heart attack

- Faiz Ahmed 'Faiz'

dard itna tha ke us raat dil-e-vehshee ne
har rag-e-jaan se ulajhna chaaha,
har bun-e-moo se tapakna chaaha
aur kaheen door tere sehan men goyaa
saare dukhte hue reshon ki tanaaben khul kar
silsilavaar pataa dene lageen
rukhsat-e-qaafla-e-shauq ki tayyaari ka
aur jab yaad ki bujhtee hui shama'on men nazar aaya kaheen
ek pal aakhri lamhaa teri dildaari ka
dard itna tha ke us se bhi guzarna chaaha
ham ne chaaha bhi, magar dil na theherna chaaha