A
SÚA VIDA
Autor: José
Luis Vila Fariña
17 de abril de 1788.
Nace Domingo Fontán no lugar de Portadeconde (Santa María
de Portas). Fillo de Rosendo Fontán e de Sebastiana Rodríguez.
19 de abril de 1788. É bautizado na igrexa de Santa
María de Portas.
1794. Fontán comeza a estudiar na parroquia de Baliñas.
Anos máis tarde sería en Búa (Barro) onde estudiaría
Latín.
4 de abril de 1800. Sebastián Rodriguez Blanco, tío
de Fontán, inicia o seu ministerio sacerdotal en Noia. Neste
año, cumpridos os 12 anos, inicia Fontán os estudios
de Filosofía na Universidade de Santiago.
21 de maio de 1802. Fontán faise Bacharel en Filosofía
na Universidade de Santiago.
De 1802 a 1803 estudia terceiro de Filosofía co Dr.
Manuel Gallego Moreira, natural de Pontedeume. Cursa Bacharelato en
Leis e Cánones. Neste ano, pola Paz de Amiens, España
recupera dos ingleses a Illa de Trinidade.
De 1803 a 1804 estudia Teoloxía co benedictino Frei
Teodosio Mosquera, natural de Chaioso (Maceda-Ourense).
De 1804 a 1808 estudia as tres partes da Suma de Santo Tomás
co dominico Frei Manuel Alvariño, Vicario Provincial da súa
Orde.
1806. Con 18 anos cursa licenciatura en Teoloxía.
1807. De 1807 a 1808 Fontán estudia ademais Lingua Hebrea
co mestre asturiano Frei Filipe González Abarca, Comendador
dos Mercedarios de Conxo, Doutor en Teoloxía, mestre nas Linguas
Hebrea e Grega, e que chegou a ser Bispo de Ibiza en 1816 e de Santander
en 1829. Fontán remataría o curso co santiagués
Filipe Rey Porto.
De 1808 a 1809 estudia Sagradas Escrituras co Dr. de Teoloxía
Antonio Javier Alvarez.
1809. Estudios de ciencias exactas e naturais por parte de
Fontán. No estudio de Matemáticas durante dous anos
escoita as leccións do Dr. José Rodríguez.
En 1811, substitúe ó Dr. don Antonio Sarmiento,
catedrático de Retórica. Por esta época impartía
francés e inglés na Escola Militar do IV Exército
de Compostela.
O 20 de xullo de 1811 recibe o grao de Licenciado en Teoloxía
na igrexa da Universidade, de mans do cóengo Cardeal de Santiago
don Andrés Gil Villaverde. El 29 de setembro, recibe Fontán
o grao de Doutor, que lle confire o Provisor don Lorenzo Ortega,
cóengo lectoral de Decreto.
De 1811 ata 1813 estudiou dous anos de Institucións Canónicas.
1812-1814. Asistiu nos dous cursos ás leccións
do matemático Rodríguez.
En 1812 comezou a desempeñar o Maxisterio público
na Universidade nos diferentes ramos, substituíndo Cátedras
de Retórica e Belas Artes, Lóxica e Metafísica.
6 de decembro de 1812. Refacendo o arquivo de Portas, o párroco
da mesma, descobre que don Domingo Fontán Rodríguez
"naceu e foi bautizado o 17-4-1788".
Desde 1811 a 1813 estudiou Fontán dous anos de Institucións
Canónicas co Dr. en Leis e Cánones, Benito Carrera e
Pazos de Probén, e nestes dous cursos asistiu á Academia
de Cánones que dirixiron o Dr. Don Francisco Cernadas o primeiro
ano, e o segundo os Dres. Pereira Novio e Andrés Fernández.
28 de setembro de 1813. Recibe a Licenciatura en Artes.
O 4 de marzo de 1813 interveu na sesión que tal día
celebrou o claustro defendendo o memorial que o glorioso Rodríguez,
catedrático de Matemáticas Sublimes, presentara un mes
antes, no que pedía o abono de medio soldo dos dez anos que
estivo ausente, e no que venceron os amigos deste.
Profesor substituto de Lóxica e Metafísica. Poñente
para as xestións do novo "Colexio Militar" en Santiago.
No Curso de 1813 a 1814 substituíu Fontán a cátedra
vacante de Lóxica e Metafísica, que pertencía
ó segundo curso da Facultade de Filosofía no plan de
1807 entonces vixente.
De 1814 a 1818 foi Profesor de Matemáticas Sublimes.
Doutor en Artes. Vicesecretario da "Sociedade Económica".
Causa de Estado contra el, e Patiño, pola actuación
nela.
O 23 de maio de 1814, restaurado o absolutismo, foi denunciado
ó claustro como liberal polos Dres. Francisco Cabrera Ron e
Manuel del Corral.
3 de xuño de 1815. A Audiencia de Galicia absolve a
Fontán da acusación de liberal.
No curso de 1814-1815 substituíu a Rodríguez,
que se ausentara novamente por razón de estudios, na cátedra
de Matemáticas Sublimes, e foi Presidente da Academia de Filosofía.
Membro da Comisión para a reforma da Universidade.
En 1816 gradúase de Bacharel de Xurisprudencia na Universidade
compostelán, e a penas saído de aquelas aulas como discípulo,
volve a elas como mestre, explicando Mecánica Industrial e
Matemáticas Sublimes. Presidente da Academia de Filosofía.
Protesta polo sistema de elección do Decano.
No curso de 1816-17 substituíu novamente a Rodríguez,
quen xa non habería de volver de catedrático a Santiago,
e tivo por alumnos ó insigne xeólogo santiagués
don Casiano del Prado e ó famoso economista e viaxeiro coruñés
don Ramón da Sagra.
En 1817, e por cargo concellil, foi membro da Xunta de Reparticións
de Tributos, en representación do Salnés.
Por R. O. do 14-9-1817 restableceuse na Universidade de Santiago
o plan de 1772, e como nel non existía a cátedra de
Matemáticas Sublimes, encargou o claustro a Fontán para
o curso 1818-19 da de Física Experimental que estaba vacante.
Neste ano de 1817 deu "principio á operacións
da Carta Xeométrica de Galicia...".
O 12 de xaneiro de 1818, falece en Porta de Conde (Portas)
a súa nai dona Sebastiana Rodríguez Blanco.
No curso de 1817-18 foi substituto da cátedra vacante
de Elementos Matemáticos, que era a do primeiro ano de Filosofía
no plan entonces vixente de 1807, e que obtivo en propiedade en brillantísima
oposición en abril de 1818. Neste curso tivo que enfrontarse
cos pais de varios alumnos, que se queixaron en instancias elevadas
a El Rey en 20 e 24 de xuño de que suspendera a 108 alumnos
dos 182 ós que ascendía a matrícula, por ser
indispensable esta materia a todos os estudiantes da Universidade,
saíndo victorioso Fontán. Inicia a triangulación
da provincia de Santiago, comezando a súa amizade con José
Valladares.
1819. Con 31 anos sucede a Rodríguez na Cátedra
de Matemáticas Sublimes. O 2 de xullo eleva ó respecto
unha instancia ó claustro da Universidade.
O 15 de xullo solicita pasar á Cátedra de Matemáticas,
despois da súa accidentada estancia na de Física.
No Trienio Constitucional (1820-1823), Fontán foi secretario
da Xunta Provincial de A Coruña.
6 de maio. Fontán solicita un braseiro para que nos
días de humidade non se altere o instrumental.
En xuño de 1820 mediu unha base de 2.744 varas, calculando
a posición xeográfica da Torre do Reloxo de Santiago.
6 de agosto. A Revolución liberal restablece o Plan
de 1807 por Decreto das Cortes nese día, pasando así
Fontán á de Matemáticas Sublimes, que, segundo
visita realizada pola autoridade o 4 de xuño de 1821, desempeñaba
con regularidade.
18 de outubro. Nomease como substituto de Fontán na
Cátedra de Matemáticas Sublimes a seu irmán Andrés.
O 5 de xullo de 1821, Fontán determina a posición
da Torre do Reloxo da Catedral de Santiago. Regulamento de instrucción
pública establecendo a uniformidade de ensinanza nos seus tres
graos en todo o Reino.
O 10 de novembro o Gabinete de Física e Matemáticas
Sublimes foi entregado polo Dr. don Sebastián Suárez,
ó que se lle debía haber entregado Fontán, unha
vez que se desprendeu totalmente da ensinanza de Física.
O 21 de xaneiro de 1823 a Dirección Xeral de Estudios
manda que Fontán siga de Secretario da Deputación de
A Coruña, por ser, segundo esta, necesario, a pesar de haber
sido nomeado ultimamente Catedrático de Matemáticas
Sublimes.
O 27 de xullo, o Goberno absolutista suspende a Fontán
da súa cátedra.
En 1823 tiña concluído o debuxo das actuais provincias
de A Coruña e Pontevedra, a excepción do Bispado de
Tuy... dos cinco partidos meridionais e de algunhas comarcas do partido
de Corcubión. Voda con dona Manuela da Riva. Colabora no "Diccionario
Xeográfico" de Míñano (Mapa de a Ría
de Arousa e das rías de Betanzos,
Ferrol e Coruña)..
20 de outubro. Cesa como profesor de Matemáticas Sublimes,
conforme á R. O. de Rexencia de 23 de xullo, por haber sido
nomeado Secretario da Xunta de A Coruña.
En 1826 publicouse o que eu tiña adiantado por don Sebastián
de Míñano...
22 de agosto. Por R. O. dese día firmada por Calomarde,
foi "purificado", despois de haberlle rexeitado dúas
instancias, en súplica da purificación, a Xunta de Santiago.
13 de outubro. É nomeado Académico de Historia
de Lugo. A Real Audiencia de Galicia encárgalle o estudio da
división territorial de Galicia en Partidos Xudiciais, e a
de Municipios, que de momento queda en suspenso.
18 de novembro. Nace o seu fillo Félix. Vivía
entón na parroquia de Santa María de Salomé (Santiago).
Non contento co seu Doutorado en Teoloxía e Artes, e o seu
Bacharelato de Cánones, quixo facerse Bacharel en Leis, e para
elo, continuando na Cátedra de Matemáticas Sublimes,
asistiu no curso 1827-28 á cátedra de primeiro ano de
Dereito Romano, que desempeñaba como substituto o Dr. Rodrigo
Quiroga Porras, natural de Meira (Lugo).
Fontán tamén asistiu este curso á Academia dominical
de Leis que dirixía o Dr. José Alvarez Sarmiento. En
1828 "estendín a miña triangulación cara
a parte oriental, medín unha segunda base de 5.975 varas...
Estes esforzos meus... chamaron a atención do Excmo. señor
don Luis López Ballesteros, Ministro de Facenda...".
Esta base medida por Fontán, é a chamada do Corgo.
O 24 de decembro de mans do Decano Dr. don José Suárez
Villanueva, recibe o título de Bacharel en Leis.
28 de febreiro de 1829. Carta desde Vigo do Director Xeral
da Armada, para que se facilite axuda ós traballos de Fontán.
No mes de abril por R. O. encargáselle o trazado dos principais
camiños de Galicia. Emprendendo desde primeiros de maio a últimos
de novembro do ano 29 o recoñecemento e triangulación
da parte meridional da provincia de Pontevedra, e a occidental da
de Ourense...
6 de outubro. Orden da Inspección Xeral de Instrucción
Pública para que non se lle acrediten haberes.
14 de xaneiro de 1830. Morre o seu pai don Rosendo Fontán,
no seu domicilio de Porta de Conde (Portas).
22 de febreiro. R. O. acordando a dispensa de Fontán
a clase. En abril Orden da Inspección Xeral, para que a Comisión
de Facenda non negue os libramentos que corresponden a Fontán.
15 de outubro de 1832. María Cristina amnistía
ós liberais, exceptuando ós que conspiraran contra El
Rey en Sevilla, e ós que se levantaran en armas contra el.
29 de abril de 1833. R. O. comunicada polo Ministro de Fomento,
para que a Universidade de Santiago facilite a Fontán en favor
dos seus traballos topográficos dous barómetros, un
círculo repetido, un péndulo, un anteollos astronómico
e un transportador de ángulos.
En 1834 Fontán acumula a Cátedra de Xeometría
Mecánica e Delineación aplicadas ás Artes no
Conservatorio de Artes. Presidente da Sociedade Económica "Amigos
del País". Memoria para a realización dos mapas
das provincias galegas. Martínez de la Rosa, Xefe do Ministerio.
En abril convoca Cortes, instituíndose dúas cámaras,
a de próceres e a de procuradores.
30 de abril. R. O. do Ministerio de Interior, comunicada polo
Inspector de Instrucción Pública Gómez Hermosilla
ó Gobernador Civil de A Coruña, indicando que a Raíña
Gobernadora ordena a inmediata impresión litográfica
do Mapa de Galicia "de manera que cuanto antes pueda lograr
el público los beneficios de una obra tan útil a la
Administración y a las Ciencias como honorífica para
el digno profesor que la ha desempeñado y para sus colaboradores.
Es también la voluntad de S. M. que al mismo tiempo que se
excita el celo de Fontán para que con la posible brevedad termine
los trabajos de dicha Carta... se le diga que S. M. quiere que venga
a asistir e ilustrar con sus observaciones los trabajos que hayan
de hacerse para litografiar la Carta con la debida exactitud, y que
durante su ausencia de Santiago conserve los destinos que allí
obtiene y los emolumentos respectivos".
12 de setembro. R. O. comunicada do Ministerio de Interior
á Inspección Xeral de Instrucción Pública,
para que se nomeen os substitutos de Fontán, sen que a este
se lle ocasione desconto algún, tanto na Cátedra de
Matemáticas da Universidade, como na de Xeometría, Mecánica
e Delineación da Sociedade Económica de "Amigos
del País".
Novembro. R. O. para que dos fondos da Universidade se reintegren
a Fontán os soldos non percibidos mentres estivo suspenso e
pendente de xuízo de purificación.
Decembro. R. O. comunicada polo Goberno Civil de A Coruña,
do Secretario de Estado, interesando a cantidade do reintegro que
se debía facer a Fontán.
21 de abril de 1834. É nomeado Catedrático de
Física, Mecánica e Delineación das Artes da Sociedade
Económica de Santiago, materia mandada crear coa de Química
das Artes, que desempeñou en Santiago don Antonio Casares,
polo Ministro da Gobernación Francisco Javier de Burgos en
1833.
11 de xullo. Nace o seu fillo Manuel. Vivía na rúa
da Senra.
1 de decembro. É presentada ante a Raíña
Gobernadora a Carta de Galicia.
17 de xaneiro de 1835. R. O. resolvendo que o pago das cantidades
suplidas por Fontán ós seus substitutos, das que se
lle habían de reintegrar, debe facerse dos fondos aplicados
para dotación dos demais catedráticos, ou en prorrateo
entre estes. Por R. O. de 17 de febreiro é elevado ó
cargo de Director do Observatorio Astronómico de Madrid.
1 de maio. Por R. O. créase a Escola Especial de Enxeñeiros
Xeógrafos.
7 de xullo. R. O. do Ministerio de Interior, na que se fai
expresión do soldo que se lle concede a Fontán (24.000
reais e de dereito de viuvez á súa familia), e disponse
que continúe no percibo dos seus haberes universitarios ata
o día que demostre haberse posesionado do seu destino, así
como o de unha asignación de 1.000 reais mensuais polos que
gozaba por outra R. O. de 29-1-1835. En claustro do 6 de agosto sóubose
que S. M. lle nomeara ademais Catedrático da Escola de Enxeñeiros
Xeógrafos. Desde entón Fontán desenrola a súa
labor en Madrid.
15 de xullo. Carta de Fontán á Universidade de
Santiago, agradecéndolle a súa educación, e o
de formar parte do claustro.
Por R. O. do 25 de febreiro de 1836 é nomeado membro
da Comisión encargada de proporcionar un Sistema de Pesas e
Medidas.
17 de outubro. Apertura das Cortes Constituíntes convocadas
polo Goberno que presidía don José María Calatrava,
saíndo Fontán elixido pola provincia de Pontevedra.
O 25 deste mes era nomeado membro das Comisións parlamentarias
de Mariña e Instrucción Pública.
17 de novembro. Usa da palabra para dicir que en Galicia a
penas había ponte que no estivese arruinándose por falta
de coidado.
25 de novembro. Contradicindo ós que pedían que
fosen doadas as substitucións nas cátedras.
19 de decembro. Trátase da espiñosa discusión
acerca da capitalidade de Pontevedra.
20 de decembro. Continúa a anterior discusión.
O 5 de xaneiro de 1837, Fontán é nomeado integrante
da Comisión de Agricultura e Artes, e o día 18 falou
moi duramente contra os privilexios e dotacións dos médicos
de baños.
O 17 de marzo comunicábase ó Congreso que Fontán
deixara de pertencer á Comisión de Agricultura e Artes
e continuaba na de Mariña.
O 11 de febreiro falou Fontán sobre a supresión
dos diezmos.
O 7 de maio, contesta a Ferro Montaos, deputado pola provincia
de A Coruña, avogando pola seriedade da Universidade de Santiago,
"...a lo menos me presto que allí no enseñé
errores". Neste mesmo día fala da cuestión
foral, así como a proposición dun lazareto en algunha
das illas das Rías Baixas, co fin de que os buques que se dirixisen
a Galicia non se visen obrigados a realizar corentena en Mahón.
Volve a tratar da cuestión foral o 3 de xuño, e na do
1º de xullo trátase da situación do clero unha
vez suprimido o diezmo.
O 4 de xullo, pedía que non se esixisen 30.000 rs. de
renda para ser Senador, "Es constituir el Senado en una verdadera
aristocracia de ricos propietarios aunque no tengan saber...".
Ó día seguinte fala da composición das Cámaras
segundo a Constitución, e na que Fontán solicita que
os empregados da Casa Real non poidan ser deputados. Na xornada do
día 6 pedía que os Arcebispos e Bispos puidesen ser
senadores fóra da provincia na que residisen, non como a Comisión
propuña, fóra das provincias en que exercesen xurisdicción,
na sesión do 8 de agosto fala das desfeitas causadas polos
franceses no seu pobo de orixe. Mentres esto acaecía en Madrid,
na sesión do 2 de agosto, celebrada pola Sociedade Económica
de Santiago, don Antonio Casares, por aquel entonces Licenciado en
Farmacia, e máis tarde Catedrático de Química
e Rector da Universidade Compostelán, lía o seu "Análisis
de las aguas minerales de Caldas de Reyes y Caldas de Cuntis, con
la enumeración de sus principales virtudes".
A sesión del 22 de agosto tratou sobre a supresión
de algúns bispados, entre eles o de Mondoñedo, ó
que Fontán con sólidos argumentos se opuxo.
Na sesión do 10 de setembro, responde enerxicamente ó
deputado Fernández Baeza, quen segundo os seus razoamentos
Fontán non entendía de montes. "Al que encaneció
trepando sierras, al que recorrió los montes de Galicia y gran
parte de Asturias y León... mal puede decírsele que
nada entiende de montes...".
O 10 de outubro explica a situación real dos pobos de
Asturias e Galicia. O día 22 fala das mutilacións
que moitos mozos galegos se facían para non ir ó servicio
militar, e o 24 pide apaixonadamente a supresión dos médicos
de baños.
O 4 de novembro declárase terminada a lexislatura das
Cortes Constituíntes e a mediados do mesmo mes empezaban as
Cortes ordinarias que duraron ata o 1 de xullo de 1839, en que foron
disolvidas. Nela saíu Fontán deputado polas provincias
de Lugo e Pontevedra, pero escolleu esta, e o 18 de novembro era elixido
cuarto Secretario do Congreso.
Na intervención de Fontán no Congreso o día 11
de xaneiro de 1838, sinala que "En España se postergan
a los hombres que se dedican a las ciencias, al paso que se recompensa
pródigamente a los empleados...".
O día 24 puntualiza: "Soy enemigo de grandes
sueldos y amigo de economías", e o día 30,
recomenda que os soldados estean "donde les llama el servicio
de la Patria, y que nadie los oculte o retenga indebidamente...".
O 1 de marzo, en contra da posición do deputado Benavides,
defende ó deputado da provincia de A Coruña, e ex discípulo
seu, don Ramón da Sagra, se lle conceda licencia para ausentarse
a París a realizar os seus traballos, o que obtén o
respaldo da Cámara.
O día 9 ataca ó bibliotecario e famoso crítico
liberal Gallardo, que cobraba 15.000 rs. para facer unha Gramática
filosófica e outros 15.000 como bibliotecario das Cortes.
A Sociedade Xeográfica de París nomea a Fontán
socio de dita Entidade pola súa Carta
de Galicia.
O 14 de novembro fai testamento, e foi a súa albacea,
a falta da súa esposa doña Manuela Riva, el Dr. don
Andrés Fontán Rodríguez.
Do 31 de decembro é a carta do ex deputado Fontán
desde Santiago ós electores de Galicia, e en especial ós
das provincias de Pontevedra e Lugo.
1840. Fontán, tralo pronunciamento militar de Espartero,
é separado do seu destino de Catedrático Director do
Observatorio Astronómico de Madrid.
O 23 de novembro o ministro Manuel Cortina publica un decreto
ordenando a formación dunha Comisión cartográfica,
con ánimo una vez mais, de realizar o famoso Mapa Nacional.
Desde o 1 de xaneiro de 1841 é elixido deputado provincial
polo distrito de A Lama.
O día 7, Fontán e Valladares opóñense
á inscrición na lista electoral do distrito de Caldas
ó xuíz de Primeira Instancia de dita vila don Lorenzo
da Fonte e Feijoo, por opinar que "non estaba nas facultades
da Corporación coñecer de dita solicitude antes do término
prefixado". Reside por estas datas Fontán na calle Acibechería
de Santiago. Preside como máis antigo dos doutores a licenciatura
de don Antonio Casares, en Química. É elixido deputado
a Cortes por Pontevedra. Nace o seu fillo Rosendo, e colabora no "Diccionario
Xeográfico" de Madoz.
Con respecto ó Mapa Nacional, e por decreto firmado en 1843
polo político e xeógrafo don Fermín Caballero,
ordénase a formación dunha comisión que se dedique
á triangulación xeodésica da península,
algo que non se leva adiante pola burocratización.
En 1845 promúlgase unha nova Constitución (23
de maio), na que os deputados sono por cinco anos, desaparecendo a
convocatoria automática e establecéndose un solo foro.
Tras varias viaxes a París, Fontán puido ó fin
ver gravada a "Carta" en doce pedras litográficas,
labor que baixo a súa persoal dirección levouse a cabo
nos talleres de L. Bouffard. Crises ministeriais a comezos de 1846.
Sublevación en Galicia a cargo do Xefe do Estado Maior Solís,
apoiada polo Xeneral Buceta (veciño
de Fontán). Solís foi apresado, fusilándoo en
Carral xunto a 12 capitáns e un coronel, mandando os soldados
a presidio.
No ano 1853 comézase a triangulación xeodésica
total da Península Ibérica.
Ó ano seguinte Fontán asiste con La Sagra a un
claustro para a presentación de curatos do Padroádego
da Universidade.
Do 20 de maio de 1855, é unha carta de Fontán
datada en Noia, dirixida ó seu sobriño Andrés
Domingo Vidal Fontán.
Aparece Fontán en 1858 colaborando na revista "La
Exposición Compostelana", nos números correspondentes
ás datas 13 e 27 de xuño, e 11 e 23 de xullo.
En 1859 comeza a guerra de África, e deste ano consérvanse
catro cartas familiares de Fontán ó seu sobriño
Andrés Vidal, todas elas desde Noia, o 29 de setembro, o 9
e 12 de novembro, e o 5 de decembro.
1860. Sendo arquiveiro-bibliotecario da Sociedade Económica
de Santiago, integra a comisión que vai realizar o estudio
do tren compostelán. Por estas datas publica na revista "Compostelán"
santiaguesa, un interesante traballo sobre a vía férrea
a Carril. Informe sobre un ferrocarril central de Galicia. Director
da Sociedade Económica.
O 4 de xaneiro de 1861, as Cortes toman en consideración
unha proposta autorizando ó Goberno para que outorgue a Fontán,
a Joaquín Caballero e a Inocencio Vilardebó a concesión
dun ferrocarril de Santiago a Carril.
O 10 de febreiro de 1863 forma parte dos concesionarios da
construcción del FF. CC. de Santiago a Carril.
O 23 de outubro Fontán realiza as indicacións
para o estudio dun ferrocarril entre Santiago, Betanzos e Ferrol.
Datada en Santiago o 6 de xullo de 1865, é unha carta
de Fontán ó seu sobriño Andrés Vidal.
A Fontán sorprendeulle unha doenza aguda en Cuntis, acabando
alí a súa dilatada e fecunda vida na mañá
do 24 de outubro de 1866. Ó día seguinte foi
trasladado o seu corpo a Santiago, dándoselle sepultura no
cemiterio xeral, nicho número 306, de súa propiedade.
O seu cadáver foi incinerado na capela das Animas pola Cofradía
de Sacerdotes de Nosa Señora da Concepción. A partida
da súa defunción transcribiuse no folio 30, libro correspondente
de San Andrés. As súas cinzas estiveron na urna cineraria
número 51 do Concello de Santiago, que as solicitara á
familia en oficio de 21-5-1913 co propósito de ser trasladadas
ó Panteón de Galegos Ilustres, feito que se verificou
o 30-12-1988. En dito oficio prometíase por parte do
Concello colocar unha placa na casa número 19 da rúa
do Villar, na que viviu Fontán.
Autor: Xosé Lois Vila Fariña