lahoo ka suraagh

- Faiz Ahmed 'Faiz'

kaheen naheen hai kaheen bhi naheen lahoo ka suraagh
na dast-o-naakhun-e-qaatil, na aasteen pe nishaan
na surkhee-e-lab-e-khanjar na rang-e-nok-e-sinaan
na khaak par koi dhabba na baam par koi daagh
kaheen naheen hai kaheen bhi naheen lahoo ka suraagh
na sarf-e-khidmat-e-shaahaan ke khoonbahaa dete
na deen ki nazar ke be'aana-e-jazaa dete
na razmgaah men barsaa ke mo'tabar hotaa
kisee 'alam pe raqam ho ke mushtahir hota
pukaarta rahaa, be aasra, yateem lahoo
kisee ko bahr-e-samaa'at na waqt thaa na damaagh
na mudda'ee, na shahaadat, hisaab paak hua
ye khoon-e-khaak nasheenaan tha, rizq-e-khaak hua