na kar aaj lutf itnaa ke kal guzar na sakey
vo raat jo terey gesuon ki raat naheen
ye aarzoo bhi baree cheez hai magar hamdam
visaal-e-yaar faqat aarzoo ki baat naheen

dil naummeed to naheen naakaam hi to hai
lambee hai gham ki shaam magar shaam hi to hai
dasht-e-falak men gardish-e-taqdeer to naheen
dasht-e-falak men gardish-e-ayyaam hi to hai

tashna afkaar jo taskeen naheen paate hain
sokhta ashk jo aankhon men naheen aate hain
ik karaa dard jo geet men dhaltaa hi naheen
dil ke taareek shagaafon se nikaltaa hi naheen
aur ik uljhee hui mauhoom see darmaan ki talaash
dasht-o-zindaan ki havas, chaak-e-girebaan ki talaash!