(奧雲正在讀書,傑走過來坐在奧雲對面,奧雲放下書看著他。) |
|
傑: |
奧雲,你知唔知呀,我一見到你就想暈喇... |
雲: |
(興奮地) o really? 點解呀?因為我太靚仔?哎呀唔得架,我地冇可能架,(害羞) 我... 我鍾意女仔架... |
傑: |
哈哈~ 唔好講笑啦,你咁gay,我係一見到你就嚇到暈者... 不過你唔講我又真係唔知喎,乜原來你鍾意女仔架? |
雲: |
你~!(用書遮著自己,繼續讀書) |
傑: |
嘩你真係,嬲都嬲得咁也母既... 喂,你唔係咁就嬲呀,你唔好咁小氣啦。唉... 係呀係呀,我係妒忌你靚仔呀,得咪呀? |
雲: |
(含羞答答地) 真既? 你真係唔係笑我? |
傑: |
我唔係笑你, 你咁靚仔,不過靚仔到有D女性化0者... 哎呀我唔笑你喇,唔好嬲唔好嬲。係呢,你陣間得唔得閒呀? 我一陣間有埸比賽,但係又少左個人 - |
雲: |
你想叫我去同你地一齊打波? 好呀好呀~ 但係你地上次唔係笑我打波咋,D姿勢成個女仔咁架咩? 不過唔緊要啦,其實我都好鍾意打波架。咁我洗唔洗換衫? |
傑: |
ar...其實我剩係想叫你去幫我地看野架咋,我地打波個度已經夠哂人喇。而且今次呢場波好重要,有你係度我真係冇乜信心lor... 喂,你唔介意我咁坦白架哦? |
雲: |
(強忍悲傷) 唔介意… 咁我都知自己打波冇乜天分既... |
傑: |
喂,唔好咁啦。如果你真係鍾意打波,我唔介意你下次join我地架。你放心,實有機會既。 Anyways 啦,講返今日先,咁你而家得唔得閒丫? |
雲: |
而家? Umm... 其實都得既... 不過我頭先掛住溫書未食lunch,不如咁啦,我去買左lunch先黎搵你地丫? |
傑: |
但係我地場波就黎開始喇喎。 唉,後生仔,食少一餐半餐冇所謂既。最多陣間打完波,我請你飲支汽水喇。 |
雲: |
唔得架,我個胃唔好,冇食野既話會胃痛架... 我好快就買完架喇,我買完即刻過去搵你地丫。 |
傑: |
咁呀... 事但啦。但係你要快D喎。我地俾人偷左野既話入哂你數架。 |
雲: |
得架喇,我會盡快架喇。 |
(傑走,奧雲收拾書包,起身正想離開,一進來拉著奧雲) |
|
一: |
(拉著雲走) 小雲,你幫我買lunch丫,我冇帶銀包呀。唔...今日食咩好呢? 薯條? 通粉? Egg roll? Pizza? 因間睇下邊樣新鮮先~ |
雲: |
(試圖擺脫她) 下? 你又冇帶lunch? 呢個禮拜好似第四次喇喎... 我要等到下個星期先出糧,我就黎冇哂錢喇... |
一: |
(停下,有點生氣) 一個星期有五日,我都係叫你幫我四次者,你係咪咁孤寒呀。上個再上個禮拜,你日日幫阿B 買lunch都係咁啦,又唔見你say no? 哦... 我知喇,你鍾意人... 駛唔駛我幫你表白呀? |
雲: |
喂~ 你唔好亂講呀,我同阿B係好姊妹 - 唔係,係好兄妹,我先幫佢ja ma。而且我上個再上個禮拜岩岩出糧,咁咪多D錢lor... 我而家個銀包真係冇錢喇... 況且你次次叫親我買lunch都 - |
一: |
我唔理呀,總之你唔幫我買我就同阿B講。你快D羅個銀包黎,俾我睇下你有幾多錢。(雲不願) 你羅唔羅黎呀? 快D羅呀。(打雲) 哦,唔通裏面有你同阿B既親密合照?你再唔俾我,我就話哂俾全世界知。 |
雲: |
呀... 我怕左你喇,俾個銀包你喇。你唔好乜都亂咁講先得架,你咁既話我D friend會俾你嚇走哂架。 |
一: |
哎呀,你駛乜咁緊張者,我話你鍾意女仔ja ma,又唔係話你鍾意男仔。我已經對你好好架喇。(打開銀包) 嘩,你重有成三十蚊,咁都話冇錢? |
雲: |
個D係我全副身家黎架喇... 而且我自己都未食lunch,我都要去買野食... |
一: |
放心啦,三十蚊夠哂我地食架喇,你又唔係好大食。咦,唔係喎,Dora都好似話要幫佢買喎... (嬌嗲地) 小雲,你知我同Dora係好姊妹,我冇理由托佢手爭架,你會幫佢買架哦? |
雲: |
ar... 冇所謂啦... (小聲地) 你地兩個次次都係咁架啦... |
一: |
你等陣,等我打電話問佢要D咩先。(羅電話出黎,對雲) 喂,你遮住我先啦。(拉雲擋著) 喂,Dora,係我呀,你頭先話要我買D咩話?哦,哦,你等陣。(對奧雲) 小雲,你記住喇。(對電話) Dora你講啦。一個中薯條,兩盒朱古力奶,一塊pizza,兩支coke,就係咁多?等陣... (對奧雲) 小雲,你記唔記得? |
雲: |
一個中薯條,兩盒朱古力奶,一塊pizza,兩支coke。 |
一: |
小雲真係叻仔。(對電話) 咁好啦,我地買完黎搵你丫。Bye~ (收電話) 小雲,我要一個細薯條同一支水,記住呀。 |
雲: |
我唔知夠唔夠錢架喎... 而且我都要買lunch... 因間我重要去搵阿傑,如果我同你去埋搵Dora,又唔知要幾耐架喇... |
一: |
放心啦,夠錢架喇。如果唔夠,最多我蝕底D同你share喇。 至於阿甲個度,如果佢話你既話我幫你話番佢lor。哎呀快D去買啦,我好肚餓呀。 |
(一拉雲走) |
|
(Light Off) |
Scene 2
一: |
嘩,好飽呀,多謝你呀小雲,你真係好人~ 咦... 你頭先有冇食到呀? 我話左同你share 架嘛,你做乜唔食呀? |
雲: |
咁... 我見你都冇問我,我咪唔好意思食lor...況且你食得咁急,好似好肚餓咁,我都費事同你爭啦... 不過你做乜堅持要係呢度食者?要我地特登走去搵完Dora又返番黎呢到。點解唔去gym度食者?而家我已經遲左三十分鐘,阿傑場波都就黎打完喇,我實俾佢鬧死... |
一: |
哎呀,你唔知gym唔食得野架咩? 你都唔想俾人趕返出黎架,好瘀ga ma~ 況且我不嬲都唔係好鍾意阿傑既,睇住佢我真係食唔落。喂... 你唔好咁擔心啦,最多咪唔去,你駛乜咁驚佢者。 |
雲: |
我唔係驚阿傑,不過我應承左佢,如果我唔去咪好衰?但係我而家先去... 去到都係俾人鬧架咋喎... 唉... |
一: |
咁不如你唔好去啦。其實呢,我有D功課想問你架。你知啦,你math咁勁。上次個test 成半班炒左,你都重可以羅個90幾分,你真係確實有D變態lor。我個次真係有D嬲你架。唉,不過算啦,過左去既野我都唔同你計較。你快D借你尋日份功課俾我啦,我完全唔識做呀。 |
雲: |
下,咁咪即係抄? 唔得架,咁樣對你冇幫助架。你一味靠抄既話,你下次個test都會照樣唔合格架。 |
一: |
喂,你而家係咪係度寸我呀,你再咁講既話我同你絕交架。而且我都唔係抄你,我只不過係羅黎參考下者,我真係唔識個陣就會問你架喇。哎呀,總之你快D羅你份功課俾我啦。 |
雲: |
呀... 好啦好啦... 不過,你可唔可以係gym度抄呀?因為我應承左阿傑,我真係唔可以放佢飛機架... |
一: |
冇所謂,我咪就下你lor~ 雖然gym個度又嘈,坐得又唔舒服,重要見到個個衰人添。但係為左小雲你,我屈就下都冇所謂既。 |
(雲苦笑,兩人下台) |
|
(Light off) |
Scene 3
(雲偷偷進場,希望不被發現遲到;而一則拉著雲,大聲跟他說話。Gym已空無一人,傑在自己的物品旁喝水。) |
|
一: |
喂呀,你咁鬼鬼祟祟做乜者?你咁好心黎幫佢看野,而家只不過係遲左少少ja ma,如果佢咁都要話你,呢D人幫唔幫都罷啦。哎呀,唔該你行路行得大方D好唔好?你咁樣搞到我地成個賊咁。 |
雲: |
shh... 你可唔可以細聲少少呀?咁我遲到係我唔岩,俾阿傑話係應該既... 但係如果佢真係有D咩俾人偷左,佢一定會好唔開心架。 |
一: |
佢黎得打波就應該知道唔好帶D貴重野啦。況且佢有D咩俾人偷者? 佢個袋裏面睇怕都係D又臭又污糟既波衫波褲啦。 |
傑: |
(看到雲和一,大叫) 喂!奧雲!你有冇搞錯呀? 又話買完lunch即刻黎,而家幾點呀? 我波都打完啦。你咁遲黎,我重駛乜叫你看野者。 我真係睇錯左你,估唔到你係D咁唔受信用既人黎架。你咁樣,我第時點放心俾你入我個team打波呀? |
雲: |
對唔住呀... 我本來係諗住買完lunch即刻黎架,但係- |
傑: |
得喇,你唔駛解釋喇,就當我睇錯左你。你放心啦,我以後都唔會再叫你看野。我諗,我個team都唔會歡迎你。 |
雲: |
對唔住呀... |
一: |
喂,你有冇搞錯呀? 小雲一心一意黎幫你看野,而家係遲左少少者,你就講到好似冇friend做咁,你個人過唔過分D呀? |
傑: |
乜又係你呀?我同奧雲既事又關你事? 哦,原來係你拉住奧雲既,你梗係又要奧雲買野俾你食啦。 奧雲,你都得架喇,而家重色輕友,俾D女仔圍住就唔記得我呢個friend。 |
雲: |
唔係架,你聽我講- |
一: |
阿Mr. Kit,你唔好講到我好似霸住小雲咁喎。咁我同小雲係好姊妹,佢梗係會幫我啦。況且,我點都好過你丫,成日要小雲幫你睇野,明知小雲想同你地一齊打波,但係又唔受佢玩喎。你呢D人呀,剩係識得成日係度搵小雲著數。 |
傑: |
哦,而家你又好好咩? 一個禮拜起碼有三日要奧雲幫你買lunch,你以為佢真係好有錢呀? 睇你今日梗係又係咁啦,用哂人地D錢,然後人地一條薯條都冇得食,你臉皮都好厚喎。 |
一: |
你...!小雲!佢點知我咁多野架?係咪你話俾佢知架?原來你係咁既... 我憎死你,我憎死你呀! 我要同你絕交! 你以後都唔好黎搵我呀! |
(一離開) |
|
雲: |
!(想追一,但又不敢) |
傑: |
呢D咁既friend,多一個唔多,少一個唔少,咪由得佢走lor。佢遲D要你幫手個陣又會搵番你架啦。(收拾) 咦? 我個電話呢? 喂,唔好玩啦,去左邊呀?(拼命找) |
雲: |
阿傑,做咩呀?你唔見左野?你唔見左D咩呀?我幫你搵丫。 |
傑: |
我唔見左新出個電話呀。我上個禮拜先買架哂... 我明明有帶黎架... 喂,出黎啦,去左邊呀? |
雲: |
部電話點架? |
傑: |
Sony Ericsson S700i呀,超大個screen,成部數碼相機咁個部呢。我儲左成三個月先夠錢買個部電話架。就咁就冇左? 唔好講笑啦。 |
雲: |
你肯定你有帶部電話黎? 會唔會係擺左係locker呀? 或者借左俾人- |
傑: |
部電話咁珍貴,我先唔會借俾人呀!我肯定我有帶部電話黎既,如果唔係我都唔會搵你黎幫我看野啦。(Think) 死啦,唔係真係俾人偷左呀嘛... |
雲: |
你唔好咁擔心先啦,不如搵清楚你個locker同書包,如果真係冇先再去office報失啦。 |
傑: |
死喇... 一定係俾人偷左... 點會咁架... 我明明上個禮拜先買架哂。(對雲) 一日都係你,我明明叫左你黎幫我看野ga ma!但係你又走左去同D女仔買野。都係因為你冇黎到所以我先會唔見部電話架! |
雲: |
你冷靜D先啦,我冇黎到係我唔岩,但係- |
傑: |
你唔好狡辯喇。我話你知呀,如果我真係搵唔番部電話既話,你以後都唔駛旨意我會俾你入我個team打波呀。 |
(傑憤然離開,剩下雲無奈地坐下) |
|
(Light off) |
天枰貓身世 有感而發 天枰貓貓樣 貓貓狂想曲