News
On Islam
Thoughts
Poetry
Ash'aar
Links
|
khatm hui baarish-e-sang
- Faiz Ahmed 'Faiz'
naagahaan aaj merey taar-e-nazar se kat kar
tukrey-tukrey huey aafaaq pe khursheed-o-qamar
ab kisee samt andheraa na ujaalaa hogaa
bujh gayee dil ki tarah raah-e-wafaa mere baad
dosto! qaafla-e-dard ka ab kyaa hogaa
ab koi aur karey parwarish-e-gulshan-e-gham
dosto khatm hui deeda-e-tar ki shabnam
tham gayaa shor-e-junoon khatm hui baarish-e-sang
khaak-e-rah aaj liye hai lab-e-dildaar ka rang
koo-e-jaanaan men khulaa mere lahoo ka parcham
dekhiye detey hain kis-kis ko sadaa merey baad
kaun hota hai hareef-e-mai mard afgan-e-ishq
hai mukarrar lab-e-saaqee pe jilaa merey baad
Other Gems by Faiz Ahmed 'Faiz':
|