(雲，J，恩坐在地上，三人也沉默著，心事重重。恩倚著J，J沮喪的看著手中的獎座。雲則有點尷尬，又有點不安地玩著手中的毛公仔。終於雲還是忍不住靜默而說話。)

雲：

嗯... 你地要唔要飲D野呀？ (J和恩依然沉默) 你地唔好咁啦… 無端端黎左我屋企，然後一坐就坐左成個鐘… 究竟發生咩事呀？

J： 

(忽然放下手中的獎座) 有冇啤酒呀？

雲：

啤… 啤酒？ 但係我地未夠19歲，唔飲得酒－

J：

(有點脾氣) 咁你而家屋企有冇啤酒丫？ (雲怯懦的點了點頭) 咁你快D羅黎啦。

(雲見J生氣，有點害怕又有點不情願的去拿。J見雲走後，又拿起獎座繼續心事重重的端詳著。)

恩：

(本來一直倚著J，這時緩緩的抬起頭，輕輕地嘆了口氣) 唉… Jade呀，你說我應該怎麼辦，我會兩個也一同失去嗎？ (見J不理自己，便不再說話，抱著雙膝坐，喃喃自語) 我該怎麼辦呢…

(雲拿著啤酒回來，一支給J，一支給恩。看見J緩緩的喝著悶酒，恩又看著啤酒發呆，雲拿著啤酒，想喝又不敢喝。但結果他還是狠狠的喝了一口，誰料因為他是第一次喝酒的關係，一時不習慣那樣的味道，所以給嗆著了。)

雲：

咳… 咳… (J和恩依舊沒什麼反應) 喂，你地兩個做咩者？ 坐左係度成個鐘都唔出聲。而家好夜喇，不如你地返屋企先啦，再唔返既話屋企人會擔心架。

J：

返屋企？ (冷笑) 哈哈，我唔會再返去架喇。

(恩長長的嘆了口氣)

雲：

你地兩個究竟發生左D咩事者？ (見J不停地喝) Jade呀，你唔好飲咁多喇，因間醉左點算呀？

(J不理他，自顧自喝)

恩：

醉？ 醉了最好，一醉解千愁。看來我也應該喝一點呢。 (拿起啤酒喝)

雲：

(看著二人喝酒，不禁悲從中來) 哎呀，你地唔好咁啦。又唔肯話我知發生左D咩事，又要係我屋企飲悶酒… 你地咁，搞到我都唔開心喇，唉… 真係… (舉起樽再喝)

J：

(停止喝酒，平靜的看著雲) 你唔開心？ 有D咩會令到我地呢個高才生唔開心呀？ 講黎聽下。

雲：

(有點猶疑) 唔好啦，講起都傷心呀… (再喝) 其實啤酒真係好難飲羅，點解D人重咁鍾意飲既… (再喝) D人話一醉解千愁，都講大話既。我而家愈飲愈傷心，真係酒入愁腸愁更愁呀… (深呼吸，想哭)

恩：

你到底怎麼啦？ 不要哭，告訴我們，到底發生了什麼事？

雲：

其實都唔係D咩大不了既事。只不過… 佢地真係令到我好唔開心呀… 佢地… 佢地點解要咁對我喎… (哭的邊緣)

J：

咁你都要話我地知發生左D咩，我地先至知道要點幫你家嘛。

雲：

我真係可以同你地講？ (恩與J點頭) 你地應承我唔會同人講？ (恩與J點頭，雲深呼吸，像快要公開天大的秘密一樣) 係禮拜四個日，當我係Cafeteria 度溫緊書既時候…

(Light Off)