സംവത്സരങ്ങൾ"

പാലാ ∙ പ്രായത്തിൽ നൂറും സംസാരത്തിൽ മുപ്പതും വയസ്സുമാണു പാലാ രൂപതയുടെ ദ്വിതീയ മെത്രാൻ മാർ ജോസഫ് പള്ളിക്കാപ്പറമ്പിലിന്. ഇന്ത്യയിൽ ജീവിച്ചിരിക്കുന്ന കത്തോലിക്കാ ബിഷപ്പുമാരിൽ ഏറ്റവും മുതിർന്നയാളായ മാർ പള്ളിക്കാപ്പറമ്പിൽ ഇപ്പോഴും ലൈവാണ്. വെറുതേ പറയുകയല്ല, ഒരു സാംപിൾ ഇതാ... വായന തുടരുക

കശുവണ്ടി ഇറക്കുമതി അഴിമതി: പ്രഥമദൃഷ്ട്യാ കേസുണ്ട്, പ്രിൻസിപ്പൽ സെക്രട്ടറി ഹാജരാകണമെന്ന് ഹൈക്കോടതി

കൊച്ചി∙ കശുവണ്ടി ഇറക്കുമതി അഴിമതിക്കേസിൽ പ്രോസിക്യൂഷൻ അനുമതി തേടി സിബിഐ നൽകിയ അപേക്ഷ മൂന്നാമതും തള്ളിയ സംസ്ഥാന സർക്കാരിന്റെ ഉത്തരവു ഹൈക്കോടതി റദ്ദാക്കി. വായന തുടരുക

വി.കുഞ്ഞികൃഷ്ണന്റെ അനുകൂലിയുടെ വീടിന് നേരെ ആക്രമണം; കാറിന് തീ വച്ചു

പയ്യന്നൂർ ∙ യുഡിഎഫ് സ്വതന്ത്ര സ്ഥാനാർഥി വി. കുഞ്ഞികൃഷ്ണന്റെ അനുകൂലിയുടെ വീടിന് നേരെ ആക്രമണം. ടി. പുരുഷോത്തമന്റെ വീടിന് നേരെയാണ് ഇന്ന് പുലർച്ചെ ആക്രമണമുണ്ടായത്. വീടിന് മുന്നിൽ നിർത്തിയിട്ടിരുന്ന കാറിന് തീ വച്ചു. വായന തുടരുക

കണ്ണൂരിന്റെ പേരുദോഷം മാറി; യുഡിഎഫ് ഏജന്റുമാർ ധൈര്യമായി ബൂത്തിലിരുന്നു​

കണ്ണൂർ ∙ കണ്ണൂരിന്റെ പേരുദോഷം മാറി. ജില്ലയിൽ ആന്തൂർ നഗരസഭയിലെ 5 ബൂത്തുകളിലൊഴികെ എല്ലായിടത്തും ഇത്തവണ യുഡിഎഫിന്റെ ഏജന്റുമാർ ഇരുന്നു. മാങ്ങാട്ടുപറമ്പ് കണ്ണൂർ ഗവ. എൻജിനീയറിങ് കോളജിൽ 143ാം നമ്പർ ബൂത്തിൽ യുഡിഎഫ് ബൂത്ത് ഏജന്റ് വിമലിന്റെ ശരീരത്തിൽ മഷി കുടഞ്ഞതായും ഭീഷണിപ്പെടുത്തി ഓടിച്ചതായുമുള്ള പരാതി മാത്രമാണ് ആന്തൂരിൽ ഇത്തവണ റിപ്പോർട്ട് ചെയ്യപ്പെട്ട അക്രമസംഭവം. ആന്തൂരിൽ സാധാരണ ഇരുപത്തഞ്ചിലേറെ ബൂത്തുകളിൽ യുഡിഎഫിന് ഏജന്റുമാരെ ഇരുത്താൻ കഴിയാറില്ല. ആന്തൂരിൽ അഞ്ചിടത്തൊഴികെ എല്ലായിടത്തും ബൂത്ത് ഏജന്റുമാർ ഇരുന്നതായി യുഡിഎഫ്തന്നെ അവകാശപ്പെടുന്നു. വായന തുടരുക

"നിയമം അയഞ്ഞില്ല, അക്ഷയയും: തുന്നലിട്ട വിരലുകൊണ്ടൊരു വോട്ട്; കാത്തിരുന്നത് നാലേമുക്കാൽ മണിക്കൂർ"

തൃശൂർ ∙ പതിനഞ്ചു തുന്നലിട്ട ഇടത്തേ ചൂണ്ടുവിരലിൽ പ്ലാസ്റ്ററുമായെത്തിയ യുവതിയെ നാലേമുക്കാൽ മണിക്കൂർ വോട്ട് ചെയ്യാൻ അനുവദിക്കാതെ പ്രിസൈഡിങ് ഓഫിസർ. കൂർക്കഞ്ചേരി ശ്രീബോധാനന്ദ സ്മാരക എൽപി സ്കൂളിലെ 205–ാം നമ്പർ ബൂത്തിൽ വോട്ട് ചെയ്യാനെത്തിയ കണ്ണംകുളങ്ങര പെരിങ്ങത്ര വീട്ടിൽ അക്ഷയ പി.സന്തോഷിനാണ് (27) ദുരനുഭവം നേരിടേണ്ടിവന്നത്. പ്ലാസ്റ്റർ ഊരി മ‍ുറിവു കാണിച്ചുകൊടുക്കാതെ വോട്ട് ചെയ്യാൻ അനുവദിക്കില്ലെന്നായിരുന്നു പ്രിസൈഡിങ് ഓഫിസറുടെ വാദം. റിട്ടേണിങ് ഓഫിസറും എഡിഎമ്മും സംഘർഷ സ്ഥലത്തെത്തി നിർദേശിച്ചിട്ടും വഴങ്ങാത്ത പ്രിസൈഡിങ് ഓഫിസർ, മുഖ്യ തിരഞ്ഞെടുപ്പ് ഓഫിസർ ഡോ.രത്തൻ ഖേൽക്കറിന്റെ രേഖാമൂലമുള്ള നിർദേശം വന്ന ശേഷം മാത്രമാണു വോട്ട് ചെയ്യാൻ അനുവദിച്ചത്. ‌പ്രിസൈഡിങ് ഓഫിസറുടെ നടപടിയിൽ ബാലാവകാശ കമ്മിഷൻ സ്വമേധയാ കേസെടുത്തു. ജില്ലാ കലക്ടറോട് വിശദീകരണം ചോദിച്ചു. വായന തുടരുക

ചൂരൽമല ദുരന്തം : വീടിനായുള്ള ശ്രുതിയുടെ അപേക്ഷ തള്ളി മന്ത്രിസഭ​

തിരുവനന്തപുരം ∙ വയനാട് ചൂരൽമല ഉരുൾപൊട്ടൽ ദുരന്തത്തിൽപെട്ട് മാതാപിതാക്കളെയും സഹോദരിയെയും വീടും നഷ്ടപ്പെട്ട ശ്രുതി സർക്കാർ ടൗൺഷിപ്പിൽ വീട് ആവശ്യപ്പെട്ടു നൽകിയ അപേക്ഷ മന്ത്രിസഭ തള്ളി. കോൺഗ്രസ് ശ്രുതിക്കു വീടു നൽകാതെ കബളിപ്പിച്ചെന്ന് സിപിഎം വയനാട് ജില്ലാ സെക്രട്ടറി കെ.റഫീഖും ശ്രുതിക്ക് ആദ്യം വീടുവച്ചു കൊടുത്ത ശേഷം കോൺഗ്രസ് അഞ്ചിന ഗാരന്റിയെക്കുറിച്ചു സംസാരിക്കട്ടെയെന്നു മുഖ്യമന്ത്രിയും കഴിഞ്ഞദിവസം രൂക്ഷമായി വിമർശിച്ചിരുന്നു. എന്നാൽ, ശ്രുതിയുടെ അപേക്ഷ പരിഗണിച്ച് അവർക്ക് വീടു നൽകാമെന്നു ചീഫ് സെക്രട്ടറി ശുപാർശ ചെയ്തിട്ടും നൽകേണ്ടെന്നാണു മുഖ്യമന്ത്രിയുടെ അധ്യക്ഷതയിൽ കഴിഞ്ഞമാസം 10നു ചേർന്ന മന്ത്രിസഭാ യോഗം തീരുമാനമെടുത്തത്. വായന തുടരുക

"മത്സരത്തിനിറങ്ങിയ അച്ഛൻ– മകൻ കോംബോ: പി.സി.ജോർജോ ഷോണോ; കൂടുതൽ സ്വാധീനം ആരുണ്ടാക്കും? അച്ഛനാരാ മോൻ !"

കോട്ടയം ∙ നിയമസഭാ തിരഞ്ഞെടുപ്പിൽ മത്സരത്തിനിറങ്ങിയ ഏക അച്ഛൻ– മകൻ കോംബോയാണു പൂഞ്ഞാറിലെ എൻഡിഎ സ്ഥാനാർഥി പി.സി.ജോർജും പാലായിലെ എൻഡിഎ സ്ഥാനാർഥി ഷോൺ ജോർജും. ഈ തിരഞ്ഞെടുപ്പു ഫലം രാഷ്ട്രീയ ഭാവിയെയും വളർച്ചയെയും സ്വാധീനിക്കുന്ന അച്ഛനും മകനും ഇവർ തന്നെ. വായന തുടരുക

"മസ്തിഷ്ക മരണം: യുവതിയുടെ വൃക്ക വന്ദേഭാരതിൽ കോഴിക്കോട് എത്തിച്ചു, ഹൃദയം 14കാരിക്ക്"

കോഴിക്കോട് ∙ മസ്തിഷ്‌ക മരണം സംഭവിച്ച് അവയവങ്ങൾ ദാനം ചെയ്ത തിരുവനന്തപുരം കിളിമാനൂർ കായാട്ടുകോണം വൃന്ദാവനം വീട്ടിൽ ജയി ജയകുമാറിന്റെ (35) ഒരു വൃക്ക വന്ദേഭാരത് എക്സ്പ്രസിൽ കോഴിക്കോട് എത്തിച്ചു. തിരുവനന്തപുരം സെൻട്രൽ സ്റ്റേഷനിൽ നിന്ന് വൈകിട്ട് 4.05ന് പുറപ്പെട്ട വന്ദേഭാരത് എക്സ്പ്രസിലാണ് രാത്രി പത്തു മണിയോടെ ഒരു വൃക്ക കോഴിക്കോട് എത്തിച്ചത്. കോഴിക്കോട് സർക്കാർ മെഡിക്കൽ കോളജിൽ ചികിത്സയിലുളള രോഗിക്കാണ് വൃക്ക നൽകുന്നത്. സംസ്ഥാന സർക്കാരിന്റെ കീഴിലുള്ള കെ-സോട്ടോയുടെ നേതൃത്വത്തിലാണ് അവയവ കൈമാറ്റ നടപടികൾ ഏകോപിപ്പിച്ചത്. വായന തുടരുക

"ചുട്ടുപഴുത്ത് കേരളം; മൂന്ന് ഡിഗ്രി അധിക താപനില, 12 ജില്ലകളിലുള്ളവർ പ്രത്യേക ജാഗ്രത പാലിക്കണം"

തിരുവനന്തപുരം: സംസ്ഥാനത്ത് താപനില ഉയരുന്നതിനാൽ ഇന്ന് 12 ജില്ലകളിൽ യെല്ലോ അലർട്ട് പ്രഖ്യാപിച്ചു. ഇടുക്കി, വയനാട് ഒഴികെയുള്ള ജില്ലകളിലാണ് മുന്നറിയിപ്പ്. പാലക്കാട് 39 ഡിഗ്രി വരെയും കൊല്ലം ജില്ലയിൽ 38 ഡിഗ്രി വരെയും താപനില രേഖപ്പെടുത്തി. സാധാരണയേക്കാൾ രണ്ട് മുതൽ മൂന്ന് ഡിഗ്രി അധിക താപനിലയാണ് നിലവിൽ രേഖപ്പെടുത്തുന്നത്. വായന തുടരുക

"ക്ഷേത്രത്തിലെ പ്രസാദസദ്യ കഴിച്ചവർക്ക് ഭക്ഷ്യവിഷബാധ; ഒരു മരണം, 350ൽ അധികം പേർ ചികിത്സ തേടി"

കണ്ണൂർ: ക്ഷേത്രോത്സവത്തിന്റെ ഭാഗമായി തയ്യാറാക്കിയ പ്രസാദസദ്യ കഴിച്ച ഒരാൾ മരിച്ചു. ഭക്ഷ്യവിഷബാധയെന്നാണ് നിഗമനം. കണ്ണൂർ മട്ടന്നൂരിലെ കാര പുതിയേടത്ത് മടപ്പുര ക്ഷേത്രത്തിലാണ് സംഭവം. കാര സ്വദേശി വിജയൻ (70) ആണ് മരിച്ചത്. 20 പേർ ചികിത്സയിൽ തുടരുകയാണ്. 350ൽ അധികം പേർ ഇതിനോടകം ചികിത്സ തേടി. വായന തുടരുക

"ബേപ്പൂരിൽ ജയിക്കുമെന്ന് നൂറ് ശതമാനം ഉറപ്പ്; ആഘോഷങ്ങൾക്കായി ഡിജെ ബുക്ക് ചെയ്‌തെന്ന് പിവി അൻവർ"

കോഴിക്കോട്: ബേപ്പൂർ മണ്ഡലത്തിൽ താൻ വിജയിക്കുമെന്ന് നൂറ് ശതമാനം ആത്മവിശ്വാസമുണ്ടെന്നും ആഘോഷങ്ങൾക്കുള്ള ഒരുക്കങ്ങൾ പ്രവർത്തകർ തുടങ്ങിയെന്നും യുഡിഎഫ് സ്ഥാനാർത്ഥി പിവി അൻവർ. മണ്ഡലത്തിൽ പോളിംഗ് ശതമാനം ഉയർന്നത് യുഡിഎഫിന് വലിയ രീതിയിൽ ഗുണം ചെയ്യുമെന്നും ഭരണവിരുദ്ധ വികാരവും മുഖ്യമന്ത്രി പിണറായി വിജയന്റെ സ്വജനപക്ഷപാതവും വോട്ടിംഗിൽ പ്രതിഫലിച്ചിട്ടുണ്ടെന്നും അദ്ദേഹം പറഞ്ഞു. ബേപ്പൂരിൽ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. വായന തുടരുക

റെക്കോർഡിട്ട് സ്ത്രീ വോട്ടർമാർ: വോട്ട് ചെയ്തത് 81.19 ശതമാനം, 2021നേക്കാൾ 7.25 ശതമാനം വർധന

തിരുവനന്തപുരം: കേരളത്തിൽ സ്ത്രീ വോട്ടർമാരുടെ പോളിങ് കണക്കിൽ റെക്കോർഡ്. സംസ്ഥാനത്ത് സ്ത്രീ വോട്ടർമാരുടെ ഏറ്റവും ഉയർന്ന പോളിങ് ശതമാനം ഈ വർഷം രേഖപ്പെടുത്തി. ആകെയുളള സ്ത്രീ വോട്ടർമാരിൽ 81.19 ശതമാനം പേർ വോട്ട് ചെയ്തു. പുരുഷ വോട്ടർമാരുടേത് 75.19 ശതമാനം മാത്രമാണ്. മുന്നണികളുടെ വാഗ്ദാനങ്ങളും ക്ഷേമപദ്ധതികളും മുതൽ രാഷ്ട്രീയ കാരണങ്ങളും സ്ത്രീകൾ കൂട്ടത്തോടെ ബൂത്തിലെത്താൻ ഇടയാക്കിയെന്നാണ് വിലയിരുത്തൽ. വായന തുടരുക

'ഇതെല്ലാം തെരഞ്ഞെടുപ്പിന് മുൻപ് എനിക്ക് പറയാമായിരുന്നു, പക്ഷേ...'; തുറന്നടിച്ച് പി വി ശ്രീനിജിൻ എംഎൽഎ; യുഡിഎഫ് സ്ഥാനാർത്ഥിക്ക് വിമർശനം

കൊച്ചി: കുന്നത്തുനാട് നിയമസഭാ മണ്ഡലത്തിലെ വോട്ടെടുപ്പ് പൂർത്തിയായതിന് പിന്നാലെ യുഡിഎഫ് സ്ഥാനാർത്ഥിക്കെതിരെ രൂക്ഷമായ ആരോപണങ്ങളുമായി എൽഡിഎഫ് എംഎൽഎ പി വി ശ്രീനിജിൻ. സ്ഥാനമാനങ്ങൾക്കായി എന്ത് നെറികേടും ചെയ്യുന്ന വ്യക്തിയാണ് യുഡിഎഫ് സ്ഥാനാർത്ഥിയെന്നും രാഷ്ട്രീയ കുതിരക്കച്ചവടത്തിലൂടെ പാർട്ടി പിളർത്താനാണ് അദ്ദേഹം ശ്രമിക്കുന്നതെന്നും ശ്രീനിജിൻ ആരോപിച്ചു. വായന തുടരുക

ഇന്നത്തെ പ്രത്യേകത

• Siblings Day 👨‍👩‍👧‍👦
  A day to celebrate the bond between brothers and sisters.
• World Homeopathy Day 💊👨‍👩‍👧‍👦
  Marks the birth anniversary of Samuel Hahnemann, the founder of homeopathy.

Voting

Voting is the process of making collective decisions by means of submitting and then adding up individual choices. The choice voted upon is often a candidate for office, but the object of a vote can be anything, for example what kind of food to buy or whether a defendant is innocent or guilty. Voting can be formal, using ballots and specific rules, or informal using raised hands, shouts (such as when the voice vote is used), or movement to indicate preference. വായന തുടരുക . ....

"'ഒരുപാട് സംസാരിച്ചാൽ തിരിച്ച് പറയാൻ കുറേയുണ്ട്, ജി സുധാകരനെ ചുമക്കുന്ന കെ സി വേണുഗോപാൽ ആലപ്പുഴ കടലിൽ ചാടി ചാകും'"

തിരുവനന്തപുരം: എൽഡിഎഫിൽ നിന്ന് തെറ്റി അമ്പലപ്പുഴയിൽ യുഡിഎഫ് സ്വതന്ത്ര സ്ഥാനാർത്ഥിയായി മത്സരിച്ച ജി സുധാകരന് താക്കീതുമായി മന്ത്രി സജി ചെറിയാൻ. കമ്മ്യൂണിസ്റ്റ് പാർട്ടിയെ ഇനിയും ആക്രമിച്ചാൽ സുധാകരന്റെ കാര്യങ്ങൾ ഓരോന്നായി വെളിപ്പെടുത്തുമെന്ന് സജി ചെറിയാൻ പറഞ്ഞു. വായന തുടരുക

"'ശ്രീനന്ദ കാലുതെറ്റി വീണതല്ല, ആ കടക്കാരനെ സംശയമുണ്ട്'; മരണത്തിൽ ദുരൂഹത ആരോപിച്ച് കുടുംബം"

ബംഗളൂരു: ശ്രീനന്ദയുടെ മരണത്തിൽ ദുരൂഹത ആരോപിച്ച് കുടുംബം. കുട്ടിയുടെ മരണം അപകടമല്ല. പ്രദേശത്തെ കടക്കാരനെ ചോദ്യം ചെയ്യണമെന്ന് ആവശ്യപ്പെട്ടെങ്കിലും അന്വേഷണസംഘം അത് ചെയ്‌തില്ലെന്നും ബന്ധുക്കൾ ആരോപിച്ചു. കുട്ടിയുടെ കയ്യിൽ ഫോൺ ഉണ്ടായിരുന്നില്ല. അതിനാൽ ഫോട്ടോ എടുക്കാനായിരുന്നില്ല അവിടേക്ക് പോയത് എന്ന കാര്യം വ്യക്തമാണ്. കഷ്‌ടിച്ച് അഞ്ച് മിനിട്ടിലാണ് കുട്ടിയെ കാണാതായതെന്നും അവർ പറഞ്ഞു. വായന തുടരുക

"മകന് പിന്നാലെ സഭയ്‌ക്കെതിരെ അതിരൂക്ഷ പരാമർശവുമായി പി സി ജോർജും; സഭാ പത്രം വായിക്കുന്നവർ വട്ടന്മാർ,​ മെത്രാന്മാർ കുരയ്‌ക്കുന്നത് യുഡിഎഫിന് വേണ്ടി"

പൂഞ്ഞാർ: കത്തോലിക്കാ സഭയ്‌ക്കെതിരെ രൂക്ഷമായ ഭാഷയിൽ പ്രതികരിച്ച് ബിജെപി നേതാവും പൂഞ്ഞാർ മണ്ഡലത്തിലെ എൻഡിഎ സ്ഥാനാർത്ഥിയുമായ പി സി ജോർജ്. താൻ സഭയ്‌ക്കെതിരല്ല ചില മെത്രാന്മാർക്കെതിരാണ്. മെത്രാന്മാരല്ല സഭയെന്ന് പി സി ജോർജ് പറഞ്ഞു. ചില മെത്രാന്മാർ കോൺഗ്രസിന് വേണ്ടി പ്രവർത്തിക്കുന്നു. ജന്മനാ‌തന്നെ ചില മെത്രന്മാർ കോൺഗ്രസായിരിക്കും. മെത്രാന്മാർ രാഷ്‌ട്രീയമായി പ്രവർത്തിക്കേണ്ടവരല്ല. അത്തരത്തിൽ പ്രവർത്തിക്കുന്നവരെ രാഷ്‌ട്രീയക്കാരായി കാണും, അവരോട് ബഹുമാനം കാണില്ല, എതിരിടാനാണ് തീരുമാനം.'- പി സി ജോർജ് വ്യക്തമാക്കി. വായന തുടരുക

"'കേരളത്തിന്റെ അപമാനം'; ചെറ്റത്തരവും ചന്ത വർത്തമാനവും പറയുന്നയാളാണ് മുഖ്യമന്ത്രിയെന്ന് മുഹമ്മദ് ഷിയാസ്"

കൊച്ചി: ചെറ്റത്തരവും ചന്ത വർത്തമാനവും പറയുന്നയാളാണ് കേരളത്തിന്റെ മുഖ്യമന്ത്രിയെന്ന് എറണാകുളം ഡിസിസി പ്രസിഡന്റും കൊച്ചിയിലെ യുഡിഎഫ് സ്ഥാനാർത്ഥിയുമായ മുഹമ്മദ് ഷിയാസ്. വി ഡി സതീശൻ മുഖ്യമന്ത്രിയാകുന്നതാണ് താൻ ആഗ്രഹിക്കുന്നതെന്നും ഷിയാസ് പരോക്ഷമായി പറഞ്ഞു. വായന തുടരുക

"'പിണറായിയോട് ഗുഡ്‌ബൈ പറയാൻ ജനങ്ങൾ കാത്തിരിക്കുകയാണ്, ബിജെപി ഇത്തവണ അക്കൗണ്ട് തുറക്കില്ല'"

ആലപ്പുഴ: അന്തസുള്ള തിരഞ്ഞെടുപ്പ് പ്രചാരണ രീതിയാണ് ഈ തിരഞ്ഞെടുപ്പിൽ കോൺഗ്രസ് സ്വീകരിച്ചതെന്ന് രമേശ് ചെന്നിത്തല. കോൺഗ്രസ് തിരഞ്ഞെടുപ്പ് പ്രചാരക സമിതി ചെയർമാൻ എന്ന നിലയിൽ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. രാഹുൽ ഗാന്ധിക്കും പ്രിയങ്ക ഗാന്ധിക്കും നന്ദി അറിയിച്ച അദ്ദേഹം കേരളത്തിൽ ബിജെപി അക്കൗണ്ട് തുറക്കില്ലെന്നും പറഞ്ഞു. വായന തുടരുക

"'യുഡിഎഫിന് ഭൂരിപക്ഷം ലഭിച്ചാൽ അഞ്ച് മിനിറ്റിൽ മുഖ്യമന്ത്രിയെ തീരുമാനിക്കും, അരമണിക്കൂർ പോലും മാദ്ധ്യമങ്ങൾക്ക് നൽകില്ല'"

കൊല്ലം: യുഡിഎഫിന് ഭൂരിപക്ഷം ലഭിച്ചുകഴിഞ്ഞാൽ അഞ്ചുമിനിറ്റിനുള്ളിൽ മുഖ്യമന്ത്രിയെ തീരുമാനിക്കുമെന്ന് കെപിസിസി വർക്കിംഗ് പ്രസിഡന്റ് പിസി വിഷ്‌ണുനാഥ്. അരമണിക്കൂർ ചർച്ചചെയ്യാനുള്ള അവസരം പോലും മാദ്ധ്യമങ്ങൾക്കുനൽകില്ലെന്നും അദ്ദേഹം പറഞ്ഞു. ഉയർന്ന പോളിംഗ് ശതമാനം രേഖപ്പെടുത്തിയത് എസ്ഐആർ കാരണമല്ലെന്നും ജനങ്ങൾ ഭരണമാറ്റം ആഗ്രഹിക്കുന്നതിന്റെ സൂചനയാണെന്നും അദ്ദേഹം പറഞ്ഞു. ഒരു സ്വകാര്യചാനലിനോട് സംസാരിക്കവെയായിരുന്നു അദ്ദേഹത്തിന്റെ പ്രതികരണം. വായന തുടരുക

"യു.ഡി.എഫിന് നൂറ് സീറ്റ്:കെ.സുധാകരൻ"

കണ്ണൂർ: സംസ്ഥാനത്ത് ഭരണതുടർച്ചയുണ്ടാകില്ലെന്നും നൂറു സീറ്റുമായി അധികാരത്തിലെത്തുമെന്നും മുൻ കെ.പി.സി.സി പ്രസിഡന്റ് കെ.സുധാകരൻ എം.പി. തിരഞ്ഞെടുപ്പ് രംഗത്ത് പ്രവർത്തകരും അനുഭാവികളും സജീവമായി പങ്കെടുത്തുവെന്നും തനിക്ക് ലഭിച്ച വിവരങ്ങൾ വലിയ പ്രതീക്ഷ നൽകുന്നതാണെന്നും സുധാകരൻ കിഴുന്ന സൗത്ത് യു.പി.സ്‌കൂളിൽ വോട്ടു ചെയ്ത ശേഷം മാദ്ധ്യമങ്ങളോട് പറഞ്ഞു. വായന തുടരുക

"ജെൻസി ബൂത്ത് കേമം,​ ഹൽവ കമ്മി"

തിരുവനന്തപുരം: സംസ്ഥാനത്തെ ജെൻസി ബൂത്തുകളിൽ ആകാംഷയോടെ വോട്ട് ചെയ്തശേഷം സെൽഫി എടുത്ത് മധുരം നുണഞ്ഞ് കന്നിവോട്ടർമാർ. 140 മണ്ഡലങ്ങളിലായി 140 ജെൻസി ബൂത്തുകളാണ് ഇലക്ഷൻ കമ്മിഷൻ ഒരുക്കിയിരുന്നത്. സാധാരണപോലെ എല്ലാ പ്രായത്തിലുമുള്ള വോട്ടർമാർക്കും ഇവിടെയും വോട്ടുചെയ്യാം. എന്നാൽ,​ കന്നി വോട്ടർമാർക്ക് സെൽഫി പോയിന്റുകളുൾപ്പെടയുള്ള കൗതുകങ്ങൾ ഒരുക്കിയിരുന്നു. വായന തുടരുക

"നൂറിലധികം സീറ്റിൽ സംശയമില്ല:സതീശൻ"

കൊച്ചി: നൂറിലേറെ സീറ്റുകളുമായി യു.ഡി.എഫ് അധികാരത്തിൽ തിരിച്ചെത്തുമെന്നതിൽ സംശയമില്ലെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു. രാഷ്ട്രീയ സാഹചര്യങ്ങൾ വിലയിരുത്തി ജനങ്ങൾ യു.ഡി.എഫിന് അനുകൂലമായി വോട്ട് ചെയ്തെന്ന് അദ്ദേഹം പറവൂരിൽ പറഞ്ഞു. വായന തുടരുക

"ബി.ജെ.പി നിർണായക ശക്തിയാവും: രാജീവ് ചന്ദ്രശേഖർ"

തിരുവനന്തപുരം: ഭരിക്കാനുള്ള ഭൂരിപക്ഷം സി.പി.എമ്മിനും കോൺഗ്രസിനും ലഭിക്കില്ലെന്നും ഈ തിരഞ്ഞെടുപ്പോടെ ബി.ജെ.പി സംസ്ഥാനത്ത് നിർണായക ശക്തിയായി മാറുമെന്നും സംസ്ഥാന പ്രസിഡന്റ് രാജീവ് ചന്ദ്രശേഖർ പറഞ്ഞു. വട്ടിയൂർക്കാവ് നിയോജക മണ്ഡലത്തിലെ ജവഹർനഗർ എൽ.പി സ്‌കൂളിൽ വോട്ട് രേഖപ്പെടുത്തിയശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. വായന തുടരുക

പാലക്കാട് വോട്ടിന് കോഴ; ശോഭാ സുരേന്ദ്രന്റെ മൊഴിയെടുത്ത് ആർ ഡി ഒ

വോട്ടിന് കോഴ ആരോപണത്തിൽ പാലക്കാട് എൻ ഡി എ സ്ഥാനാർഥി ശോഭാ സുരേന്ദ്രന്റെ മൊഴി രേഖപ്പെടുത്തി തിരഞ്ഞെടുപ്പ് കമ്മീഷൻ. പാലക്കാട് ആർ ഡി ഒയാണ് ശോഭാസുരേന്ദ്രന്റെ മൊഴി എടുത്തത്. ശോഭാ സുരേന്ദ്രന് ഒപ്പമെത്തി പണം നൽകിയ സിമി സജീവിന്റെ ചിത്രങ്ങൾ കോൺഗ്രസ്‌ പുറത്തുവിട്ടിരുന്നു. ശോഭ വോട്ട് ചോദിച്ച് മടങ്ങിയ ഉടനെയാണ് സിമി പണം നൽകിയത്. ഈ ദൃശ്യങ്ങളാണ് കോൺഗ്രസ്‌ പുറത്തുവിട്ടത്. വായന തുടരുക

‘പ്രായം 16 മാത്രം’ കുംഭമേള താരം പ്രായപൂര്‍ത്തിയായിട്ടില്ല; ഭർത്താവ് ഫർമാൻ ഖാന് എതിരെ പോക്സോ കേസ്

വൈറൽ കുംഭമേള താരത്തിന്റെ ഭർത്താവ് ഫർമാൻ ഖാന് എതിരെ പോക്സോ കേസ്. മധ്യപ്രദേശ് പൊലീസ് ആണ് കേസ് രജിസ്റ്റർ ചെയ്തത്. നാഷണൽ കമ്മീഷൻ ഫോർ ഷെഡ്യൂൾഡ് ട്രൈബ്സ് അന്വേഷണത്തിൽ പെൺകുട്ടിക്ക് പ്രായപൂർത്തി ആയില്ലെന്ന കണ്ടെത്തലിന് പിന്നാലെ ആണ് നടപടി. കേരളത്തിലെയും മധ്യപ്രദേശിലെയും ഡിജിപിമാർക്ക് ഡൽഹിയിൽ ഹാജരാകാൻ നിർദ്ദേശം. ഏപ്രിൽ 22ന് ഹാജരാകണം. വിവാഹത്തിന് വ്യാജ ജനന സർട്ടിഫിക്കറ്റ് നിർമിച്ചെന്നും കമ്മീഷൻ. വായന തുടരുക

‘വനിതകൾക്കും ഗൃഹനാഥന്മാർക്കും തൊഴിലില്ലാത്ത യുവാക്കൾക്കും പ്രതിമാസം 3000 രൂപ, പശുക്കടത്തിനെതിരെ കർശന നിയമം കൊണ്ടുവരും’; ബംഗാളിൽ ബിജെപിയുടെ 15 വാഗ്ദാനങ്ങൾ

പശ്ചിമ ബംഗാളിലെ നിയമസഭാ തിരഞ്ഞെടുപ്പിനോടനുബന്ധിച്ച് ബിജെപി പ്രകടന പത്രിക പുറത്തിറക്കി. കേന്ദ്രമന്ത്രി അമിത് ഷായാണ് പ്രകടന പത്രിക പുറത്തിറക്കിയത്. നുഴഞ്ഞുകയറ്റത്തിനെതിരെയുള്ള നടപടികൾ, തൃണമൂൽ കോൺഗ്രസിന്റെ അഴിമതി തുറന്നുകാട്ടുന്ന ധവളപത്രം, ഒരു കോടി പുതിയ തൊഴിലവസരങ്ങൾ എന്നിവ 15 വാഗ്ദാനങ്ങളിൽ ഉൾപ്പെടുന്നു. വായന തുടരുക

‘UDF അധികാരത്തിൽ വരും; പണമെറിഞ്ഞ് ജയിക്കാൻ കഴിയില്ലെന്ന് ബിജെപിയും സിപിഐഎമ്മും മനസിലാക്കും’; കെസി വേണുഗോപാൽ

യുഡിഎഫ് വൻഭൂരിപക്ഷത്തിൽ അധികാരത്തിൽ വരുമെന്ന് എഐസിസി ജനറൽ സെക്രട്ടറി കെസി വേണുഗോപാൽ. പണമെറിഞ്ഞ് ജയിക്കാൻ കഴിയില്ലെന്ന് ബിജെപിയും സിപിഐഎമ്മും മനസ്സിലാക്കും. ചിറ്റൂരിൽ എൻഡിഎ സ്ഥാനാർഥി എൽഡിഎഫ് സ്ഥാനാർഥിക്ക് വോട്ട് ചെയ്യാൻ അഭ്യർത്ഥിച്ചത് അവിശുദ്ധ കൂട്ടുകെട്ടിന്റെ തെളിവെന്നും കെസി വേണുഗോപാൽ പറഞ്ഞു. വായന തുടരുക

വിസ്മയങ്ങളും ഡീലും മുതൽ 'വോട്ടിന് നോട്ട്' വരെ; തിരഞ്ഞെടുപ്പ് കാലത്ത് കേരളം ചർച്ച ചെയ്ത വിവാദങ്ങൾ

കേരളം നിർണായകമായ ഒരു നിയമസഭ തിരഞ്ഞെടുപ്പിലേക്ക് നീങ്ങുകയാണ്. മാർച്ച് 15-നാണ് കേന്ദ്ര തിരഞ്ഞെടുപ്പ് കമ്മീഷൻ കേരളം ഉൾപ്പെടെ നാലു സംസ്ഥാനങ്ങളിലും പുതുച്ചേരിയിലും നിയമസഭ തിരഞ്ഞെടുപ്പ് പ്രഖ്യാപിച്ചത്. തിരഞ്ഞെടുപ്പ് പ്രഖ്യാപിച്ച് 25 ദിവസം മാത്രമാണ് മുന്നണികൾക്ക് പ്രചാരണത്തിനായി ലഭിച്ചത്. താരതമ്യേന ഏറ്റവും കുറഞ്ഞ സമയ പരിധിയാണ് രാഷ്ട്രീയ പാർട്ടികൾക്ക് സ്ഥാനാർത്ഥി നിർണയത്തിനും രാഷ്ട്രീയ നീക്കങ്ങൾക്കും പ്രചാരണത്തിനുമായി കിട്ടിയത്. വായന തുടരുക

'നവകേരളത്തിനായി നമുക്ക് ഒരുമിച്ച് മുന്നേറാം'; വോട്ടർമാർക്ക് നന്ദി അറിയിച്ച് മുഖ്യമന്ത്രി

സംസ്ഥാനത്തെ വോട്ടെടുപ്പ് സമയം അവസാനിച്ചതിന് പിന്നാലെ വോട്ടർമാർക്ക് നന്ദി പറഞ്ഞ് മുഖ്യമന്ത്രി പിണറായി വിജയൻ. വിലയേറിയ സമ്മതിദാനാവകാശം വിനിയോഗിച്ച് ഈ ജനാധിപത്യ പ്രക്രിയയിൽ പങ്കുചേർന്ന മുഴുവൻ വോട്ടർമാർക്കും ഹൃദയം നിറഞ്ഞ നന്ദിയും അഭിവാദ്യങ്ങളും അറിയിക്കുന്നുതായി അദ്ദേഹം പറഞ്ഞു. വായന തുടരുക

'പിണറായിക്ക് യാത്രയയപ്പ് നൽകാൻ കേരളം തയ്യാറെടുത്ത് കഴിഞ്ഞു'; യു.ഡി.എഫ് ഉജ്ജ്വല വിജയം നേടുമെന്ന് ചെന്നിത്തല

നിയമസഭ തിരഞ്ഞെടുപ്പിൽ യു.ഡി.എഫ് ഉജ്ജ്വല വിജയം നേടുമെന്ന് മുൻ പ്രതിപക്ഷ നേതാവ് രമേശ് ചെന്നിത്തല. യുഡിഎഫ് ഒറ്റക്കെട്ടായും പോസിറ്റീവായുമാണ് തിരഞ്ഞെടുപ്പിനെ നേരിട്ടതെന്നും ഫലം വരുമ്പോൾ നിർണ്ണായക വിജയം നേടുമെന്ന് ഉറപ്പുണ്ടെന്നും അദ്ദേഹം പറഞ്ഞു. ആലപ്പുഴയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. വായന തുടരുക

ഇത് മൂന്നു മുന്നണികൾ മത്സരിക്കുന്ന അവസാനത്തെ തിരഞ്ഞെടുപ്പെന്ന് രാജീവ് ചന്ദ്രശേഖർ

നിയമസഭ തിരഞ്ഞെടുപ്പ് അവസാനിച്ചതിന് പിന്നാലെ നിർണായക രാഷ്ട്രീയ പ്രസ്താവനയുമായി ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. കേരളത്തിൽ മൂന്നു രാഷ്ട്രീയ മുന്നണികൾ തമ്മിൽ മത്സരിക്കുന്ന അവസാന തിരഞ്ഞെടുപ്പായിരിക്കും ഇതെന്ന് അദ്ദേഹം പറഞ്ഞു. തിരുവനന്തപുരത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. വായന തുടരുക

'ശ്രീനന്ദ കാലുതെറ്റി വീണതല്ല, ഡോ​ഗ് സ്ക്വാഡ് കയറിച്ചെന്ന കടയിലെ ആളെ സംശയമുണ്ട്'; ദുരൂഹത സംശയിച്ച് കുടുംബം

ചിക്കമഗളൂരു/ ഒറ്റപ്പാലം: ചിക്കമഗളൂരുവിൽ മരിച്ച വിനോദസഞ്ചാരത്തിനിടെ ദുരൂഹ സാഹചര്യത്തില്‍ മരിച്ച പതിനഞ്ചുകാരി ശ്രീനന്ദയുടേത് അപകട മരണം അല്ലെന്ന് കുടുംബം. ശ്രീനന്ദയുടെ മരണത്തില്‍ ദുരൂഹത സംശയിക്കുകയാണ് കുടുംബം. കുട്ടി ഒറ്റയ്ക്ക് മലമുകളിലേക്ക് എങ്ങനെ പോകുമെന്നും മരിച്ച ശ്രീനന്ദയുടെ ബന്ധുക്കൾ ചോദിക്കുന്നു. കാണാതായ ദിവസം തന്നെ കൃത്യമായ തെരച്ചിൽ നടത്തിയിരുന്നെങ്കിൽ ശ്രീനന്ദയെ രക്ഷിക്കാമായിരുന്നുവെന്നും ബന്ധു ആരോപിക്കുന്നു. ഡോ​ഗ് സ്ക്വാഡ് കയറിച്ചെന്ന കടയിലെ ആളെ സംശയമുണ്ട്. കടക്കാരനെ പൊലീസ് ചോദ്യം ചെയ്തില്ലെന്നും കുടുംബം കുറ്റപ്പെടുത്തുന്നു. വായന തുടരുക

മെയ്‌ നാലിന് ആര് കടലിൽ ചാടും എന്നറിയാം, സജിയും പിണറായിയും നീന്തൽ പരിശീലനം നടത്തണം; പരാജയം ഉറപ്പിച്ചതിന്റെ സൂചനയാണ് സജിയുടെ പ്രതികരണമെന്ന് എം ലിജു

കൊല്ലം: സജി ചെറിയന്റെ പ്രസ്താവനകൾക്ക് മറുപടിയുമായി കായംകുളം യുഡിഎഫ് സ്ഥാനാർഥി എം ലിജു. മെയ്‌ നാലിന് ആര് കടലിൽ ചാടും എന്നറിയാം. സജിയും പിണറായിയും നീന്തൽ പരിശീലനം നടത്തുന്നത് നന്നാകും. ഇരുവരും ലൈഫ് ജാക്കറ്റ് എങ്കിലും ഉപയോഗിക്കണമെന്നും എം ലിജു പറഞ്ഞു. അദ്ദേഹം ജി സുധാകരനെ ആക്രമിക്കുന്നു. അമ്പലപ്പുഴയിലും ചെങ്ങന്നൂരിലും പരാജയം ഉറപ്പിച്ചതിന്റെ സൂചനയാണ് സജിയുടെ പ്രതികരണം. കെ സി വേണുഗോപാലിനെ വ്യക്തിപരമായി ആക്രമിക്കുന്നു. കെ സി വേണുഗോപാൽ അദ്ദേഹത്തിന്റെ രാഷ്ട്രീയ ദൗത്യം ആണ് ചെയ്തത്. സിപിഎം അപമാനിച്ച സുധാകരനെ സംരക്ഷിച്ചത് ആണ് കെ സി വേണുഗോപാലും യുഡിഎഫും ചെയ്തത്. വായന തുടരുക

പ്രദേശിക വാര്‍ത്തകള്‍

ആലപ്പാട്ടച്ചന് ഇന്ന് നാട് വിടചൊല്ലും...
ബിജെപി ഓഫീസിൽ കയറി പ്രവർത്തകനെ കുത്തി; ഒരാൾ അറസ്റ്റിൽ...
ഒരേ ബൂത്തിൽ സൗഹൃദം പങ്കിട്ട് വോട്ട് ചെയ്ത് പുതുക്കാട് മണ്ഡലത്തിലെ എൽഡിഎഫ്, എൻഡിഎ സ്ഥാനാർത്ഥികൾ...
പകല്‍ ഇതുവരെ സംഭവിച്ച പ്രധാന വാര്‍ത്തകള്‍ കോര്‍ത്തിണക്കിയ ന്യൂസ് ബുള്ളറ്റിന്‍
ടോള്‍ ബൂത്തില്‍ ഇനി കാശിന്റെ കളിയില്ല... സൗജന്യ യാത്രയും
മുഖ്യന്തി എന്നോടൊപ്പം The official system for the public to submit complaints and suggestions is available 24/7. We guarantee a response within 48 hours. പൊതുജനങ്ങളുടെ പരാതികളും നിർദ്ദേശങ്ങളും അറിയിക്കാനുള്ള ഔദ്യോഗിക സംവിധാനം 24 മണിക്കൂറും സജ്ജമാണ്. 48 മണിക്കൂറിനുള്ളിൽ മറുപടി ഉറപ്പ്. Contact Details | ബന്ധപ്പെടേണ്ട വിവരങ്ങൾ: Toll-Free / WhatsApp Message: 18004256789 WhatsApp Call: whatsappcall.cmwithme.in (Free from all countries | എല്ലാ രാജ്യത്തുനിന്നും സൗജന്യം) Do you have any matters to bring to the Chief Minister's attention? മുഖ്യമന്ത്രിയുടെ ശ്രദ്ധയിൽപ്പെടുത്തുവാൻ നിങ്ങൾക്ക് എന്തെങ്കിലും വിഷയങ്ങൾ ഉണ്ടോ? click me
ഇ-മെയില്‍