Coiro galego / Etnografía / Xocas

Polo mes de agosto escomezan as mallas.
O que tén eira propia pode faguel-a malla nela, mailo corrente é que se faga na eira de todos, entrando en rolda cos demáis veciños e agardando que lle chegue a vez.

Pra esta operación úsanse os mallos. Están formados por dous paus, un longo, a mangueira, e outro curto, o pírtigo, articulados antre sí por medio de dúas pezas de coiro, as casulas, chamada cidoiro a do pírtigo e carrachola a da mangueira, cosidas con entrecartos tamén de coiro crú: antre as casulas métese o atadillo de coiro pra unil-as dúas pezas. Outras veces as casulas son de ferro e van cravadas. Finalmente, hai mallos que levan un burato na mangueira e outro no pírtigo pra pasal-as correas.

Pra mallar, cóllese o mallo pola mangueira coas dúas mans e bátese sobor do centeo co pírtigo.